Cadceed Online Market

19/09/2020

02/06/2019

"AKHRISKU WAA JIDKA QORAANIMADA "

Meelo badan oo ka mid ah caalamkan aynu ku noolnahay marka la doonayo in la ogaado heerka cilmigaaga ama waxbarashadaada , lagu waydiin mayo inta jaamacadood ee aad ka qalinjabisay iyo inta
facultY ee aad diyaarisay balse Marka u horaysa waxaa lagu waydiinayaa (How many books did you read? ) imisa buug yaad akhriday,? waa maxay sobobta laguu waydiinayo inta buug ee aad akhriday balse aaan lagu waydiin inta jaamacadood ee aad ka qalinjabisay hadii aan taa kaa oon tiro, Inta buug ee aad akhriday waxay ay ka turjumaysaa
in dhamaantood aad diyaarisay ama aad qaybtay. Mida kale maynaan ku raaci Karin xikmadii angela carter ee ahayd : (Reading a book is like re-writing it your self) Hal buug oo aad akhridaa waxay la mid tahay in adiga laftaadu aad dib u qortay buugaas laftiisa sobobtoo ah marka aad si fiican u akhrido, ee aad u dhuuxdo, aaad la baxdo xikmadii ku jirtay si fiicana u fahanto, adiga iyo ninkii qoraagii miyaydaan cilmigaas uu soo bandhigay ka sinayn laf ahaantiisa iyo nuxurka ku jira iyadoo laakiin ay reeban tahay in aad dib u rogto amar la’aan .

