Nabad iyo Nolol

04/09/2026

Madaxweyne Mohamed Abdullahi Farmaajo oo warsaxfaaded kasoo saaray weerarkii drone-ka ee guriga Jeneraal SHUB.

Caafimaad degdeg ah ayaan Alle u weydiinayaa Janaraal Mahad Cabdiraxmaan Aadan oo kamid noqday Baarlamaanka 11-aad ee JFS, ahaana taliyihii h**e ee Ciidanka Asluubta Soomaaliyeed oo dhaawac ka soo gaaray weerar duqayn ah oo loo adeegsaday DRONE, kaas oo uu nidaamka muddo dhaafka ah ee Xasan Sheekh Maxamuud ku bartilmaameedsaday hoyga uu degmada Doolow ka deggenaa Jananku.

Weerarkan foosha xun ee lagu qadaay hoyga Janaraal Mahad Cabdiraxmaan Aadan, oo muddo dheer usoo adeegayey Qaranka Soomaaliyeed, waxa uu dhaawac ku yahay dowlad-dhiska dalka iyo dadaallada dib u heshiinta shacabka Soomaaliyeed, waana fal bahalnimo ah oo ay tahay inaan cod midaysan ku diidno.

Waa dhacdo ugub ah in beegsi noocan ah uu Madaxweynaha muddo xileedkiisu dhammaaday u adeegsado siyaasiyiinta ka arragtida duwan, waxayna tallaabadan gurracani dalka dib ugu celinaysaa kala irdhowgii siyaadadeed ee dhaawacay kalsoonida shacabka Soomaaliyeed.

Mashaakilka ka taagan Dowlad Goboleedka Koonfur Galbeed waa mid siyaasadeed oo u baahan in loo maro wadada wadahadalka iyo dib u heshiisiinta, xalkeeduna kuma imaan karo khaarajin siyaasadeed (Political Assassination). Waxaan ku baaqayaa in baaris deg deg ah oo madaxbannaan lagu sameeyo weerarkan lagu bartilmaameedsaday Janaraal Mahad Cabdiraxmaan Aadan.

DHAMMAAD

23/08/2026

AKHRISO, War-saxaafadeedka Madaxweyne Mohamed Abdullahi Farmaajo kasoo saaray BARAKICINTA SHACABKA.

Dhul boobka xargaha goostay iyo barakicinta joogtada ah ee lagu hayo bulshada caasimadda waa masiibo halis ah. In saq dhexe guryohooda lagu kor dumiyo muwaadiniin isugu jira carruur, haween, waayeel iyo qoysas danyar ah waa fal bahalnimo ah oo ka fog damiirka bani’aadannimo iyo dareenka Muslimnimo.

Madaxweynaha muddo xileedkiisu dhammaaday waxaan ugu baaqaynaa in uu si degdeg ah u joojiyo dhul boobka, barakicinta shacabka iyo adeegsiga sharcidarrada ah ee ciidamada iyo hay’adihii dowladda oo uu ka dhigay aalad uu ku barakiciyo, marna ku cabburiyo muwaadiniinta Soomaaliyeed ee uu dulmiyey.

Ma jiro qiil iyo marmarsiinyo uu Madaxweynaha muddo xileedkiisu dhammaaday uu u heli karo in uu muwaadiniin Soomaaliyeed habeen madow guryahooda xoog uga saaro, hantidoodana uu hortooda ku burburiyo, isaga oo ciidamadii qaranka u adeegsanaya.

Ugu dambayn, waxaan garab taagannahay qoysaska guryahooda laga dumiyey, kuwa la barakiciyey iyo dhammaan muwaadiniinta Soomaaliyeed ee ku dhaqan caasimadda Muqdisho ee la dulmiyey, kuwaas oo u taagan difaaca xaqooda iyo karaamadooda.

DHAMMAAD

23/08/2026

Xasan Sheekh Maxamuud Dalka & dadka halaga BAD BAADIYO.

23/08/2026

Shacabka GURMAD ayay rabaan & in Xasan Laga qabto Barakicinta & Dilka shacabka.

