เว็บไซต์คืออะไร?

https://www.facebook.com/889069300964084/

Burma Voice, Bangkok (2026)

15/06/2026

စနစ်ကျလွန်းတဲ့ ခံစစ်စုဖွဲ့မှု၊ စနစ်ကျလွန်းတဲ့ အသင်းလိုက်ရွေ့လျားမှုတွေနဲ့ စောင့်ကြည့်ရမယ့် ဂျပန်အသင်း

Burma Voice

ကမ္ဘာ့ဖလားပြိုင်ပွဲ ရောက်တိုင်း နာမည်ကြီးအသင်းတွေကို အိပ်မက်ဆိုးတွေ အပေးနိုင်ဆုံးကတော့ ဂျပန်အသင်းပဲ ဖြစ်ပါတယ်။ နယ်သာလန်အသင်းနဲ့ ဂျပန်အသင်းတို့ ယှဉ်ပြိုင်ကစားခဲ့တဲ့ အုပ်စု (F) ရဲ့ အဖွင့်ပွဲစဉ်မှာလည်း ဂျပန်တို့အနေနဲ့ နယ်သာလန်အသင်းရဲ့ နှစ်ကြိမ်တိုင် ဦးဆောင်မှုကို ခံခဲ့ရပေမယ့်၊ အနောက်ကနေ ခြေပဂိုးတွေ လိုက်လံသွင်းယူပြီး အဖိုးတန် သရေတစ်မှတ်ကို ရယူနိုင်ခဲ့ပါတယ်။

ဘောလုံးရရှိနေချိန် (On the ball) အခြေအနေမှာ ခံစစ်သုံးယောက်တန်းပုံစံ (Back 3) ကစားပြီး၊ ဘောလုံးဆုံးရှုံးနေချိန် (Off the ball) အခြေအနေမှာ ခံစစ်ငါးယောက်တန်းပုံစံ (Back 5) ပြောင်းလဲကစားသွားတာဟာ ပြိုင်ဘက်အသင်းတွေအတွက် ဂျပန်အသင်းကို ထိုးဖောက်ဖို့ တော်တော်လေးကို ခက်ခဲစေတာပဲ ဖြစ်ပါတယ်။

ဂျပန်အသင်းရဲ့ တခြားသောအာရှနိုင်ငံတွေနဲ့ မတူညီတဲ့ အရေးအကြီးဆုံး အားသာချက်တစ်ခုကတော့ ဂျပန်အသင်းရဲ့ အဓိကကစားသမား တော်တော်များများဟာ ဥရောပထိပ်တန်းအသင်းတွေမှာ ကစားနေကြတဲ့ ကစားသမားတွေ ဖြစ်နေတဲ့အချက်ပဲ ဖြစ်ပါတယ်။ ဒီအချက်ကြောင့်ပဲ ဂျပန်ကစားသမားတွေဟာ ပွဲအတွင်းက ဖိအားတွေကို အကောင်းဆုံး ရင်ဆိုင်နိုင်စွမ်း ရှိနေကြတာ ဖြစ်ပါတယ်။

ဂျပန်အသင်းရဲ့ အရန်ခုံတန်းက ကစားသမားတွေကို ကြည့်မယ်ဆိုရင်လည်း ပွဲထွက်ကစားသမားတွေနဲ့ ခြေစွမ်း သိပ်မကွာတော့တာကို တွေ့ရမှာ ဖြစ်ပါတယ်။ ဒါ့အပြင် အသက် ၂၀ ဝန်းကျင် လူငယ်သွေးသစ် ကစားသမားအများစုလည်း ပါဝင်တာကြောင့် နည်းပြ မိုရီယာဆု (Moriyasu) အနေနဲ့ မိမိစိတ်ကြိုက် နည်းဗျူဟာ စုံစုံလင်လင် ကစားလာနိုင်တာကို တွေ့ရမှာ ဖြစ်ပါတယ်။

၂၀၂၂ ကမ္ဘာ့ဖလားမှာ ဂျာမနီအသင်းကို အနိုင်ယူပြီး အိမ်ပြန်စေခဲ့တဲ့ ဂျပန်တို့ဟာ ၂၀၂၆ ကမ္ဘာ့ဖလားမှာလည်း ပြိုင်ဘက်အသင်းတိုင်းက သတိကြီးကြီးထားရမယ့် ဖြတ်မြင်းအသင်းတစ်သင်းထက် ပိုတဲ့ အသင်းတစ်သင်းအဖြစ် တွေ့မြင်ရဖို့ ရှိနေပါတယ်။

#၂၀၂၆ကမ္ဘာ့ဖလား #ဂျပန်အသင်း #နယ်သာလန် #အားကစားဆောင်းပါး

15/06/2026

■ AA ထိန်းချုပ် ပလက်ဝတွင် လက်နက်ကိုင်အဖွဲ့ အသစ်တစ်ဖွဲ့ ပေါ်ပေါက်

Burma Voice

အာရက္ခတပ်တော် AA ထိန်းချုပ်ထားသည့် ပလက်ဝမြို့နယ်တွင် လက်နက်ကိုင်အဖွဲ့အသစ်တစ်ခု ပေါ်ပေါက်လာကြောင်း သိရပြီး Khumi People Front – KPF (ခူမီးတပ်မတော်)/ Khumi National Congress Party – KNCP ဟု သိရသည်။

ပလက်ဝမြို့နယ်ထဲက ပလက်မြို့၊ ဆမီးမြို့တို့ အပါအဝင် နယ်မြေ အများစုကို အာရက္ခတပ်တော် AA က ထိန်းချုပ်ထားပြီး နွေဦးတော်လှန်ရေးနှင့်အတူ ပေါ်ပေါက်လာသော CDF- Paletwa နှင့် CDF–Daai လက်နက်ကိုင်အဖွဲ့တို့လည်း ရှိနေသည်။

လက်ရှိ ပလက်ဝမြို့နယ်ထဲတွင် အသစ်ပေါ်ပေါက်လာသော KPF, CDF-Paletwa, CDF-Daai နှင့် အာရက္ခတပ်တော် AA စုစုပေါင်း လက်နက်ကိုင်အဖွဲ့ ၄ ခုရှိနေကြောင်း သိရသည်။

