03/09/2025
في شي علقان بنص بلعومي اذا ماحكيتو رح افقع عنجد
أولا نشر الشغل موقف عندي لان صراحة وقتي ماعم يسمحلي نظم صفحة الشغل متل مو أنا حابة وهاد دليل أنو وقتي مو بإيدي أبدا لأن الحمدلله رب العالمين أنا عم اشتغل عكذا شغلة
تانيا وقت أنا عم انشر بوست ان كان صفحتي او صفحة عامة عم حط التواصل حصراً وحطولي تحت حصراً مليون خط (واتساب..انستا..مسنجر) وأي حدا عم يبعتلي انستا ومسنجر عم حاول خلي التواصل معن واتساب وفورا قلو من بعد اذنك اذا بتقدر حاكيني واتساب
وركزولي عكلمة (واتساب) يعني مو دقلي ايمت مابدك انا فاضية بحكي معك
الشي لي زاعجني بهالموضوع انو الساعة 12 ونص بالليل بتجيني مكالمة من شخص بدو يسأل عن التصاميم
معقول يعني 12 ونص بالليل!!
يعني مافيك تنطر للصبح او تبعتلي واتس واذا فاتحة وفاضية برد عليك
ومن ورا هالموقف اي مكالمة انا مارح رد عليها ابدا ابدا من مين ماكانت تكون
التواصل بس واتساب وانا اذا كنت فاضية وفاتحة نت فورا برد واذا ماكنت فاضية ف فورا بس افضى برد
وانا اغلب الاحيان الرد عندي بكون المسا بعد ماكون خلصت شغلي وقعدت
وتاني شغلة مشان الاسعار
أنا لي بيعرفني بيعرف أسعاري جدا رمزية يعني وقت أخد منك عتصميم 35 ألف اذا بتروح بتقعد بكافتريا بتطلب متة وأركيلة رح تدفع أكتر من هيك وفوق كلشي بتجي بتكاسرني بالسعر او بتاكل الحساب عليي لان كتير تعرضت لهالمواقف
انا اسعار رحمانية لان عايشة وبعرف الظروف
طبعاً أنا أعلى سعر ممكن أخدو من أي شخص 150 ألف
بس من بكرا من تاريخ 3/9/2025 الاسعار رح تتغير تماماً ورح تكون أسعار جديدة بتستاهل شغلي وتعبي وقعدتي ع اللابتوب بالساعات طبعاً ماعدا لي عندو ظروف أنا بقدرا وبتكون أسعارو خاصة
وبخصوص الدفع الكل كان بيعرف انو الدفع بعد الانتهاء من العمل..بس أنا كمان بعتذر الدفع مسبق حصراً ماببلش بخط واحد قبل مايوصلني حقي لان تعرضت لكتير مواقف اني اشتغل لعالم ومايدفعولي وبالاخير بلاقيهن مستخدمين التصاميم
واي تصميم رح تطلبو مني رح يكون عليه اللوغو الخاص فيني
وبعتذر عطول السيرة بس لان طفح الكيل يعني