Waxaa jirta xikmada ingiriisi ah oo tidhaa (Take time to read, it is the source of knowledge ) wakhti sii inaad wax akhrido waa ilaha ay ka soo burqadaan cilmiguye,xikmadani waxay si qotodheer inoo tusaysaa faaiidada akhriska iyo muhiimada wayn ee uu bulshada wax akhridaa ay u gaadhi karto horumar oo uu u horseedo akhrisku iyo una yeelan karto cilmi tayaysan oo , Waxaa kale oo aad maskaxdaada galisaa mar walba in qofka akhriska badan uu ka aqoon iyo xirfad badan yahay dadka kale,waxaynu si fiican uga dharagsanahay in xiliga iskuulka lagu jiro ama Jaamacadaba had iyo jeeer ardayga akhriska badan uu ka darajo sareeyo ardayda kale xiliga imtixaanaadka, Markaa bal is waydii adigu sobobta ?
faaiidooyinka akhrisku maaha wax la soo koobi karo balse aan ka taataabto dhawr ka mid ah :-
1. Waxaa laga faaiidaa sida wax loo diyaariyo ama loo wax loo so bandhigo loona qoro.
2. Marka aad wax akhrinayso waxaad tahay (Researcher ) waxanaad helaysaa cilmi kaa dhinaa, Maanta hadii aad doonayso in aad wax ka ogaato Habka barbaarinta wanaagsan ee ubadka waa inaad soo qaadataa buug ka hadlaya barbaarinta caruurta sida buuga Barbaarsame ee uu qoray Xasan Cabdi Madar kadib marka aad akhrido maxaa kuu soo baxaya cilmigii aad uga baahnayd oo faahfaahsan .
3. Wax akhriska badan wuxuu dhisaa heerkaaga luuqadeed oo aad si fiican u barato erayada ku jira luuqadaada ee kaa qarsoon ama aanad ka dharagsanayn macnahooda.
4. Qofka wax akhriska badan sidaynu h**eba u soo sheegnay waa qof fahmadiisu fiican tahay si fiicana wax xafidi kara ama u qaybi kara.
5. akhriska badan waxa uu u horseedaa qofka akhristaha ah in uu si fiican u dul istaago una dhuuxo wax kasta oo u akhriyay ama uu dugsi ka soo bartay
6. akhrisku waa madadaalo iyo wakhti lumis faaiido leh oo aad kaga dhuuman karto balwadaha.
7. qoraalku ama akhrisku hadii aad ku dhiiranaato waa wehelkaaga ama saaxiibkaaga koowaad ( qalinku waa saaxiib kal sugan ee sunto fara ku hayntiisa)
8. Akhrisku waa sees ka mida seesaska nolosha qofka, waana qayb ka mid ah nolosha qofka.
hadii aan itaas kaga gudbo hordhacaa yaree qeexaya inyaroo ka mid ah faaiidooyinka akhriska bal sifican u eeg Qoraaga ama akhristaha Wanaagsan waa toosiyaha umada hadii uu qalinka ama maskaxdiisa u adeegsado dhanka wanaagsan, waxaanu ku hagi karaa bulshada uu la noolyahay Horumar iyo wanaag sida uu qeexay ninka xikmad yahanka ah (read books. they are good for us )Natalie Golberg .
Had iyo jeer qofka qoraaga ah ama akhristaha ahi wuu ka indho dheeryahay dadka,Markaa waa daruuri in lagu dadaalo Akhriska iyo qoraalkaba, waxaana had iyo jeeer qofka u horseeda in u wax akhriyo ugu horayn in uu aaminsan yahay in akhriska wax ka soo galayaan faaiidana u leeyahay , waliba waxa fiican in qofku uu yeesho xulasho uu kala xulanayo buugaagta Mawduucyada uu jecelyahay. waxaa lagama maarmaan ah in aad xiiso u hayso waxa aad qorayso ama aad akhrinayso si uu qoraalku ama akhrisku kuugu dhib yaraado balse hadii aanad niyad u hayn waxay kugu noqon karaan (dhagax la jabinayo oo kale) wax aad u adag oo dhib badan ,
Hadii aad doonayso in aad wax qorto ama aad wax curiso waxaa muhiim ah in Habka qoraalkaagu noqon karo qoraal ay wada fahmi karaan Bulshadu, ujeedana leh faaiidana u keeni kara qofka wax akhrinaya , Balse Qorida shay wax u dhimaya bulshada dhaqankeeda ama diinteeduba waxaa ka dhiiran inaad iska daysaba oo aanad qorin.,
Ogow Qoraalka ama diyaarintuba inaanay ahayn kaliya in aad qorto buug wayn oo dhawr boqol oo bayj ah ee qoraanimadu waa qalinkaaga oo aad adeegsato ha yaraaado ama ha badnaato una adeegsato dhanka wanaagsan balse dhanka xun oo aad u adeegsataana waa Dhaleecayn wayn oo ku Habsata qofka qoraaga ah .
Guul kasta oo la gaadhaa waxay ka bilaabantaa meel hoose (Dadaalaa Xaaji Cabaas wuu gaadhaa waanu dhaafaa ) waxaad maskaxda ku haysaa in maqaal yar oo aad qortaaa uu kuu horseedi karo in aad Mustaqbalka dhhaw (Berika maalin) noqoto Qoraa wayn .
Mid kalena aan ku xasuusiyo dadkeenu wakhtiyadii h**e waxay ahaayeen dad aan aqoon qoraalka ama akhriska farta somaliguna ma qornayn,Sidaas ay tahay waxay adeegsan jireen qaabab ay wax iskaga reebi karaan si ay u ogaadaan Jiilasha ka danbeeyaa Hab Nololeedkoodii, waxaa ugu muhiimsanaa siyaabaha ay inagu soo gaadhsiiyeen Gabayga oo ahaa Madxafka ugu balaadhan ee ay awawyaasheen lahaayeen iyo iyagoo ahaa dad maskaxdoodu furan tahay gabaygana si fiican u xifdiy jiray,Balse hadana sidaas ay tahay taariikhdii umadaheenii inaga h**eeyay wax badan K**a sheegi karno kamana hayno , waxaase woxogaa sugan laga hayaa intii ka danbaysay 1960kii sobobta ay u luntay taariikhda somalida oo jirtay mudooyin badan, may ahayn dad wax qora ee waxay ahaayeen Gabayaa, gabaygana looguma wada tagi karo taariikhda oo dhamaystiran inbadan oo kamid ah se waa laga helayaa iyadoo uu ay ugu horayso Qaybta dhaqanku ,Hadaba Maanta inagu gabay ma naqaan xikmad kalena ma naqaan balse waxaynu naqaan qoraal (Qalin) Hadaba si aynu maanta uga tagno ama u kaydino taariikho ay helaan jiilasha inaga danbeeyaa, waa inaan garano masuuliyadeeda oo aynu isku dayno inaan wax Qorno oo qalinkeena adeegsano.

31/05/2019

GO,AAN QAADASHO

TAXANAHA BUUGA DULQAAD IYO SAMIR

Go'aan qaadashadu waa xirfad muhiim ah. Go'aan qaadashada weyn waxaa loola jeedaa faraqa u dhexeeya faa'iidada iyo lumitaanka ganacsiga iyo xitaa xidhiidhada jebiya ee noloshaada shakhsi ahaaneed.

Si kastaba ha noqotee, habka ugu badan ee aan ku noolnahay waxaan dhab ahaantii ku dhamaanaa joojinta awooddeena go'aan qaadashada. Ma aha in la xuso in qaar badan oo naga mid ahi aanu ogaanin qiimaha khayraadka ee khayraadka aan haysanno annaga oo naga caawin doona go'aanno wanaagsan.