အသစ်ပေါ်ပေါက်လာသော KPF မှာ ဒေသခံပြည်သူများအား ဖမ်းဆီးခြင်းနှင့် ဖမ်းဆီးခံရသူများ၏ မိသားစုဝင်များကိုပါ ခြိမ်းခြောက်မှုများရှိနေကြောင်းနှင့် တပ်သားသစ်စုဆောင်းခြင်းတို့ကို လုပ်ဆောင်နေကြောင်း ပလက်ဝဒေသခံများက ပြောဆိုကြသည်။

သာယာကုန်း၊ ကျောက်ပလ္လင်၊ ဆတလိုင်ဝ စသည့် ကျေးရွာများမှ ဒါဇင်နှင့်ချီသော လူငယ်များကို ဇွန်လ ပထမအပတ်တွင် KPF မှ ဖမ်းဆီးသွားပြီး မိသားစုဝင်များမှ ပြန်လွှတ်ပေးရန် တောင်းဆိုသော်လည်း ပြန်မလွှတ်ပေးသေးကြောင်း ဖမ်းဆီးခံရသူများ၏ မိသားစုဝင်များမှ ပြောဆိုထားကြသည်။

အဆိုပါ ကိစ္စနှင့် ပတ်သက်၍ KPF ကို ဆက်သွယ်ရန် ကြိုးပမ်းနေပြီး လတ်တလောတွင် အဆက်အသွယ် မရရှိသေးပေ။

ပလက်ဝမြို့နယ်သည် ချင်းပြည်နယ်အတွက် အရေးကြီးသလို ရခိုင်ပြည်အတွက်လည်း နယ်စပ်ကုန်သွယ်ရေး၊ စစ်ရေးအရ အရေးပါသော မြို့တစ်မြို့ဖြစ်ကြောင်း သိရသည်။

နယ်မြေအများစုကို ထိန်းချုပ်ထားသော အာရက္ခတပ်တော် AA က ပလက်ဝမြို့နယ်တွင် အုပ်ချုပ်ရေး၊ တရားဥပဒေစိုးမိုးရေးနှင့် အခြားသော ပညာရေး၊ ကျန်းမာရေး စသည့် ဒေသဖွံ့ဖြိုးရေးလုပ်ငန်းများကို ဆောင်ရွက်နေပြီး နယ်မြေခံ အခြားသော လက်နက်ကိုင်အဖွဲ့များနှင့်လည်း အပြုသဘောဆောင် ချိတ်ဆက်မှုများရှိကြောင်း စုံစမ်းသိရသည်။

#ပလက်ဝမြို့နယ် #လက်နက်ကိုင်အသစ်တစ်ခုပေါ်ပေါက် #အာရက္ခတပ်တော် #နယ်စပ်မြို့ #စစ်ရေးအရအရေးပါ

15/06/2026

ရန်ကုန်-မန္တလေးလမ်းဟောင်း၌ ပရဟိတကားနှင့်တိုက်မိပြီး လမ်းလျှောက်နေသူ ၁ ဦး သေဆုံး

Burma Voice

ရန်ကုန်-မန္တလေး လမ်းဟောင်းပေါ်မှာ ဇွန် ၁၄ ရက်မနက်ပိုင်း ပရဟိတ လူမှုကူညီရေးအသင်းယာဉ် ၁ စီးက လမ်းလျှောက်နေတဲ့ အမျိုးသားတယောက်ကို ဝင်တိုက်မိတာကြောင့် အတိုက်ခံရသူ သေဆုံးသွားတယ်လို့ ဒေသခံတွေဆီက သိရပါတယ်။

မနေ့မနက် ၅ နာရီဝန်းကျင်က ရန်ကုန်-မန္တလေး လမ်းဟောင်းပေါ်၊ ပဲခူးတိုင်း၊ ရေတာရှည်မြို့နယ် ညောင်ပင်သာကျေးရွာအနီးမှာ မောင်းလာတဲ့ ပရဟိတ လူမှုကူညီရေးအသင်းယာဉ်က လမ်းလျှောက်နေတဲ့ အမျိုးသားကို ဝင်တိုက်ခဲ့တာလို့ ဒေသခံ ကူညီကယ်ဆယ်ရေးသမား တယောက်က ပြောပါတယ်။

“ပရဟိတကားက တောင်ငူမြို့အခြေစိုက် ပရဟိတအသင်းကားလို့ သိရပါတယ်။ နေပြည်တော်ဘက်ကို လူနာသွားပို့ပြီး အပြန်မှာဖြစ်တာ။ လမ်းလျှောက်နေတဲ့ အမျိုးသားကို ဝင်တိုက်တာ။ ကားနဲ့အတိုက်ခံရသူကို ဆေးရုံပို့ပေမဲ့ သေဆုံးသွားတာ။”

သေဆုံးသူဟာ ရေတာရှည်မြို့နယ်မှာ နေထိုင်တဲ့ ကိုထွေး ဖြစ်ပြီး ယာဉ်မောင်းဖြစ်သူကိုတော့ ရေတာရှည်မြို့မရဲစခန်းမှာ ယာဉ်မဆင်မခြင်မောင်းနှင်မှု၊ လူသေမှုနဲ့ ဖမ်းဆီးအမှုဖွင့် အရေးယူထားပါတယ်။

15/06/2026

မိုင်းတုံတွင်ဖမ်းမိသည့် တရုတ် ၅ ဦးမှာ ပြည်သူ့စစ်ခေါင်းဆောင် ကျေးရွာအုပ်ကြီး၏ ရွေခိုးတူးသည့်ဆိုက်မှ တရုတ်များဖြစ်နေ၊ ရပ်ကျေးအုပ်ချုပ်ရေးမှူး သားကြီးမှာ အထက်အာဏာပိုင်များကို ငွေပေးကာ ကျေးရွာသားများကို အလွန်အမင်းဖိနှိပ်နေ

