16/08/2025
📌بيحكلي شب بألمانيا والله
اخدت اهلي ورحنا عند جماعة
من سوريا ومقيمين بألمانيا ..
📌المهم قالوا طالبين مهر
عالي، قلهن ليش، قال شوفة
عينك البنت بألمانيا وعم تشتغل
ومعها جنسـ،ية ..ومتعلمة
📌قلهن طب وأنا بألمانيا
وعم بشتغل ومعي جنسـ،ية
شو دخل هالشي بالسعر الي
طالبينو بالبضاعة الي عندكن ..
📌المهم طلع من عندن
وراح ع النمسا عند بنت خالة امو
وجايبة معها بناتها لم شمل عند
ابوهن، عندها 3 بنات وطلب
الكبيرة عمرها 25 وقالوله طالما
قرايبنا خدها وامشـي، بس المهر الي
طلبوه اعلى من هديك الي شافها
بألمانيا ..
📌قلها لقرايبتو يعني شو
السبب، قال والله البنات بالنمسا و
شوفة عينك تعبنا لسافرنا ولو بدي
اجوزهن لعسكري لما كنا بسوريا
كان زتيتهن حيالله وسافرت وراسي
مرتاح بس انا بدي جوزهن جوازة
مستقرة ومع حدا مستقر ..
📌المهر الي طالبينو تخيلوا
بجيب 4 عرايس من سوريا بنفس
الطيارة، يعني بيتزوج اربعة بنفس
الليلة لو قرر ...
📌ليش عم يطلبوا هالأرقام
وشو هالميزة انها بأوروبا، ما كل
الشعب السوري بأوروبا، يعني ما
فهمت شو هاد التبرير، دخلكن !!
📌ومين قلك انو مافي
عرايس غير بنتك، اي شب متغرب
هلأ بينزل ع لبنـان وبيتزوج،
بينزل ع الاردن وبيعطوه، انشالله
مفكرة مافي بنات ..غير بنتك
السورية اللي متغربة بأوروبا ..!!
📌غلطانة وكتير كمان 😁☝️
