23/03/2026
OGAYSIIS MUHIIM AH.
Iyadoo maalmihii ugu dambeeyay si xiriir uga da’ayaan Roobab magaalada, isla markaana ay jirto suuragalnimada khataro la xidhiidha daadad, koronto iyo burburka dhismayaasha nugul.
Waaxda Maaraynta Masiibooyinka DHB oo kaashanaysa, Waaxda Xidhiidhka Dadweynaha iyo Warbaahinta, waxay si adag ugu wargelinaysaa dhamaan bulshada inay muujiyaan feejignaan sare iyo u hogaansanaan ku wajahan tilmaamaha badbaadada.
Waxaa si gaar ah loo farayaa bulshada:
1.In si buuxda looga fogaado Dooxyada iyo goobaha biyuhu maraan.
2.In aan la taaban, loona dhowaan fiilooyinka korontada ee Roobabku gooyaan ee dhulka yaala, si looga hortago shilal halis ah.
(Hadii aan aragto fiilo go'an, fadlan la xidhiidh shirkada Korontada, Dawladda Hoose ama saldhiga, si degdeg loogu hagaajiyo.)
3.In laga fogaado dhismayaasha daciifka ah iyo hoy kasta oo u nugul burbur xilliyada roobabka culus.
Muwaadin,Dawladda Hoose Ee Boorama waxay kugu adkaynaysaa in badbaadada muwaadiniintu tahay mudnaanta koowaad, isla markaana ay muhiim tahay in qof kasta uu qaato doorkiisa wacyigelineed iyo masuuliyadeed.
"Bulsho ahaan, waxaa waajib inagu ah inaan iska kaashanno ka hortaga khataraha, isla markaana aan si wadajir ah u ilaalinno nafteena, qoysaskeenna iyo hantideenaba."