Burma Voice

စစ်တပ်အရာရှိများ သယ်ဆောင်လာပြီး မိုင်းတုံမြို့အဝင်အထွက်တွင် ဖမ်းမိသည့် တရားမဝင် တရုတ်နိုင်ငံသား ၅ ဦးမှာ မိုင်းတုံမြို့နယ်၊ လွယ်ခမ်းလုံကျေးရွာအုပ်စု ကျေးရွာအုပ်ချုပ်ရေးမှူး သားကြီး (ခ) ကျော်ဇင်လတ်၏ ရွှေခိုးတူးသည့်နေရာမှ ပြောင်းရွှေ့လာသူများဖြစ်ကြောင်း စစ်တပ်နှင့် နီးစပ်သည့် သတင်းရင်းမြစ်များက ပြောသည်။

ကျေးရွာအုပ်ချုပ်ရေးမှူး သားကြီး (ခ) ကျော်ဇင်လတ် ရွှေခိုးတူးသည့်အကြောင်းနှင့် တရားမဝင် တရုတ်နိုင်ငံသားများ ရောက်နေကြောင်း သတင်းဖော်ပြခံရပြီးနောက် ယင်းတရုတ်နိုင်ငံသား ၅ ဦးကို မိုင်းတုံမြို့နယ်၊ လွယ်ခမ်းလုံကျေးရွာမှတဆင့် နားကောင်းမူးသို့ ရွှေ့ပြောင်းထားပြီး ယင်းမှတဆင့် တောင်ကြီးဘက်သို့ ပြောင်းရွှေ့စဉ် ဇွန်လ ၃ ရက်တွင် မိုင်းတုံ - တာဆန်း လမ်းပေါ်ရှိ တာဆန်းတံတား၌ ဖမ်းဆီးခံရခြင်းဖြစ်ကြောင်း သတင်းရင်းမြစ်တစ်ဦးက ပြောသည်။

“အခု ကားသမား ၃ ယောက်လည်း ဖမ်းထားတယ်။ ဆေးဗိုလ် ပြည့်စုံအောင်လည်း ဖမ်းထားတယ်။ တကယ်က ပြည့်စုံအောင်နဲ့ တိုက်ရိုက်လုပ်တာ မဟုတ်ဘူး။ အခုရှေ့တန်းထွက်နေတဲ့ တပ်မှူးနဲ့ချိတ်ပြီး လုပ်တာ။ တပ်မှူးက သယ်ခိုင်းလို့ ပြည့်စုံအောင်က သယ်တဲ့အချိန် စရဖနဲ့ ညှိတာ အဆင်မပြေဘဲ အဖမ်းခံရတာ။ ရွှေတောင်ဂိတ်မှာကျတဲ့ ၅၁၉ တပ်က လူတွေလည်း ဖမ်းထားတယ်။ အခုဗျူဟာမှာ စစ်ဆေးနေကြတယ်” ဟု ၎င်းက ပြောသည်။

တရုတ်များကို ရွှေ့ပြောင်းကာ လက်နက်များကို ဖွက်ထားသော်လည်း ရွှေခိုးတူးနေသည်ကိုမူ ဆက်လက်လုပ်ဆောင်ဆဲဖြစ်ကြောင်း၊ ၎င်းကိုယ်တိုင်က သစ်မှောင်ခိုလုပ်ငန်းများ၊ ရွှေခိုးတူးသည့် လုပ်ငန်းများ လုပ်ကိုင်နေသော်လည်း ကျေးရွာသားများ လုပ်ကိုင်စားသောက်ရာတွင်မူ အုပ်ချုပ်ရေးမှူး ကျော်ဇင်လတ် (ခ) သားကြီးက ဗျူဟာ၊ ထွေအုပ်၊ သစ်တောဌာနတို့ကို ငွေပေးကာ အကြောင်းအမျိုးမျိုးရှာပြီး ဖမ်းဆီးခိုင်းကြောင်း ဒေသခံတစ်ဦးက ပြောသည်။

“ရွာသားတွေက သစ်လေး နည်းနည်းပါးပါးလုပ်ရင်လည်း ဗျူဟာကို တိုင်ပြီး ဖမ်းခိုင်းတယ်။ သူကျတော့ တရားမဝင်တာအကုန်လုံးကို အကြီးအကျယ်လုပ်နေတာ။ သတ္တုတူးဖော်ရေး လုပ်ကိုင်ခွင့်ကျထားတဲ့ နေရာကနည်းနည်း၊ လုပ်နေတဲ့နေရာက အများကြီး။ အခုဆိုရင် နောင်လဲ ကျေးရွာအထိပါ ဘတ်ဖိုးအကြီးကြီး ၃ စီးနဲ့ ရွှေခိုးတူးနေတာ။ ရွာသားတွေ အရမ်းခံနေရလို့ ပြောပြတာပါ” ဟု ၎င်းက ပြောသည်။

ထို့ပြင် ပြီးခဲ့သည့် ဇွန်လ ၂ ရက်က ကျေးရွာအုပ်ချုပ်ရေးမှူး ရွေးပွဲ ကျင်းပရာတွင်လည်း မြို့နယ်ထွေအုပ်ကို လာဘ်ထိုးကာ ၎င်းသာ ပြန်လည်ရွေးချယ်ရစေရန် စီစဉ်ခဲ့ကြောင်း၊ ကျေးရွာသား အများစုမှာ ဗမာစာမတတ်သည်ကို အခွင့်ကောင်းယူကာ မြို့နယ်အုပ်ချုပ်ရေးမှူး ဦးလွင်မိုး၊ မြို့နယ်ထွေအုပ်စာရေးမတို့နှင့် ပူးပေါင်းကာ စီစဉ်ခဲ့ကြောင်း ဒေသခံများက ပြောသည်။

