18/06/2026
" ၃ လ ပြည့်ရင် လစာတိုးမယ် ... ဘယ်လိုတိုးတာလဲ? "
✅ ဝန်ထမ်းကောင်းမကောင်း ငါသိတယ်၊ ကြည့်ရင် မြင်တယ်။ ဒါပေမဲ့ "ကြည့်ရင်မြင်တယ်" ဆိုတာ Data မဟုတ်ဘူး၊ Feeling ဖြစ်တယ်။ Feeling နဲ့ Manage လုပ်တဲ့ ဆိုင်ဟာ ဆိုင်ရှင် (သို့) မန်နေဂျာ ရဲ့ Mood အပေါ် မူတည်ပြီး ဝန်ထမ်းကောင်း/ဆိုး ဆုံးဖြတ်နေတာနဲ့ တူပါတယ်။
✅ KPI ဆိုတာ ဘာလဲ?
KPI (Key Performance Indicator) ဟာ ဝန်ထမ်းတစ်ယောက်ရဲ့ Performance ကို တိတိကျကျ တိုင်းတာနိုင်တဲ့ Indicator တွေဖြစ်တယ်။ "ကောင်းတယ်" ဒါမှမဟုတ် "ညံ့တယ်" ဆိုတဲ့ Subjective ဆုံးဖြတ်ချက် မဟုတ်ဘဲ၊ ကိန်းဂဏန်းနဲ့ ဖော်ပြနိုင်တဲ့ Objective Result ဖြစ်ပါတယ်။
✅ စားသောက်ဆိုင် ဝန်ထမ်းတွေအတွက် KPI ဘယ်လိုသတ်မှတ်မလဲ? Position အလိုက် KPI မတူကြပါဘူး။
➡ ဥပမာ - Waiter / Waitress KPI
▸ Punctuality — 5 မှတ် သတ်မတ်ထားတယ်ဆိုရင်...
5 မှတ်: တစ်လလုံး အလုပ်နောက်ကျခြင်း လုံးဝမရှိသူ 0 ကြိမ်။
4 မှတ်: တစ်လအတွင်း အလုပ်နောက်ကျမှု စုစုပေါင်း 1 ကြိမ်မှ 2 ကြိမ် ။
3 မှတ်: တစ်လအတွင်း အလုပ်နောက်ကျမှု စုစုပေါင်း 3 ကြိမ်မှ 4 ကြိမ် ။
2 မှတ်: တစ်လအတွင်း အလုပ်နောက်ကျမှု 5 ကြိမ်မှ 6 ကြိမ်။
1 မှတ်: တစ်လအတွင်း အလုပ်နောက်ကျမှု 7+ ကြိမ်နှင့်အထက် ။
✅ တစ်လအတွင်း အလုပ်နောက်ကျတာ၊ Uniform သန့်ရှင်းမှု မပြည့်စုံတာ၊ ဧည့်သည်ဆီက Complaint တက်ခံရတာ၊ ဆိုင်ရဲ့ SOP လုပ်ထုံးလုပ်နည်းတွေကို ဘယ်လောက်ရာခိုင်နှုန်း လိုက်နာလဲ? စတာတွေကို တိကျတဲ့ ဒေတာအမှား/အမှန် ကြိမ်ရေတွေနဲ့ တွက်ချက်ပြီး လချုပ်ရာခိုင်နှုန်း (%) ထုတ်လိုက်တာကို KPI လို့ ခေါ်ပါတယ်။ (📍Comment တွင် KPI နမူနာကြည့်ရန်)
✅ အဲဒါမှ လကုန်ရင် ဘယ်သူက Grade A ရတဲ့ ထိပ်တန်းဝန်ထမ်း၊ ဘယ်သူကတော့ Grade D နဲ့ သတိပေးရမယ့် ဝန်ထမ်းဆိုတာ သိရမှာ ဖြစ်ပါတယ်။