Waa kuwan qaar ka mid ah talooyinkayga gaarka ah ee ku saabsan hagaajinta xirfadan muhiimka ah:

1. Soo wareyso khabiirada

Toban sano ka hor, tani waxa ay macnaheedu noqon lahayd wax kale oo gebi ahaanba ah. Hadda, waxaan haysanaa xikmadda iyo aqoonta khubarada ee booskeena (had iyo jeer maaha waxa meesha bannaan yahay) oo kaliya dhawr jeer oo kaladuwan.

Waxaa jira hab toos ah oo looga jari karo macluumaadka kuwa khabiir ku ah mowduucyada gacanta taas oo si gaar ah u gaar ah go'aanka loo baahan yahay in la sameeyo, sida kala hadal arintaada kooxdaada ama hagaha. Hantidaas waa in si buuxda loo isticmaalo - iyo inta badan.

Si kastaba ha noqotee, markaan midkani ahayn mid ikhtiyaari ah ama uusan shaqayn, qaadashada wakhti uu isticmaalo buugaagta iyo warbaahinta kale mowduuc ka socda khabiirada boosaska waa mid aan qiimo lahayn. Xitaa ka sii fiican haddii aad tan samaysay wakhti h**e.

2. Hel wadooyin aadku hesho dow cad

Marka ay timaaddo go'aamo waaweyn, waxaa muhiim ah in aad sameysid habka adiga kuu shaqeeya kaas oo kaa caawineysa in aad nadiifisid maskaxdaada caadiga ah ee kugu soo haysa si aad adigu naftaada ugu dhigto maskax furfuran.

Tusaalooyinka arrintani waxay noqon kartaa dhowr arrimood, laakiin dhammaantood waxay ku lug leeyihiin adiga oo ogaanaya goorta iyo sida looga baxo ka hor (ama inta) go'aan gaadhid:

Ku dadaal inaad sameyso waxyaabo aad ku raaxaysatid farxad iyo wax kale
Akhri buug qiyaali ah
Isku duwo
Soco dabeecadda
Sidoo kale, tani maaha kaliya inay ka caawiso samaynta go'aano ballaaran. Sidii aan h**e u soo sheegnay, waxaan u baahannahay inaan barto sidii aan nafteena u daryeeli lahayn iyo inaan ogaanno sida loo nadiifiyo maskaxda ku haysa walaaca maalinta si loo furo wadooyinka hal-abuurka ah waa xirfad aad u sareysa ee ganacsiga iyo nolosha.

3. U seexo

Ma dooneysaa inaad ogaato mid ka mid ah siyaabaha ugu fudud ee lagu hagaajin karo go'aankaaga? Seexo.

Sida habka maskaxdaada u shaqeynayso, dhammaan waxa aad u baahan tahay inaad sameyso waa fikrad ku dhex dari kartaa oo waxay bilaabi doontaa inay wax qabato. Ka fikir fikradda ku wareegsan sanduuqa weyn sida aad u kala sooceyso horay iyo gadaal, bidix iyo midig. Meelaha ay ku wareegsan tahay waxay ku dhufanayaan meelo kala duwan oo maskaxdaada ah, adigoo ku dhex jira aqoonta iyo hal-abuurnimada oo seexanaysa.

Marka aynu fikrad nala siinno si aan u seexanno, geeddi-socodka miyir-qabka ahi wuxuu udub dhexaad u yahay. Laakiin waa wax sixir ah. Xusuusnow qaybta h**e ee ku saabsan maskaxdeenna aad u mashquulsan si aad u fekerto si cad Dhibaatadaadu ma laha dhibaatadaas.

Waxay ku fekereysaa fikradaha ugu muhiimsan ee la dhigo xilligan xaadirka ka hor inta aadan seexan, sidaas darteed haddii aad barato sida loo isticmaalo arrintan oo diiradda loo saaro fikradda ka hor intaadan sariirta tegin, inta badan waad toosi doontaa markaad hesho jawaabta aad u baahan tahay, ama ugu yaraan caddayn kugu dhow.

4. Ka jooji natiijooyinkii h**e iyo khaladaadka

Waayo-aragnimadu waa wax aan faa'iido lahayn, laakiin mararka qaarkood, waxay naga celin karaan. Gaar ahaan markaan waayo aragnimadeenu wax xun bay ahayd.

Arrintani waa mid aad u ballaaran, sababtoo ah waxay saamayn kartaa wax kasta oo ka yimaada rabitaankayaga si aan u gorgubno xiriirka rabitaanka ah in uu khatar ku galo ganacsiga, xitaa haddii khatarta ay tahay mid si taxadar leh loo xisaabiyay.

