21/09/2025
🔹 لاتصير مثل كلب الحايچ 🔹
يوم من الأيام هجم ذيب على غنم أهل قرية، فهبت الكلاب تطارد الذيب… وبعد شوط طويل، كل الكلاب تعبت ورجعت، إلا كلب واحد ظل يركض ورا الذيب حتى وقف الذيب وقال له:
– إنت كلب صاحب الغنم؟
قال: لا.
– إنت كلب الشيخ؟
قال: لا.
– إنت كلب ابن الشيخ؟
قال: لا.
قال له الذيب: إذًا إنت كلب منو؟
جاوبه: أني كلب الحايچ.
استغرب الذيب وقال: والحايچ عنده غنم؟
جاوب: لا، حتى صخلة ما عنده.
قال الذيب: طيب، الغنامة من يذبحون يطوك عظم قطعة لحم؟
رد: لا، يطون كلابهم بس.
ضحك الذيب وقال: "يا كلب يا ابن الكلب… شمسويلك وراي تركض ومتعب نفسك؟ اليوم أسويك ثريد، وتبقى عبرة لكل كلاب القريه، لا حكني وتركض وراي والحايچ ما عنده حتى صخلة".
✨ رباط السالفة:
لا تصير مثل كلب الحايچ… تدافع عن ناس وشخصيات وحكام ما ينطوك شي، وأنت ذابحك الجوع والحرمان، حتى فتات ما تحصل منهم.
