06/03/2024
خاطرة الصداقة…
بالنسبة الي هالعلاقة هي علاقة مقدسة
الصداقة…..
بس يا ترى؟؟!!ايا صحبة او زمالة منقدر نسميها صداقة؟
اكيد لا….
في شي اسمو صديق….
الصديق الو صفات كتيرة ما ممكن تتوفر بعلاقات تانية….
يعني صديقك ما ممكن يشمت فيك…
واذا عملها فهو مو صديق….
بتقدر تضعف قدامو….
بتأمن تحكيلو كلشي بدون ما تخاف منو
او حتى تفكر لمجرد تفكير انك تشك….
هو اللي بيسندك وبيقويك….
هو اللي بيدعمك….
كلمة حلوة بتجي بوقتها ..ممكن تغير شي بحياتك….
لما بتضحك معو بتضحك من قلبك…
لما بتتسلى معو الوقت بيمرق بسرعة….
مافي بيناتكن حسابات او التزامات او عتب….
فيك تحكي معو بالوقت اللي انت فيه بحاجتو ومارح يعتبرك مصلحجي….
واذا انشغلت عنو بيعطيك عذر بدون ما يسألك….
الصديق الحقيقي هو صديق ازلي وأبدي….
الصداقة هي علاقة اختيارية وليست مفروضة….
اهلك مفروضين عليك..
اخوك مفروض عليك..
اختك مفروضة عليك..
بس الصديق انت بتختارو….
انت بترتحلو…..
ولما بقول صديق …..بكون عم بقصد صديق او صديقة….
بالنسبة الي انا ماعندي فرق….
وبآمن بهالشي….
خطرلي اليوم ابعت رسالة حب وتقدير وسلام لاصدقائي
واشكرهم على وجودهم بحياتي🫶🏼🌹