Natiijooyinkii h**e iyo khaladaadkii h**e ayaa na qabsan kara sababtoo ah waxaan ka cabsaneynaa inaan isku dhibno mar kale. Shaqada, waxaad ka baqeysaa in la cambaareeyo ama lagaa lumiyo shaqadaada sababtoo ah waxaad h**eyba u samaysay qaladaad badan oo aad ku maalgeliso waaxdaas ama abuurista wax ka hor intaanay shaqaynin. Cilaaqaadkeena, waxaan rumaysannay qofkeena kahor, waxayna naga dhigayaan hoos, sidaa darteed waxaan ka fogeynaa xaalado isku mid ah maxaa yeelay waxaan ka cabsaneynaa inaan mar kale isku xanuunno.

Si kastaba ha noqotee, adoo ku dhigaaya in aad sii wadatid khibradahaas oo kaliya ku filan si aad u eegto xaalad si cad oo leh maskaxin maankiisa oo saraysa, waxaad isla markiiba hagaajin kartaa awooddaada go'aan qaadashada si aan caadi ahayn.

5. Si tartiib ah u soco si aad u heshid aragti fiican oo aad u hagaajisid kartidaada aad wax uga qaban karto

Mararka qaar, waxaanu kaliya u soconaa si aad u dhakhso badan si go'aanno caqli ah loo gaaro. Tani waxay dhacdaa labadaba nolosheena xirfadeed iyo shaqsiyeedba.

Haddii aad ka daalan tahay shaqadaada oo aad ka shaqaynaysay sidii aad u dhisi lahayd ganacsi dhinacaaga ah, waxaa laga yaabaa in aad u socoto inaad u dhaqdhaqaaqdo si ka dhakhso badan adoo awood u leh in aad maareysid sababtoo ah waxaad sii kordheysey oo aad u sii kordhisay oo aad u baahan tahay inaad ka baxdo xaaladda hadda jirta.

Haddii aad ku dhacdo qof aad u adag, waxaad u maleyneysaa inaad si deg deg ah u dhaqaajineyso si aad u fahmi kartid si cad oo dhan, ha ahaato in aad go'aansatid go'aano caqli-gal ah oo tixgelinaya mustaqbalkaaga xirfadeed iyo shakhsi ahaanba.

Haddii aad si xamaasad leh u sii kordhisid ganacsigaaga ama inaad iskaa u shaqeysid inaad shaqadaada ku dhinto, cadaadiska horay u sii socdo oo aad u sameyso horumar ayaa noqon karta mid aad u xoogan, xajmigaasna si dhakhsa ah u ah in dhammaan awoodaada go'aaminta kooxda oo dhan la joojiyo (badanaa adigan ogeysiin). Mararka qaar, dhaqso uma fiicna. Mararka qaarkood, dhakhso ma aha wax soo saar badan. Waxay ahaan doontaa inaad ogaato marka tani dhacayso, laakiin haddii aad ogaato in waxa socda, waxaa laga yaabaa inay ku fekereyso in ay hoos u dhigto qadar joogta ah taas oo kuu ogolaaneysa inaad xoojiso awooddaada go'aan qaadashada. Tani waxay kaa caawineysaa inaad sameyso horumar dhaqso ah marka loo eego hareeraha digaaga aan madaxa lahayn. Go'aan sameynta waa xirfad muhiim ah oo quseeya wax kasta oo aan ku sameyno nolosha. Laga soo bilaabo ganacsigeena ama xirfad-xirfadeedka illaa caafimaadkeena iyo cilaaqadeena, inaad qaadato wakhti aad ku hagaajin kartid awooddaada go'aan-qaadashada waxay leedahay faa'iidooyin farabadan oo u qalma waqti iyo dadaal. Haddii aad ka dhigtay mid aad u fog oo aad adigoon wax isbeddel ah kaaga dhigin, waxaan kaa caawin karnaa inaad halkaas hesho. Iskudhaw shakigaaga shakhsi ahaaneed oo raadso raadso si aad u dhisto noloshaadii ugu fiicneyd ee aad la soo baxdid boggaga cusub ee 'Inspectorate', oo ku sahabi kara suurtogalnimada: Bilaabi Jidka Mustaqbalkaaga. Isbeddel ma'aha uun. Waxay qaadataa qorshe iyo nidaam taageero. Tilmaamaha sida loo hagaajiyay waxay ka buuxsamaysaa xigmadda ugu sareysa, talooyinka, jimicsiga, iyo sheekooyinka guusha si loogu dhiirigeliyo riyo h**e ama abuur cusub.