✅ လကုန်ရင် Grade A ရတဲ့ ဝန်ထမ်းက Bonus ဘယ်လောက်ရမယ်၊📍သုံးလတိတိ Grade A ရတဲ့ ဝန်ထမ်းက လစာဘယ်လောက်တိုးမယ် ဆိုပြီးတော့ သတ်မှတ်ရတာဖြစ်ပါတယ်။ ဝန်ထမ်းကောင်းတွေကို ထိုက်ထိုက်တန်တန် ပေးပြီး ဆိုင်မှာ မြဲအောင် ထိန်းထားနိုင်သလို၊ ညံ့တဲ့သူတွေကိုလည်း ဘယ်အပိုင်းမှာ ပြင်ရမယ်ဆိုတာ လမ်းညွှန်ပေးနိုင်ပါတယ်။
✅ ဒီဆိုင်မှာ ဒီလိုလုပ်နိုင်ရင် ဒီလိုရမယ် ဆိုတာကို ဝန်ထမ်းတွေ သိသွားတဲ့အခါ သူတို့အသိစိတ်နဲ့သူတို့ စည်းကမ်းကို အပြည့်အဝ လိုက်နာလာကြပါတယ်။ KPI ရှိမှ ဝန်ထမ်းက "ငါ ဘာကို ဦးတည်ရမလဲ" ဆိုတာကို သိသလို KPI ရှိမှ မိတ်ဆွေက ဒီဝန်ထမ်း ကောင်းသလား၊ ညံ့သလား ဆိုတာကို Data နဲ့ပြောနိုင်မှာ ဖြစ်ပါတယ်။
✅ KPI သတ်မှတ်တဲ့ခါ SMART rule ကို လိုက်နာရပါမယ်။
S - Specific (တိတိကျကျ ဖြစ်ရမယ်)
M - Measurable (တိုင်းတာလို့ ရရမယ်)
A - Achievable (လက်တွေ့ ဖြစ်နိုင်ခြေ ရှိရမယ်)
R - Relevant (ဆိုင်ရာ လုပ်ငန်းခွင်နဲ့ ကိုက်ညီ ဆက်စပ်ရမယ်)
T - Time-bound (တိကျတဲ့ အချိန်ကာလ သတ်မှတ်ချက် ရှိရမယ်)
✅ KPI မရှိရင် မန်နေဂျာတွေ၊ ဆိုင်ရှင်တွေက ကိုယ့်ရှေ့မှာ အလုပ်လုပ်ပြတဲ့ ဝန်ထမ်း (မျက်နှာလိုမျက်နှာရလုပ်သူ) ကို အမှတ်ပိုပေးမိပြီး၊ တကယ့်နောက်ကွယ်မှာ တိတ်တဆိတ် အလုပ်ကြိုးစားနေတဲ့ ဝန်ထမ်းတွေကို မျက်ကွယ်ပြုမိတတ်ပါတယ်။ KPI စနစ် ရှိလာတဲ့အခါမှာ ဘက်လိုက်မှုမရှိ၊ အငြင်းပွားစရာမလိုဘဲ တရားမျှတမှု ရှိစေပါတယ်။
တိုးတက်မှုကို မတိုင်းတာနိုင်ရင်၊ အဲဒီလုပ်ငန်းကို စီမံခန့်ခွဲလို့ မရပါဘူး။
📍 မိတ်ဆွေရဲ့ ဆိုင်မှာ ဝန်ထမ်းတွေ အတွက် KPI စနစ် ရှိပြီးပြီလား? ဆိုင်မှာ အသင့်သုံး Auto Format တွေ လိုအပ်ရင် ကျွန်တော့်ကို ဆက်သွယ်လိုက်။
#အောင်မြင်တဲ့စားသောက်ဆိုင်တစ်ဆိုင်ဖြစ်လာဖို့
𝐌𝐑. 𝐓𝐇𝐀𝐍𝐓 𝐙𝐈𝐍 𝐓𝐔𝐍
• 𝐁𝐚𝐫 & 𝐑𝐞𝐬𝐭𝐚𝐮𝐫𝐚𝐧𝐭 𝐂𝐨𝐧𝐬𝐮𝐥𝐭𝐚𝐧𝐭
𝐂𝐨𝐧𝐭𝐚𝐜𝐭 :
𝐏𝐡 - 09 758 757 696
𝐕𝐢𝐛𝐞𝐫 𝐏𝐡 - 09 758 757 696
𝐖𝐡𝐚𝐭𝐬𝐀𝐩𝐩 - 09 758 757 696
◾𝐖𝐞 𝐌𝐚𝐤𝐞 𝐘𝐨𝐮𝐫 𝐁𝐮𝐬𝐬𝐢𝐧𝐞𝐬𝐬 𝐆𝐫𝐨𝐰
#ဆိုင်ရှင်တွေသိသင့်တာ