“ထွေအုပ်ကို ပိုက်ဆံပေးထားတော့ မဲပေးတဲ့အခါ ရွာသားတွေက တခြားပြိုင်တဲ့သူနာမည် ဦးကျမော့တို့၊ ဒေါ်အေးကြည်တို့ပြောလည်း ကျော်ဇင်လတ်ပဲ ရေးထည့်ပေးပြီး မဲနိုင်အောင်လုပ်ပေးလိုက်တာ။ အခု ကျော်ဇင်လတ်ပဲ ပြန်ခန့်ခံရတယ်။ သူ့မိန်းမကလည်း ရွာထဲမှာ သူ့ယောက်ျားကို မဲမပေးရင် ဘာလုပ်မယ်၊ ညာလုပ်မယ် ကြိမ်းမောင်းသေးတယ်” ဟု ဒေသခံတစ်ဦးက ပြောသည်။

ယင်းအုပ်ချုပ်ရေးမှူး ဦးကျော်ဇင်လတ် (ခ) ကိုသားကြီးမှာ လွယ်ခမ်းလုံပြည်သူ့စစ် ခေါင်းဆောင်လည်း ဖြစ်ပြီး၊ ယခင်ကတည်းက မိုင်းတုံ - မိုင်းဆတ် ကားလမ်း ၁၁ မိုင်အကွာတွင် တရုတ်နိုင်ငံသားများ၏ အထောက်အပံ့ဖြင့် "ရွှေလားဟူ ကုမ္ပဏီ" အမည်ခံကာ ခနောက်စိမ်းတူးဖော်သယောင်ဖြင့် ရွှေကို တရားမဝင် တူးဖော်ခဲ့သူဖြစ်ကြောင်း သိရသည်။

#မိုင်းတုံ
#ရှမ်းအရှေ့
#ရွှေတူး
#ပြည်သူ့စစ်
#ကျော်ဇင်လတ်
#အုပ်ချုပ်ရေးမှူး

15/06/2026

ထိုင်းမှာအလုပ်လုပ်ခွင့်ပါမစ်ရှိရင်တောင်နိုင်ငံခြားသားတွေလုပ်ခွင့်မရှိတဲ့ အလုပ်အကိုင် ၁၀ မျိုး

Burma Voice

ထိုင်းနိုင်ငံမှာ အလုပ်လုပ်ခွင့် စာရွက်စာတမ်း (work permit)တွေ မှန်မှန်ကန်ကန် ကိုင်ဆောင်ထားရင်တောင်မှ ဥပဒေအရ နိုင်ငံခြားသားတွေ ပါဝင် လုပ်ကိုင်ခွင့် မရတဲ့ အလုပ်အမျိုးအစားတွေ ရှိပါတယ်။

တစ်နည်းအားဖြင့်အဲဒီအလုပ်တွေဟာထိုင်းနိုင်ငံသားတွေအတွက်ပဲ သီးသန့်ချန်ထားတဲ့ သဘောပါ။

ထိုင်းသတင်းဌာနတစ်ခုဖြစ်တဲ့ The Nationက ထိုင်းရောက် နိုင်ငံခြားသား အများအပြားဟာ ပတ်စ်ပို့တ်၊ အလုပ်လုပ်ခွင့်ပါမစ်နဲ့ တခြား တရားဝင် အထောက်အထား စာရွက်စာတမ်းတွေ ရှိနေပြီဆိုရင် ကြိုက်တဲ့အလုပ် လုပ်လို့ရတယ်လို့ မှားယွင်း ယူဆတတ်ကြကြောင်း ထောက်ပြခဲ့ပါတယ်။

ဒါပေမဲ့အဲဒီအတွေးဟာမမှန်ကန်ကြောင်း၊ ထိုင်းအလုပ်သမား ဝန်ကြီးဌာနဟာ နိုင်ငံခြားသားတွေအပေါ် ကန့်သတ်ထားတဲ့ အလုပ်အမျိုးအစားတွေနဲ့ ပတ်သက်ပြီး ရှင်းလင်းတိကျတဲ့ စည်းမျဉ်းတွေ သတ်မှတ်ထားကြောင်း The Nationက ဆိုပါတယ်။

ထိုင်းနိုင်ငံသားတွေပဲလုပ်ကိုင်ခွင့်ရှိပြီးနိုင်ငံခြားသားတွေအတွက်လုပ်ကိုင်ခွင့် မပြုတဲ့ အလုပ် ၁၀ မျိုးကိုလည်း ထိုင်းသတင်းဌာနက ဖော်ပြခဲ့ပါတယ်။

အဲဒါတွေကတော့
၁။လမ်းဘေးမှာ တွန်းလှည်းတွေ၊ ယာယီတဲတွေထိုးပြီး ကုန်ပစ္စည်းတွေ၊ ထီလက်မှတ်တွေ ရောင်းချတာ
၂။ ပွဲစားတွေ၊ အေးဂျင့်တွေအဖြစ် အသက်မွေးတာ (နိုင်ငံတကာ ကုန်သွယ်ရေး အေးဂျင့်တွေကိုတော့ ခွင့်ပြုထားပါတယ်)
၃ ။ ဆံပင်နဲ့ လက်သည်း အပါအဝင် အလှအပ ပြုပြင်ရေး လုပ်ငန်းတွေ
၄ ။ ထိုင်းရိုးရာ အနှိပ်နဲ့ spa ဝန်ဆောင်မှုတွေ
၅ ။တက္ကစီ၊ သုံးဘီး၊ ဘတ်စ်ကားစတဲ့ စီးပွားဖြစ် ယာဉ်တွေကို မောင်းနှင်တဲ့ ယာဉ်မောင်းအလုပ်
၆ ။ခရီးသွားလမ်းညွှန် အလုပ်
၇ ။ဥပဒေရေးရာ ဝန်ဆောင်မှုတွေ
၈ ။လက်ရက်ထည်နဲ့ ရက္ကန်းလုပ်ငန်းတွေ
၉ ။ရွှေထည်၊ ငွေထည် ပန်းထိမ်လုပ်ငန်း၊ သစ်ထွင်းပန်းပုလုပ်ငန်းနဲ့ ကျောက်ဆစ် လက်မှုပညာ လုပ်ငန်းတွေ
၁၀။လုံခြုံရေး ဝန်ဆောင်မှု လုပ်ငန်းတွေ သတ်မှတ်ချက်တွေကို ချိုးဖောက်တဲ့ နိုင်ငံခြားသားတွေ အနေနဲ့ ဘတ် ငါးသောင်းအထိ ဒဏ်ငွေ၊ ထိုင်းနိုင်ငံကနေ နှင်ထုတ်ခံရမှု စတဲ့ ပြစ်ဒဏ်တွေကို ကြုံတွေ့နိုင်ပါတယ်။ ဒါ့အပြင် နောက်ထပ် အလုပ်လုပ်ခွင့် ဗီဇာ နှစ် နှစ် တားမြစ်ခံရမှာ ဖြစ်ပါတယ်။