29/05/2019

"SIDEE AYAAD KU NOQON KARTAA QOF NAFTIISA DHISA KAASOO KU KALSOON AWOODIISA INUU WAX KU QABSAN KARO."✔️

TAXANAHA BUUGA DULQAAD IYO SAMIR :

QAYBTII KOOBAAD ;

Qof kasta oo Alle (SWT) abuuray, waxaa la siiyay awood uu naftiisa ugu tiirsanaan karo. Taas oo uu ku fushan karo hawliisa oo dhan, kuna dabooli karo baahiyihiisa. Awooddaasi cid gaar loo siiyay

ma jirto. Waa la wadaagaa oo masa laga wada yahay. Waxase la isku dhaafaa hadba inta awooddaa la adeegsado.

Marar badan baad arkaysaa, awoodda intaa le’eg ee aynu sheegnay oo dad badani ka arradan yihiin. Maalin walba dad hungo ka jooga oo aad mooddo inaan far caaradeed loo darin, ayaad la kulmaysaa oo daf iyo midhiq meel walba ka ah. Waana wax la yaab leh in dadkeenna soomaalida ah, ay iyaga badankoodu caadaysteen inay ku tiirsanaadaan oo gacmaha hoos dhigtaan, bani aadam dhiggooda ah.

Waa sadaqo in aad qof walaalkaa ah oo baahan wax siiso. Hase ahaatee waxa foolxumo ah, ummad dhan oo dhaqan ka dhigatay; inay noloshooda tiiriyaan, wax faro guudkood ah oo ay ka heleen shaqsiyaad iyaga la mid ah. Qoysas badan oo innaga mid ah noloshoodu waxay ku dhisantahay oo ay ku noolyihiin dhaqaalaha yar ee ay soo diraan qurbe joogtu. Taasi oo aynu ognahay inay culays ku tahay dadka soo diraya qudhooda, qaar kale oo badanina waxay ku noolyihiin xooggaaga yar ee ay kusoo helaan shaxaad maalmeedka.

Qof ka bani aadamka ah waxa u sharaf iyo karaamo badan inaanu cid kale baryin ee uu isagu naftiisa ku tiirsanaado. Haddii aad tahay qof aaminsan awoodihiisa, kuna kalsoon waxa ay gacantiisu u goyso waxaa marag madoon ah; inaad dadka dhexdooda ku yeelanayso sharaf iyo cisi. Waxay soomaalidu ku maahmaahdaa baryo badan iyo bukaan badanba waa la isku nacaa. Rasuulkeenni Maxamed (NNKH) waxa uu ammaanay una duceeyay qofka muruqmaalka ah ee lasoo baxa nololmaalmeedkiisa.

Ku tiirsanaw naftaada, aammin awoodahaaga Rabbi kusiiyay. Noqo qof ku kalsoon naftiisa. Ha is odhan ma samayn kartid, ma qaban kartid, ma gaadhi kartid, ma shaqaysan kartid, fursado shaqooyin ma jiraan, IWM. Waad shaqaysan kartaa, qaban kartaa, gaadhi kartaa himilooyinkaaga oo dhan. Keliya waxaa kaa hortaagan inaad fahantid oo aad qirtid inaad tahay bani aadam Rabbigii abuurtay sharfay oo uu awoodo badan siiyay.

Haddaba sideed ku noqon kartaa qof naftiisa dhisa aamina-na awoodihiisa?. Qodobadan soo socda waxa ay kaa caawin doonaan inaad noqoto qof ku tiirsan naftiisa oo aaminsan waxa ay gacantiisu u goyso:

1- Ku fakar inaad tahay qof isku filan: markasta waxa ugu mudan oo muhiim ah waxa qofku niyadiisa ku hayo kana dhaadhiciyo. Aammin inaad tahay qof dhamaystiran oo leh awoodo badan. Ku xidhnow naftaada oo la sheekayso. Fahan waxyaabaha aad ku wanagsantahay, kuwa aad ku yara liidatana isku day inaad xoojiso. Ha ku odhan naftaada erayada qalbiga dila. Sida waxba kuma fiicnid, tamar ma lihid, waad hoosaysaa, liidataa, qayrkaa way kaa horreyaan, IWM.

2- Aamin naftaada: Qofka koowaad ee ay tahay inaad ka hesho aaminaad iyo kalsooni waa naftaada. ku kalsoonow qofka aad tahay. Ma jiro qof kuu dhigma ama kula mid ah adduunkan, lamana soo helayo qof meelkasta aad iskaga mid tihiin amma iskaga mid tihiin oo badalkaaga noqon kara, waana sida Rabbigii ina abuuray ugu talo galay. Sidaa darteed waa kugu ceeb iyo nusqaan ah, inaanad naftaada aaminsanayn oo aanad qiimahaaga aqoon.

