16/10/2022
برنامج الواقعه في قناة البلد..
إستضافو فيهو 3 شيوخ موضوع الحلقة كان عن الشعوذة والدجل و موضوع هادف شديد الصراحة ومنتشر شديد الايام دي ..الحلقة إستضافو فيها 3 شيوخ واحد من الشيوخ اسمو البشرى هو شيخ واعي و اي شي لكن إدعى إنو جبريل نزل عليهو قادرين تتخيلو يجماعه؟هو قال انو شافو و اتكلم معاهو..غير كدا جاب معاهو صورة و الظاهر انو مدبلجة الصورة كان فيها صورتو هو في القمر بإختصار ((هو بدعي انو نبي)) لا حول ولا قوة الا بالله
في شيخ تاني و قال انو من كبار الشيوخ في البلد المهم امين عام في حاجة بتتعلق بالشيوخ كدا برضو زول فاهم لكن مشكلتو بكتب محاية و بكتب في المحاية بسم الله الرحمن الرحيم الشيخ التالت ود اكتر واحد فاهم وكلامو منطقي وحاصل بالجد ف قال انو د دجل لانو حاليا لمن تمشي لي شيخ و يكتب محاية ما بكون كاتب بسم الله الرحمن الرحيم بكتبو ارقام او حروف او ايات من القرآن لكن بالمقلوب والعياذ بالله🙂💔 الشيخ سالم كان بتكلم عن الرقية الشرعية و انو هي بالكتاب والسنة بس و غير كدا باطل و الإنسان ما ضروري يمشي لي شيخ عشان يرقي ليهو وممكن يرقي لي نفسو و ذكر حديث الرسول وقال انو الرسول كان برقي لي نفسو
الناس تحاول تبعد من الشيوخ المشعوذة والدجالة دي🚶