အဲဒီလုပ်ငန်းတွေမှာနိုင်ငံခြားသားတွေကိုငှားရမ်းခန့်အပ်တဲ့ထိုင်းအလုပ် ရှင်တွေကလည်းဘတ်တစ်သိန်းထိဒဏ်ငွေမျိုးကျခံရနိုင်ပြီးထပ်တလဲလဲ ကျူးလွန်ရင်တော့ထောင်ဒဏ်နဲ့ပါရင်ဆိုင်ရနိုင်ကြောင်းလည်းသိရပါတယ်။

ကိုးကား ၊ ဓာတ်ပုံ - The Nation

15/06/2026

'ကယ်ရီခ ပိုတောင်းတယ်' ဆိုပြီး ထိုင်းရဲက ဆိုင်ကယ် ကယ်ရီသမားကို ပစ်သတ်

Burma Voice

ဘန်ကောက်မြို့မှာ ကယ်ရီခ ပိုတောင်းတယ်ဆိုပြီး တာဝန်ချိန်ပြင်ပ ရဲတဦးက ဆိုင်ကယ်ကယ်ရီသမားတဦးကို သေနတ်နဲ့ ပစ်သတ်ပြီး အခြား နှစ်ဦးကို ဒဏ်ရာရရှိစေခဲ့တဲ့ ဖြစ်ရပ် တနင်္ဂနွေနေ့ နံနက်အစောပိုင်းက ဖြစ်ပွားခဲ့ပါတယ်။

မျက်မြင်သက်သေတွေရဲ့ ပြောပြချက်အရ သေနတ်သမားဟာ အင်္ကျီလက်ရှည်အမည်းနဲ့ ဂျင်းဘောင်းဘီတို ဝတ်ဆင်ထားပြီး အမည်းရောင် ကျောပိုးအိတ်တလုံးနဲ့အတူ ရပ်ထားကြတဲ့ ဆိုင်ကယ်ကယ်ရီသမားတွေဆီ ရောက်လာပြီး စကားများ ရန်ဖြစ်ကြတယ်လို့ သိရပါတယ်။

အကျီအမည်းနဲ့ အဲဒီ လူက ချက်ချင်းပဲ ပစ္စတိုသေနတ် ဆွဲထုတ်ပြီး ဆိုင်ကယ်ကယ်ရီသမားတွေကို အချက်ပေါင်းများစွာ ပစ်ခတ်ခဲ့တာပါ။

အခင်းဖြစ်ပွားရာနေရာမှာ အသက် ၃၇ နှစ်အရွယ် ဆိုင်ကယ်ကယ်ရီသမား ပူရစ် မန်သီဆန်ဟာ ကျောပြင်မှာ သေနတ်ဒဏ်ရာအချို့၊ ရင်ဘတ်မှာ ကျည်မှန် ဒဏ်ရာတွေနဲ့ သွေးအိုင်ထဲ သေဆုံးနေတာကို ရဲတာဝန်ရှိသူက တွေ့ရှိခဲ့ပါတယ်။ အခြား ဆိုင်ကယ်ကယ်ရီသမား နှစ်ဦးလည်း ဒဏ်ရာရရှိခဲ့ပါတယ်။

နောက်ပိုင်းမှာ သေနတ်နဲ့ ပစ်ခတ်သူဟာ မက်ကာဆန် ရဲစခန်းမှာ ကိုယ်တိုင် လာရောက် အဖမ်းခံခဲ့ပါတယ်။

သူဟာ အသက် ၃၃ နှစ်အရွယ် နယ်ခြားစောင့်ရဲတပ်ဖွဲ့ဝင် ဒုရဲကြပ် နမ်သပ် ပတ်ဝါတာနာ ဖြစ်ကြောင်း အတည်ပြုနိုင်ခဲ့ပါတယ်။

ဒုရဲကြပ် နမ်သပ်က ခုလို ပစ်ခတ်မှု ဖြစ်တာဟာ ကယ်ရီခနဲ့ ပတ်သက်လို့ အချင်းများရာကနေ စတင်တာဖြစ်ကြောင်း ရဲစခန်းမှာ ထွက်ဆိုထားပါတယ်။ ဆိုင်ကယ်ကယ်ရီသမားတွေက သူ့ကို အရင်ဆုံး ဝိုင်းဝန်းတိုက်ခိုက်တာကြောင့် ကိုယ့်ကိုယ်ကိုယ် ခုခံကာကွယ်တဲ့ အနေနဲ့ သေနတ်နဲ့ ပစ်ခတ်ရတာ ဖြစ်တယ်လို့ ထွက်ဆိုထားတယ်လို့ သိရပါတယ်။

သေနတ်နဲ့ မပစ်မီ ဆိုင်ကယ်ကယ်ရီသမား နှစ်ဦးက သူ့ကို စတင် တိုက်ခိုက်ခဲ့တာကို CCTV မှတ်တမ်းတွေအရ အတည်ပြုနိုင်ခဲ့တယ်လို့ စုံစမ်းစစ်ဆေးသူများက ပြောကြားခဲ့ပါတယ်။