3- Bar naftaada sidii aad u noqon lahayd qof isku filan. Waa sunaha nolosha inaad la kulanto dhibaatooyin kala duwan inta aad nooshahay, balse sida aad u waajahayso ee qofkasta oo innaga mid ahi u waajahayo ayaa kala duwan. Haddii aad awal ahayd qof markasta dadka dhankooda u orda oo gargaar waydiista marka ay arimuhu ku cuslaadaan, waxa fiican oo aan kugu dhiirigelinayaa inaad naftaada ku carbisid inay xalliso oo ay waajahdo dhibaato kasta oo ka hortimaada. Kuma talinayo oo ma lihi, noqo kelidii noole balse adiga oo Allehii ku abuurtay isku xidhaya oo isaga weydiisanaya gargaar, haddana isku day inaad qof ahaan muujiso adkaysi iyo isku filnaansho. Ma jirto mana dhacdo inay kugu timaaddo dhibaato aan xal lahayn. Keliya waxaa kula gudboon inaad indhaha kala furto, kuna fakarto xal sidii aad u heli lahayd.

4- La saaxiib naftaada oo la sheekayso, ku xidhnaw oo wehel ka dhigo. Waan hubaa inay kuu fududaanayso noloshu oo aad kelidaa waxbadan fushan doontid. Ma cidloon doontid oo waad faraxsanaan doontaa iyada oo aanay cidiba kugu hareeraysnayn. Nafta oo aad la saaxiibtaa waxay kugu abuuraysaa kalsooni farabadan oo aad ku qaabisho mawjadaha kala gedisan ee kusoo maraya.

5- Baro xirfad aad kusoo saartid nolol maalmeedkaaga. Inaad xirfad barataa waxay kuu sahlaysaa inaad shaqaysato oo aad wax soo saar samayso, umana baahan doontid inaad qayrkaa gacmaha hoorsatid. Haddii hayntu kuu sahashana abuur ganacsi kuu gaar ah, laga yaabee inay kuu ballaadhato oo aad noqoto ganacsade weyn, ogow buuruhuba waa qururux ururay.

28/05/2019

" KALSOONIDA NAFTA "

TAXANAHA BUUGA DULQAAD IYO SAMIR ;

QAYBTII KOOBAAD;

Qofku in uu naftiisa ku kalsoonyahay waa midda ka dhigta mid cid kalena ku kalsoon ama isaga cid kale ku kalsoonaato. Naftaada oo aad xaqirtaa waa bilawga jabkaaga. Qofka aan naftiisa ku kalsoonayn go’aan ma qaadan karo, dhib ma xallin karo, naftiisu ma xasisho, guulna ma gaadhi karo. Kalsoonida naftu waa inta aad aaminsatahay ama aad rumaysantahay awoodaha Alle (swt) uu ku siiyay iyo nicmooyinka faraha badan ee aad haysato. Haddii adigo oo wax sameyn kara aad u malayso in aanaad waxaa awoodin, taas macnaheedu waa kalsooni darro kaa haysata naftaada.

kalsoonidu waa hubka ugu mudan ee uu u baahanyahay qof kasta oo raba in uu sameeyo is badal kana tago nolol iyo heer una guura mid ka qurux badan kana heer saraysa taa h**e. waana agabka ugu muhiimsan in uu dhiso qof kasta oo raba in uu guuleysto. kalsoonidaadu kolba inta ay leegtahay ayay farxaddaaduna tahay.

Dhawr arrimood ayaynu ku dareemi karnaa in qof ama adigaba xaaladani kulasoo daristay waxaana ka mid ah: Qofka oo aan ku qanacsanayn muuqaalkiisa, qayb ka mid ah xubnaha jidhkiisa ama ficiliadiisa sida: qosolka, codka, dhererka, midabka, socodka. Waxa ka mid ah qofka oo aan rumeysanyn in uu u qalmo inuu gaadho meel sare ama uu qaban karo hawl gaar ah; ka dibna wax kasta ku riixa qof kale oo uu is leeyahay waxan ayuu kaaga habboonyahay; iyada oo aanay ka ahayn taageero uu qofkaas uun uu u hayo balse ay ka tahay; isaga oo is leh adigu uma qalantid waxaas ama meeshaas. Waxa ka mid ah cabisada joogtada gaar ahaan in uu ka baqo mustaqbalka, guusha, fashilka iyo waxyaabaha kale ee ku xeeran; taasoo ka hor istaagaysa in uu adeegsado kartidiisii. Waxa ka mid ah qofka oo isku deygiisu aad u yaryahay. Haddii uu isku dayana caqabadaha u nugul oo markaba niyad jaba. Joogteyn la’aan ay sababtay aaminaad darro ka haysata in uu shaygaas ka midha dhalin karo..iwm.


