21/02/2021
قبل نبدأ كلام عن البيرسونا البيها حيرونا خلوني أحكي ليكم قصة صغيرونة كده😌
نهال شابة عشرينية شغالة في شركة رهيبة في السودان/بورتسودان. نهال بتحب تعيش الأجواء الأجنبية وكل يوم بتطلع من بيتها مستعجلة وهي ماكلة قرمة عيشة "أي أخوها بجيب العيش الصباح" وبكون نفسها قبل تصل الشغل تلقى كوفي شوب فاتح الصباااااح بدري زي 7ونص صباحا عشان تاخد قهوة معاها انجلش كيك وتبقى مارقة على دوامها😌
لكن آاا وين يا. أول كوفي شوب بفتح بدري الساعة 9 صباحا😂
طيب، فصحبتنا نهال بتضطر تصل المكتب وتخرب مزاجها وتشرب قهوة في كباية عثمان حسين عادية بدل الكباية الجميل التيك أويه وتاني اخر اليوم بترجع بيتها وخلاص.🙄
من ناحية تانية أمين شاب ثلاثيني وصاحب كوفي شوب رهيب في بطابع عصري وقهوة رهيبة وبفتح يوميا من 6 صباحا ومكانه في بورتسودان لكن حاسس إنو خسران فئة كبيرة من محبي احتساء القهوة والجبنة وكل الحاجات الحلوة ديك وما عارف ليه 😥
بالنسبة لأمين مشكلته بالرغم من وجوده في السوشل ميديا حتكون انو ما عمل بيرسونا للكستمرز حقنه وده مخلي الكوميونكيشن حقه تعبان وبكده خسر كستمرز بوتينشال كتار من نوعية نهال🤷🏽♀️
قدرتو تعرفوا البيرسونا هي شنو واهميتها قدر شنو؟
أي البيرسونا هي انك تحاول تفهم التريدز traits الأساسية للكستمرز عشان تعرف تقدم ليهم الخدمة او المنتج البحتاجو وتصمم شخصية وهمية باسم وصفات بتمثل ا.Ideal Customer Persona 👌🏽
طيب اعمل بيرسونا دي كيف
لازم في البيرسونا تحدد ال :
Background: name, job title
Demographics: age, gender, education degree, location, income
Habits: daily or frequent habit
Interests: hobbies, activities
Challenges and pain points: what do they consider to be a challenge or a hard thing to overcome
Goals and tasks: what they’re looking for in terms of benchmarks and KPI.
طيب اعرف المعلومات دي كيف؟ اتخيل؟
لااااا! اكبر خطأ إنك تتخيل لأنك حتكون حكمت على إحتياجات عميلك من وجهة نظرك اإنت وده قد يصيب وقد يخيب وأكيد ما عايزين خيبة الأمل دي😰
طيب أعمل شنو؟ يلا الطريقة المثالية هي إنك تعمل research و interviews عديييل عشان تعرف الكستمرز حقنك منو و احتياجاتهم شنو، ده طبعا محتاج جهد وbudget كبير لكن في النهاية حيمسكك الدرب صح.
لو ماف إمكانية للحاجة دي وعندك صفحة في فيسبوك ادخل الinsights بتاعت البلاتفورمز حقتك وحاول افهم الكستمرز، ادخل المسجات واقرا وحلل اكتر اسئلة بتصلك من العملاء وبرضو ممكن تدخل القروبات البتشبه بزنسك وتشوف الناس بتقول في شنو عن الرودكت النفس حقتك بشكل عام وعنك بشكل خاص والأشخاص ديل منو.
أجمع الاسئلة الغالبة حتعرف منها المشاكل وحتفهم تفكير العميل وادخل البروفايلات عشان تعرف الديموغرافيكس.
بكده حتفهم ناسك منو وحتقدر تصمم بيرسونا أو بيرسوناز بتشبههم😉
طيب الكلام ده كله حلو لكن بفيدنا في شنو؟
🔴حيفيدك تعرف تتكلم مع الكستمرز حقنك صح
🔴حيساعد مصممك يصمم بطريقة تجذب الفئة المستهدفة
🔴حتعرف توجه اعلاناتك لفئتك المستهدفة بدقة
حتفهم نقاط الضعف في منتجك أو خدمتك وحتطوره
أها وريني، حتعرف تصمم بيرسونا بتشبه البزنس حقك أو حق عميلك بعد البوست ده؟ وهل عندك إضافة تانية؟🤩