အငြင်းပွားမှု ဖြစ်တာဟာ နမ်သပ်က သူ့အိမ်ဆီ ဆိုင်ကယ်ငှားရာမှာ ကယ်ရီသမားတွေက ပုံမှန်ထက် ပို တောင်းတာကနေ စတင်တာဖြစ်တယ်လို့ ဆွေမျိုးတဦးက ရဲတပ်ဖွဲ့ကို ပြောပါတယ်။ ဒါပြင် သူ့မှာ စိတ်ပိုင်းဆိုင်ရာ ဝေဒနာတခု ခံစားနေရပြီး ဆရာဝန် ညွှန်ကြားထားတဲ့ ဆေးဝါးတွေ သောက်သုံးနေရသူဖြစ်ကြောင်းလည်း အဆိုပါဆွေမျိုးက ဖြည့်စွက်ပြောခဲ့ပါတယ်။

#ကယ်ရီခ
#ထိုင်းရဲ
#ဘန်ကောက်ပစ်ခတ်မှု

14/06/2026

ဘရာဇီးတွင် Bungee jumping ခုန်မည့် မိန်းကလေးတစ်ဦးကို လုံခြုံရေးကြိုးမပါဘဲ ဝန်ထမ်းများက တွန်းချခဲ့သဖြင့် အသက်သေဆုံး

Burma Voice

ဘရာဇီးနိုင်ငံ၊ ဆောပိုလိုပြည်နယ်၊ လီမေရာမြို့ရှိ အမြင့် ၄၀ မီတာ (အမြင့်ပေ ၁၃၀ ကျော်) ရှိသော စိန့်ဂျွန်တံတားပေါ်တွင် Bungee jumpingခုန်ရန် ပြင်ဆင်နေသည့် အသက် ၂၁ နှစ်အရွယ် မိန်းကလေးတစ်ဦးသည် တာဝန်ကျဝန်ထမ်းများ၏ ပေါ့ဆမှုကြောင့် တံတားအောက်သို့ ပြုတ်ကျကာ ပွဲချင်းပြီး သေဆုံးသွားခဲ့သည့် ဖြစ်စဉ်တစ်ခု ဖြစ်ပွားခဲ့သည်။

အဆိုပါ မိန်းကလေးသည် တံတားပေါ်မှ ခုန်ချရန် အလှည့်ရောက်ရှိ၍ ပြင်ဆင်နေစဉ်အတွင်း တံတားအပေါ်ရှိ ဝန်ထမ်းများနှင့် အောက်ခြေရှိ ဝန်ထမ်းများအကြား အချက်ပြဆက်သွယ်မှု မှားယွင်းခဲ့ခြင်း ဖြစ်သည်။

တာဝန်ကျဝန်ထမ်းများသည် ၎င်း၏ ခန္ဓာကိုယ်တွင် မရှိမဖြစ် လိုအပ်သည့် ဘေးကင်းလုံခြုံရေးကြိုးကို သေချာစွာ ချိတ်ဆက်ပေးရန် မေ့လျော့နေခဲ့ပြီးနောက် ခုန်ချရန် အဆင်သင့်ဖြစ်ပြီဟု ယူဆကာ သူမအား တံတားပေါ်မှ အောက်သို့ တွန်းချခဲ့ကြသည်။

လုံခြုံရေးကြိုး တစ်စုံတစ်ရာ မပါရှိဘဲ အမြင့်ပေ ၁၃၀ ကျော်မှ အရှိန်ပြင်းစွာဖြင့် အောက်သို့ တိုက်ရိုက်ပြုတ်ကျသွားခဲ့ခြင်းကြောင့် မိန်းကလေးသည် ပြင်းထန်သော ဒဏ်ရာများရရှိကာ နေရာတွင်တင် ပွဲချင်းပြီး သေဆုံးသွားခဲ့ရသည်။

လက်ရှိတွင် ဘရာဇီးရဲတပ်ဖွဲ့က အဆိုပါ Bungee jumping ဝန်ဆောင်မှုလုပ်ငန်းနှင့် တာဝန်ရှိသူများအား လူသေမှု၊ ပေါ့ဆမှုတို့ဖြင့် တရားစွဲဆိုရန် စုံစမ်းစစ်ဆေးမှုများ လုပ်ဆောင်လျက်ရှိပြီး၊ လူမှုကွန်ရက်စာမျက်နှာများပေါ်တွင်လည်း အခြေခံအကျဆုံး အသက်ကယ်ကြိုးကိုပင် ချိတ်ရန်မေ့လျော့ခဲ့သည့် ဝန်ထမ်းများ၏ တာဝန်မဲ့မှုအပေါ် လူထုက ပြင်းထန်စွာ ဝေဖန်ရှုတ်ချလျက် ရှိကြသည်။

#ဘရာဇီး

14/06/2026

စကွန်နခွန်မှာ တတိယတန်းကျောင်းသားက ဆရာမကို ဓားဖြင့် လိုက်

Burma Voice

ထိုင်းနိုင်ငံမြောက်အရှေ့ပိုင်း စကွန်နခွန်ခရိုင်ရှိ မူလတန်းကျောင်းတစ်ခုတွင် တတိယတန်းကျောင်းသားတစ်ဦးက ၎င်း၏ဆရာမကို ဓားမကြီးတစ်ချောင်းဖြင့် လိုက်လံရန်ပြုခဲ့သည့် ဖြစ်စဉ်တစ်ခု ဇွန်လ ၁၂ ရက်နေ့က ဖြစ်ပွားခဲ့သည်။

ဆရာမဖြစ်သူမှာ ထိခိုက်ဒဏ်ရာရရှိမှုမရှိဘဲ သီသီလေး လွတ်မြောက်သွားခဲ့သော်လည်း ယင်းဖြစ်စဉ်ကြောင့် စာသင်ကျောင်းအတွင်းရှိ ကျောင်းသားများနှင့် ဆရာ၊ ဆရာမများမှာ အထိတ်တလန့် ဖြစ်ခဲ့ကြရသည်။

အဆိုပါဖြစ်စဉ်သည် "Social Hunter 2022" အမည်ရှိ ဖေ့စ်ဘွတ်ခ်လူမှုကွန်ရက်စာမျက်နှာတွင် ဗီဒီယိုမှတ်တမ်းတစ်ခု ပျံ့နှံ့လာခဲ့ပြီးနောက် လူထုကြား ရေပန်းစား လူသိများလာခဲ့ခြင်း ဖြစ်သည်။