Waxa jira waxyaaba kalsoonidaada hoos u dhigaaya iyo kuwa kale oo sare u qaadaya. Kuwaas oo kaaga baahan in aad mar kasta fiira gaar ah u yeelato kana digtoonaato.

Waxa kor u qaada: Waxa ka mid ah:

ü inaad sameyso tijaabooyin sida in aad dajisato yool aad hiigsanayso ka dib aad jaangoyeso qorshayaal iyo himilooyin fudfudud oo aad u xadidaday waqti ka dib aad ficil ku darto si aad ugu gaadho yoolkaaga. Mar kasta oo aad dhanka hiraalkaaga talaabo u qaado waa mar kasta oo aad naftaada wax badan aamiinto. Jidka yarina ka weyn ayuu kugu ridayaa. Illaa aad mashaariic iyo hawla waawayn aad marka dambe ku dhiirato hawl yaraana aad ugu guuleysato.

ü in aad kor u qaado hankaaga oo mar walba meesha aad joogto hadda, barri aad hoos usoo eegto adigoo haddana sii hiigsanayaa halkaa aad gaadhay meel kasii h**eysa. Ha ka ficil qaadan ka kaa dambeeya, hana la tartamin kan kula midka ah ee hortaada eeg markasta iyo kolba ka kaa h**eeya.

ü waxa kale oo ka mid ah baadhitaanno aad ku sameyso dadka nolasha heer ka gaadhay gaar ahaan kuwooda laxaadka la’. Inkastoo lagu tilmaamo in ay naafo yihiin, marka aad aragto noloshooda sida ay u maareeyeen iyo sida ay u gaadheen wax kasta oo ay hiigsanaayeen waxa aad ogaanaysaa in naafadu ay ka duwantahay lixaad aad beeshay balse ay tahay adigoo dhamaystiran oo haddana adeegsan waayay awoodaha Alle ku siiyay. Waxa kuusoo baxaysa dadkani in ay kula mid yihiin qaarkoodna aad kaba fursad badantahay marka loo eego waxa ay haystaan ama halka ay nolasha ka bilaabeen.

Waxa hoos u dhiga: waxa ka mid ah:

Adiga oo dhagta la raac raaca erayada hoos u dhigaaya hankaaga ee kaaga imanaaya qaar ka mid ah ehelkaaga, ama asxaabtaada. Adiga oo dhagaysta erayada taban ee gudahaaga kasoo baxaaya kuwaas oo ay ka mid yihiin: Hebel iyo heblaayaba way iska noolyihiin waxna ma sameeyaan ee adiguna iska nooloow uun. Adiga oo ka baqa fashil kugu yimaada. Xirfadaaha aad adeegsanayso oo liita. Iyo iimaankaaga oo hoos u dhaco.

Damacaaga fogee, oo ha dooran xumaanta
Duruusta nolasha, duruufaha ka dhex raadi
Ka dheerow dadkana, ka dillaaya hankaaga
Wixii aan dambi layn, ha u daymo la’aanin….

Imaankaagu haddii uu siyaado waxay ka dhigantahay kalsoonidaada ayaa badatay. Kalsoonidaadu haddii ay badatana naftaada ayaa xasishay. Ka dib waxa aad ku guuleysan kartaa wax kasta oo aad u dhaqaaqdo . H**e u soco sidii wax dhaga la’ oo aan maqlahayn hadalada iyo dhacdooynka niyad jabka kuu keenaya. Waxa kaliya ee kusoo xidho ha noqdo Diinta Islaamka oo ay asaas u yihiin Qur’aanka iyo Axaadiistu. Wixii aad taqaan ku dhaqan, wixii kalana la kaasho inta ehelka u ah.

Waa hubaal in aad wax badan jiritaankaaga iyo naftaada ku qanci oo aad rumeysan; marka aad ruuxdaada nooleyso kuna noolayso Alle ka cabsi, xus, ducooyin, Qur’aanka oo aad u fiirfiirsato, akhrinta qisooyinkii anbiyada, siiradii Nabiga (csw), taariikhdii islaamka. Sidoo kale aad is raadiso oo aad is soo hesho qofka aad tahay, sababta aad u jirto waxa laguu abuuray iyo waxa adiga gaar Alle kuugu galaday ee hibo ah.