13/08/2026

H.E. Mohamed Abdullahi Farmaajo "Shacabku waxa ay xaq u leeyihiin in ay si nabdoon uga dhiidhiyaan tacaddiyada loo geysto."

13/08/2026

Madaxweyne Mohamed Abdullahi Farmaajo "Dowladnimadu waxay ku dhisan tahay ilaalinta nafta, maalka iyo karaamada muwaadinka, ee ma aha in awoodda dowladda iyo hay’adaha amniga loo adeegsado caburin iyo barakicin. Shacabku waxa ay xaq u leeyihiin in ay si nabdoon uga dhiidhiyaan tacaddiyada loo geysto."

Barakicinta, dhul-boobka iyo adeegsiga awoodda ciidan ee ka dhanka ah bulshada ku dhaqan degmada Waaberi ee magaalada Muqdisho waa fal arxan darro ah oo ka soo horjeeda xuquuqda muwaadiniinta iyo waajibaadka hay’adaha dowladda.

Waa nasiib darro in Madaxweynaha muddo dhaafka ah oo caadeystay barakicinta dadka nugul ee caasimadda uu xabad iyo xoog u adeegsado muwaadiniinta sida nabadda ah u muujinayey cabashadooda ku aaddan burburinta hantidooda iyo barakicinta qoysaskooda.

Dowladnimadu waxay ku dhisan tahay ilaalinta nafta, maalka iyo karaamada muwaadinka, ee ma aha in awoodda dowladda iyo hay’adaha amniga loo adeegsado caburin iyo barakicin. Shacabku waxa ay xaq u leeyihiin in ay si nabdoon uga dhiidhiyaan tacaddiyada loo geysto.

Ciidamada iyo hay’adaha amniga waxaa waajib ku ah in ay dhowraan sharciga, ilaaliyaan shacabka, kana fogaadaan in loo adeegsado falal dhaawacaya karaamada iyo xuquuqda muwaadiniinta.

DHAMMAAD

11/08/2026

Madaxweynihii 9aad ee Jamhuuriyadda Federaalka Soomaaliya Mudane Maxamed Cabdullaahi Farmaajo ayaa caawa kulan is-xog waraysi ah la qaatay Madaxweynaha Galmudug Mudane Axmed Cabdi Kaariye oo ku booqday Xarunta Dhexe ee Xisbiga Nabad iyo Nolol ee magaalada Muqdisho.

Madaxweyne Maxamed Cabdullaahi Farmaajo iyo Madaxweyne Qoorqoor ayaa ka wada hadlay xaaladaha doorashooyinka dalka iyo hannaanka doorashooyinka ee wali wadahadaladu ka furanyihiin.

11/08/2026

Madaxweyne Mohamed Abdullahi Farmaajo .

💙🇸🇴💙

22/07/2026

Dadka Caqligooda in lagu ciyaaro aqbaley bal ka warama !

Hada Axmed Qoorqoor wuxuu Dollar 💵 kaga gatey Xasan Shiikh iyo Liiban Shuluq kursigii madaxtinimada Galmudug , hadii shaleyto xoog iyo xeelad lagu saarey taasi waa Qodob xaqiiq ah . Marka maxaa umadda been loogu sheegayaa ?.

Baydhabo iyo Koonfur Galbeed xoog ayaa Laftagreen looga qaadey kursiga maanta, oo loogu fariisiyay Aaden Ansax , Halka shaleyto Laftagereen uu xoog ku yimid kursiga taasi waa xaqiiq .