ဗီဒီယိုမှတ်တမ်းအရ အမျိုးသမီးဆရာမတစ်ဦးသည် ဘေးကင်းရာသို့ အသက်လုထွက်ပြေးနေရပြီး ၎င်း၏နောက်တွင် ဓားမကြီးတစ်ချောင်း ကိုင်ဆောင်ထားသည့် ကောင်လေးတစ်ဦးက ထပ်ကြပ်မကွာ လိုက်လံနေသည်ကို တွေ့ရှိရသည်။

လူမှုရေးတက်ကြွလှုပ်ရှားသူ 'တွန်အော ပန်းနွမ်' (Ton Or Pen Nueng) ၏ ထုတ်ဖော်ချက်နှင့် ဒေသခံများ၏ ပြောပြချက်များအရ အဆိုပါဖြစ်စဉ်သည် စကွန်နခွန်ခရိုင်၊ မူအန်းမြို့နယ်ရှိ စာသင်ကျောင်းတစ်ခုတွင် ဖြစ်ပွားခဲ့ခြင်းဖြစ်သည်။

အသက် ၉ နှစ်အရွယ်ခန့်ရှိ အဆိုပါ တတိယတန်းကျောင်းသားသည် အတန်းဖော်တစ်ဦးနှင့် စကားများရန်ဖြစ်ခဲ့ရာ အတန်းပိုင်ဆရာမက ဝင်ရောက်တားဆီးပြီး ဆုံးမပဲ့ပြင်ခဲ့သည်။

ထိုသို့ ဆုံးမခဲ့သည့်အပေါ် ကျောင်းသားက စိတ်ဆိုးဒေါသထွက်ကာ ဆရာမကို ရိုင်းစိုင်းစွာ ဆဲဆိုတုံ့ပြန်ခဲ့သဖြင့် ကျောင်းက ၎င်းအား အိမ်သို့ ပြန်လွှတ်ခဲ့ပြီး မိဘများကိုလည်း အခြေအနေကို အကြောင်းကြားခဲ့သည်။

သို့သော်လည်း မကြာမီအချိန်အတွင်းမှာပင် အဆိုပါကျောင်းသားသည် ကျောင်းသို့ ဓားမကြီးတစ်ချောင်း ကိုင်ဆောင်ကာ ပြန်လည်ရောက်ရှိလာပြီး ၎င်းကို ဆုံးမခဲ့သည့် ဆရာမကို လိုက်လံရှာဖွေကာ ရန်ပြုခဲ့ခြင်းဖြစ်သည်။

ဆရာမဖြစ်သူက အကူအညီတောင်းခံ၍ ထွက်ပြေးခဲ့ရသဖြင့် အခြားကျောင်းသားများလည်း အလွန်အမင်း ထိတ်လန့်ကြောက်ရွံ့ကာ ငိုယိုအော်ဟစ်ခဲ့ကြသည်။

အခြေအနေ ဆိုးရွားနေစဉ်အတွင်း ကျောင်းစောင့်ဝန်ထမ်းတစ်ဦးက ကြားဖြတ်ဝင်ရောက်တားဆီးပြီး ကောင်လေးအား ကွင်းပြင်ဘက်သို့ ခေါ်ထုတ်ကာ လက်နက်ချရန် စိတ်ရှည်လက်ရှည် ဖျောင်းဖျနားချနိုင်ခဲ့၍သာ ဖြစ်စဉ်မှာ ဘေးအန္တရာယ်မရှိဘဲ ပြီးဆုံးသွားခဲ့ရသည်။

ရန်ပြုခဲ့သည့် ကျောင်းသားမှာ ကျောင်းတွင် ကာလရှည်ကြာကတည်းက အကြမ်းဖက်တတ်သည့် အပြုအမူများကို ပြသလေ့ရှိသူ ဖြစ်သည်။

ဒေသခံများ၏ ထိုင်းသတင်းဌာနများကို ပြောပြချက်အရ အဆိုပါကလေးငယ်သည် ယခင်ကတည်းက အတန်းဖော်များကို အနိုင်ကျင့်ခြင်း၊ ခြိမ်းခြောက်ခြင်းနှင့် အခြားကျောင်းသားများထံမှ ငွေကြေးအတင်းအဓမ္မ တောင်းခံခြင်းစသည့် ရန်လိုသောအပြုအမူများကို လုပ်ဆောင်လေ့ရှိကြောင်း သိရသည်။

ယခင်ကလည်း အဆိုပါကျောင်းသားနှင့် ပတ်သက်၍ ပြဿနာများ ရှိခဲ့ဖူးသဖြင့် မိဘအချို့က ၎င်းတို့၏ သားသမီးများကို အခြားကျောင်းများသို့ ပြောင်းရွှေ့ပေးခဲ့ကြရဖူးသည်။

ကျောင်းအာဏာပိုင်များအနေဖြင့် ၎င်း၏မိသားစုနှင့် ယခင်ကတည်းက ဆွေးနွေးမှုများ ပြုလုပ်ခဲ့ဖူးပြီး ကလေးငယ်အား ကျောင်းသို့မလာစေဘဲ အွန်လိုင်းမှတစ်ဆင့်သာ သင်ကြားရန် စီစဉ်ပေးခဲ့ဖူးကြောင်း အဆိုပါတက်ကြွလှုပ်ရှားသူက ဆိုသည်။

သို့သော်လည်း နောက်ပိုင်းတွင် ကျောင်းသို့ ပြန်လည်တက်ရောက်ခွင့်ပြုခဲ့ရာ ၎င်း၏ ရန်လိုသောအပြုအမူများမှာ ယခုကဲ့သို့ ပိုမိုဆိုးရွားလာခဲ့ခြင်း ဖြစ်သည်။

လက်ရှိတွင် ကျောင်းသားများနှင့် ဆရာ၊ ဆရာမများ၏ ဘေးကင်းလုံခြုံရေးအတွက် စိုးရိမ်ရသဖြင့် စကွန်နခွန်ခရိုင် ကလေးသူငယ်ကာကွယ်စောင့်ရှောက်ရေးဂေဟာ အကြီးအကဲထံ ဆက်သွယ်ကာ အကူအညီတောင်းခံထားကြောင်း သိရသည်။

