30/06/2026
Fariin Garnaqsi iyo Xaq Raadis
Waxaan halkan ku caddeyneynaa mowqifka ku saabsan xuquuqda siyaasadeed iyo matalaadda saxda ah ee beesha Geelidle ee Gobolka Baay.
taariikhda rasmiga ah muujinayaan, Gobolka Baay wuxuu ka kooban yahay degmooyin muhiim ah oo ay ka mid yihiin Baydhabo, Qansaxdheere, Diinsoor iyo Buurhakabo, halka Bardaale, ay ka mid tahay degmooyinkii la magacaabay wixii ka dambeeyay 1990.
Beesha Geelidle waa beel si ballaaran u degta Gobolka Baay, gaar ahaan degmooyinka Baydhabo, Qansaxdheere iyo Diinsoor, taas oo ka dhigaysa awood bulsho, deegaan iyo mid siyaasadeed oo muuqata, isla markaana laf-dhabar u ah jiritaanka iyo horumarka gobolka.
Iyadoo laga duulayo xaqiiqadaas dhabta ah, waxaa cad in xilka Guddoomiyaha Gobolka Baay uu yahay xuquuq siyaasadeed oo ay beesha Geelidle si cadaalad iyo matalaad sax ah u leedahay maadaama ay door muuqda ku leeyihiin inta badan degmooyinka gobolka.
Waxaan ugu baaqeynaa waxgaradka, siyaasiyiinta, dhalinyarada iyo guud ahaan bulshada Geelidle inay mideeyaan mowqifkooda, kana shaqeeyaan xaqooda si wadajir, nabad, is-afgarad iyo wada-tashi ku dhisan.
Sidoo kale, waxaan ugu baaqeynaa madaxda sare ee dowladda iyo cid kasta oo door ku leh magacaabista maamulka Gobolka Baay inay si dhab ah u tixgeliyaan xaqiiqada ku saabsan deegaan, matalaad iyo cadaalad siyaasadeed.
Beesha Geelidle xaqeeda way raadsaneysaa, waana xaq dastuuri ah oo aan laga hor istaagi karin. Waxaa lagama maarmaan ah in ay hesho saamiga iyo matalaadda ku habboon, gaar ahaan xilka Guddoomiyaha Gobolka Baay.