Marka Baydhabo k**a dhicin Doorasho cod & qof ah ee waxaa cadeeyay gudoomiyaha Baarlamaanka KG ee hada u ah Aaden Ansax iyadoo uu Xasan Shiikh uu horfadhiyo, wuxuuna yiri Xasan Shiikh waan uga mahadcelineynaa
Inuu Aaden noo soo dhisey wey duuban tahey .
Dhuusamareeb k**a dhaceyso doorasho wax la yiraahdo Doorasho cod & qof ah balse Dhoolatuska ka dhacey Guriceel & Caabudwaaq ujeedada ka dambeysey waxaa weeye madaama mucaaradnimo looga baqsanaa in lagu soo xaleeleeyo isku caano shubka hebelkaa drug dealer Liibaan Shuluq , iyadoo lacag lagu bixiyay, kuwa galbinaayay Walaahi aan ku dhaartee inaysan ka aheyn daacadnimo , taageero iyo jaceyl balse waxay ka tahey is daad raacsii daadka socda oo kursi Xildhibaan Federaal ama lacag amaad
ka heshaa ( Waa dad daruufeysan oo dan wado).
Qodobka 2aad wuxuu ahaa in Beesha Mareexaan u diido deeganadooda ka sameysataan olale kadibna dhahaan bal arka Farmaajo ayaa qabiilkiisa nagu soo direy isna Soomaali ka rabaa Doorasho oo abuurtaan olalihii 2022 ee 1991 baa loo labanaya oo kale balse waa lagu fahmey imaada la dhahey cawaanyaheey!

Soomaalida badankoodu maaha dad mabda leh oo khiyaam leh waxay u bateen danley maalin la noolayaal ah .

Tusaale aan idin siiyo shaleyto kuwii shalaalka iyo koofiyadaha N & N iyo shimbirta xirnaa ayaa maanta shaalal
& koofiyad shimbir kale ku sawiran tahey wada xiran , Intaas ka baro mabda la’aanta danleyda Soomaaliya ku nool .

Horta Dowladii markaas xukunka joogta ayaa maamul gobaleed sidii ay rabto ugu tasho shaati futashaari ah oo Xildhibaanada Labada Aqal , Xukumada iyo inti kale kursi raadis ah iyo naq raadis ah daba ordisiisa nimanka loo dhisaayo taasi waa xaqiiq .

Marka ninkii xukunka iyo Villa Somalia 🇸🇴 yimaada 2027 ayaa go’aamin doono mustaqbal maamul gobaleedka aan idin sii sheego ee wax weyn maaha .

Madaxda dowlad Gobaleedka marka uu xukunka yimaado wuxuu isna la soo baxayaa waji kale oo xataa ninkii soo dhistey ma yaqaano taasi waa xaqiiqo oo labadii dowlad ee kale dambeeyay ayay ku soo dhacdey balse wax cusub maaha ee waxaa cusub in Xasan Shiikh uusan waxbo ka soo baran 8 Feb 2017 & 15 May 2022.

Hada waxaa loo fadhiyaa in doorashada Federaalka laga heshiiyo oo Doorasho cod iyo qof la aado balse waxaa dhici doonta in dowlad gobaleedyada inay isku af noqdaan oo dhahaan doorasho dadban ayaan rabnaa oo aan soo xulno Xildhibaanada Federaalka 2026/ 2027 oo xataa ka hor imadaan Villa Somalia 🇸🇴 damaceeda sidii h**e u soo dhacdey 2017 & 2022 ee xusuuso hadii aad xis leedihiin hadalkii Laftagreen uu dhahey “ hadii aan Xildhibaano soo xuleyn maxaan ku falayaa madaxtinimada dowlad gobaleed “. Kuligood waa Isla tabtaas Aaden Uunsi iyo Liibaan Shuluq waxay wada rabaan .

Doorashada cod & qof maaha mida Baydhabo h**e uga soo dhacdey iyo mida Dhuusamareeb laga wado ee Caqliga yaan dadka Soomaaliyeed ee masaakiinta ah looga ciyaarin ee howshiina iska wata .

Midna hada meel ku sii qorta Xasan Shiikh wuu baxayaa oo xukunka kuma soo laabanaya waxaana dili doono kuwa hada shaalalka iyo koofiyadaha u soo wada xirtey arinkaasi waa xaqiiq balse wadanka ayuu geynayaa meel fog oo waqtiga dowlada badali doonto uga dhamaan doonto mandate sidii ay wax u soo bilaabi laheyd .

# Doorasho Cod & Qof xaal halaga siiyo Damjadiid tuugo fadlan

13/07/2026

“Talo doorasho oo aysan Jubbaland iyo Puntland qeyb ka ahayn, anigana qeyb k**a noqonayo”

Farriintaasi waxaa dhexdhexaadiyaasha u gudbiyey, Madaxweyne Maxamed Cabdilaahi Farmaajo.