သက်ဆိုင်ရာ တာဝန်ရှိသူများကလည်း ၎င်းအား အကြောင်းပြန်ကြားရာတွင် ဘာသာရပ်စုံကျွမ်းကျင် ပညာရှင်များအဖွဲ့ (Multidisciplinary Team) အနေဖြင့် မြေပြင်သို့ ကွင်းဆင်းကာ အခြေအနေများကို အကဲဖြတ်ခြင်း၊ ကလေးငယ်ကို ကာကွယ်စောက်ရှောက်မှုပေးခြင်းနှင့် ၎င်း၏ မိသားစုနောက်ခံအခြေအနေတို့ကို စုံစမ်းစစ်ဆေးသွားမည်ဖြစ်ကြောင်း ထုတ်ပြန်ထားသည်။

ထို့အပြင် ၎င်း၏ ရန်လိုသောအပြုအမူများကို ဖြစ်ပေါ်စေသည့် အကြောင်းရင်းများကိုပါ ရှာဖွေဖော်ထုတ်သွားမည်ဖြစ်သည်။
အာဏာပိုင်များအနေဖြင့် ကျောင်းဝန်းကျင်တစ်ခုလုံး၏ ဘေးကင်းလုံခြုံရေးကို သင့်တော်သော အစီအမံများကို ချမှတ်ဆောင်ရွက်သွားရန် စီစဉ်နေပြီး၊တစ်ဖက်တွင်လည်း ကလေးငယ်အတွက် လိုအပ်သော ကူညီပံ့ပိုးမှုများနှင့် စိတ်ပိုင်းဆိုင်ရာ ပြန်လည်ထူထောင်ရေး လုပ်ငန်းများကို ဥပဒေလုပ်ထုံးလုပ်နည်းများနှင့်အညီ လုပ်ဆောင်ပေးသွားမည်ဖြစ်ကြောင်း သိရသည်။

ရုပ်သံ - Social Hunter 2022
Ref: Khaosod English

14/06/2026

ဒေါ်အောင်ဆန်းစုကြည်ရဲ့မွေးနေ့မှာ ပြုလုပ်မယ့် နှင်းဆီလှုပ်ရှားမှု

Burma Voice

14/06/2026

ဖားကန့်မှာ မိုးကြီးပြီးရေဘေးကြုံ

Burma Voice

မိုးရာသီရောက်တိုင်းရေဘေးနဲ့မြေပြိုမှုဘေးရင်ဆိုင်နေရတဲ့ကချင်ပြည် နယ်၊ဖားကန့်မြို့နယ်မှာသုံးရက်ခန့်မိုးကြီးပြီးတဲ့နောက်ဒီကနေ့(ဇွန်လ ၁၄ရက်)မနက်ပိုင်းကစပြီး ရပ်ကွက်နဲ့ကျေးရွာအချို့ရေဘေးကြုံတွေ့နေရပါတယ်။

အေးမြသာယာရပ်ကွက်နဲ့ ငှက်ပျောတောရပ်ကွက်အပါအဝင် မြေနိမ့်ပိုင်းနေရာတွေမှာ ရေကြီးနေတာလို့ ဖားကန့်ဒေသခံတွေက ပြောပါတယ်။

ဖားကန့်မြို့ဟာ မိုးတွင်းကာလ မိုးသည်းထန်စွာရွာသွန်းရင် ရေဘေးကြုံတွေ့ရလေ့ရှိပါတယ်။ ယခုတကြိမ်ရေဘေးဟာ ၂၀၂၆ မိုးရာသီမှာ ပထမဆုံးကြုံတွေ့ရတာဖြစ်ပါတယ်။

"နှစ်ထပ်အိမ်တွေဆိုအိမ်အောက်ဖက်တွေနေလို့မရတာတွေဖြစ်တယ်။ သူတို့ကတော့ကိုယ့်အစီအစဉ်နဲ့ကိုယ်ဘေးလွတ်ရာကိုသွားနေကြရတယ်။ မိုးကမရပ်သေးဘူး။ ပိုဆိုးလာရင်တော့ ရေဘေးစခန်းဖွင့်ရမှာ" လို့ ဒေသခံတစ်ဦးက ပြောပါတယ်။

ကချင်ပြည်နယ်အထက်ပိုင်းမှာ ပြီးခဲ့တဲ့ဇွန်လဆန်းကစတင်ပြီး မိုကြီးခဲ့တာကြောင့် မေခနဲ့ မလိခမြစ်ရေများပြီး ဧရာဝတီမြစ်ရေလည်းမြင့်တက် လာပါတယ်။

ကချင်ပြည်နယ်နဲ့ ရှမ်းပြည်နယ်အပါအဝင် ဒေသအများအပြားမှာ နေရာကွက်ပြီး မိုးကြီးနိုင်လို့ လေပြင်းတိုက်ခတ်ခြင်း၊ လျှပ်တပြက် ရေလွှမ်းမိုးခြင်း၊ မိုးကြိုးပစ်ခြင်း၊ မြေပြိုခြင်း၊ တောင်ပြိုခြင်းနဲ့ကမ်းပါးပြိုခြင်းတွေ အထူးသတိပြု နေထိုင်ကြဖို့ အမျိုးသားညီညွတ်ရေးအစိုးရ(NUG)၊လူမှု ရေးရာ၊အလုပ်သမားနဲ့လူသားချင်းစာနာထောက်ထားရေးဝန်ကြီးဌာန (MoSLHA)က သတိပေးချက် ထုတ်ပြန်ထားပါတယ်။

(ဖားကန့်မြို့မှာ မိုးများပြီး ရေကြီးနေတာကို တွေ့ရစဉ်)

Burma Voice

15/06/2026

15/06/2026

15/06/2026

15/06/2026

15/06/2026

15/06/2026

14/06/2026

14/06/2026

14/06/2026

14/06/2026

ที่อยู่

เว็บไซต์

แจ้งเตือน

ทางลัด

แชร์

ประเภท