06/10/2024
"MARKASTA DADKA AAN ISKU DHOOWNAHAY WAXAY II WAAYDIYAN QAADIYADA SOOMALILAND MAXAD UU DIIDANTAY SABAABTA AAN UU DIIDA WAA TAN ZXP"
Iyadoo doorashadii madaxtooyada Jamhuuriyadda Somaliland qorshaheedu yahay inay dhacdo 13 November, oo deegaanada iyo gobolada Jamhuuriyadda Somaliland ay isku diyaarinayaan doorashadan, ayaa dhinaca kale nasiib darro deegaanka aan ka soo jeedo ee waqooyiga Hargeysa ka soo bilaw Lughaya bari, Ido cadays, Cabdi Geedi, Ceel Sheekh ilaa Bulaxaar dadka deegaanka ku nool oo ah dadkaan dhalasho ahaan ka soo jeedo waxaa loo diiday xuquuqda ah inay deegaankooda cod ka dhiibtaan.
Dadka deegaanka ku nool dusha ayuunbay Somalilanders ka yahiin, laakiin xuquuq ay ku leeyahiin Somaliland ma jirto, doorasho inay ka dhacdo deegaankaasi waa laga mamnuucay, miisaaniyadda qarranka kamaba tirsana, hal mashruuc oo dawladi leedahay weli lagama hirgalin 33 sanno ee Somaliland jirtay, waxaa laga dhigay dhul go’doon ah oo dadka ku nooli yahiin sida dadka loo yaqaano “Biduunka” ee dalka Kuwait ku nool.
Tusaale haddaan is idhaahdo kaadhka aqoonsiga Somaliland deegaanka ku qaado, la ima ogola, waa inaan mid doorto Boorama, Berbera, Hargeysa ama Gabiley.
Haddii cidi dalka Somaliland la yidhaahdo ku dulmantahay waxaa ku dulman dadka deegaanka aan ka soo jeedo ku nool, oo lagu qasbay inay badhkoodna Hargeysa yimaadan, badhkoodna Gabiley, badhkoodna Boorama, badhkoodna Berbera.
Haddii ay cidi qori iyo rasaas u qaadan lahayd dulmima dadka deegaankaasi ayaa u qaadan lahaa, dadkayagaasi waxaanu nahay kuwa cashuurta ugu badan laga qaato.
Dadka deegaankaasi waxaa u taalla tallo aynu iskugu noqonayno
Wa bilaahi tawfiiq