Diinta waxa aad ku baratay in Alle aadanaha uu siiyay awoodo badan, in adduunka uu u keenay inay isaga uun ku caabudaan, wanaagna ku cammiraan oo ay iyagu maamulaan; wuxuuna u sakhiray dhammaan abuurkiisa kale. Mar kale waxaad ka dhex helaysaa adiga shaqsiyadaada gaarka ah Alle nimcooyinka uu ku siiyay ee qalbiga, lixaadka, hibooyinka iyo maskaxadu ka midka yihiin. Waxaad ogaanaysaa in Alle dadkiisa cadaalad u sameeyay hadday tahay dhanka kartida iyo hadday tahay dhanka waqtiga. Ka dib waxaad is weydiinaysaa haddiiba qof uu wax awoodo in adiguna aad awoodo isla waxaas. Laakiin waa goorma waa marka aad la timaado dadaalkii uu la yimid qofkaasi mid la mid ah am ka badan.

Is weydii su'aalahan si' aad naftaada u tijaabisid qudhaadu heerka ay kalsoonidaadu tahay:

_Ma laga yaabaa in aad sameysid xilliyada qaar wax aanay naftaadu raali ka ahayn, si aad dad kale ugu farxad galisid?
_Ma waxa ku dhiiri galiya uun, Malaha ay dadka kale kaa qabaan iyo kolba sida ay kuu arkaan?
_Markay wax kuu qabsoomi waayaanba, ma horaad ka niyad jabtaa, waanaad is dhiibtaa?
_Ma waxaad ku tamirisaa uun, faallooyinka iyo kolba intaad cajab galisay ?
_Markaad qalad samaysaba, naftaada miyaad ugu yeedhaa erayada ay ka midka yihiin, waxaan ahay: Doqon, wax ma tare, dulli iyo kuwa la mid ah ?

Haddii dhammaan aad HAA, kaga jawaabto; Kalsoonida naftaadu waa mid u eeg in ay hooseyso. Waxaad se haysataa fursad aad kor ugu qaadi karto haddeer.

Guud ahaan natiijooyinka kalsoonida waxaa ka mid ah: Geesi nimo, go’aan gaadhid, guul iyo farxad. Waxaad noqon qof isku arka in uu yahay muhiim. Dadkuna ay u baahanyihiin, wax badana qabsan kara dadkana u qaban kara. Waxaad qaadan go’aano toosan kuwaas oo dhammaan kugu ridaaya jidka hiraalka kuu dajisan goor kasta. Wax badan ayaad ka gun gaadhi waxaanaad kasoo hoyn guullo badan dhan kasta oo nolasha ka mid ah. Waad xasili oo waxaad dareemi reyn reyn. Waxaanaad ogaan in aa tahay qof jira wax badanna sameyn kara sababtoo ah waxaad ogaatay in aad ka mid tahay hoggaankii adduunka. Odhan maysid waxaa ma aqaan ee waad baran, Odhan mayasid suurta gal maaha ee waad tijaabin. sidoo kale odhan maysid ma awoodo ee waad isku dayi.


Kaska ood ku hayso inaad korto buurta
kow waxa ka ah inaad gaadho korkeeda
adoo ku kalsoon kartida eebbe ku siiyay.

28/05/2019

Haddaad ooridaada qalbigeeda galiso muxubo, kalgacal, wanaag, ixtiraam, kalsooni waxay si dhaba kugu hannaynaysaa qalbigeeda, waxaanay ku siinaysaa nolosheeda qoyskaaguna wuxuu noqonayaa beer farxadeed iyo barro kalgacal. farxadda lammaanaha nolosha ku wadaaga waa is fahan iyo in nolosha loo qaybsado si debecsan, diinteena macaani waxay dhiiri galisay in dumarka la xaannaneeyo dumarkuna raggooda ixtiraamaan oo ay wanaajiyaan, dhadhanka nolosha guurku maaha in awlaad la dhalo oo sariirta la wadaago, waa isu debecsanaan isu soo dhawayn, kalgacayl, is xushmayn, kala danbayn,
- kalsooni iyo muxubo labada qof ku wada noolaadaan. Gabadhu hadday ninkeeda ka ilaaliso maqal xun, dhaqan xun iyo ur xun, ninkuna haduu ka ilaaliyo ooridiisa wixii niyad jab iyo qalbi jab ku keenaaya, lammaanaha laamaha nolosha wadaaga nolosha kuma kala xiisa goynayaan intay jiraan, aasaaska qoysku waa isla garasho iyo is fahan lamaanaha dhex yaala."

21/05/2019

https://youtu.be/gspOEyGakXY

FOLLOW OUR SOCIAL MEDIA instagram Twitter @ YamYam Quotes Facebook Quotes Snapchat Quotes waa guul waa ...