សាមកុក－三国

សាមកុក－三国 សិក្សា វិភាគ ព្រឹត្តការណ៍និងសុភាសិតបុរាណក្នុងរឿងប្រវត្តិសាស្ត្រចិន ”សាមកុក 三国“

01/12/2024

“ធ្វើជាម្ចាស់គេ ត្រូវទ្រាំនឹងរឿងដែលគេមិនអាចទ្រាំបាន ត្រូវតែមានចិត្តទូលាយ មានចិត្តល្អចំពោះកូនចៅ”
武烈皇后(ម្តាយរបស់ ស៊ុន ឈាន)
ៃថ្មី ៃថ្មី #សាមកុក

29/11/2024

លើលោកនេះ តើមានចាបមួយណាទំលើមែកឈើដល់ទៅពីរថ្ងៃ?
(ទីណាដែលគេមិនឲ្យតម្លៃយើង កុំនៅយូរពេក)
#庞统（Pangtong）
ៃថ្មី ៃថ្មី #សាមកុក

27/11/2024

មន្ត្រីល្អជួបម្ចាស់ល្ងីល្ងើ នេះគឺជាការឈឺចាប់ដ៏ធំបំផុតក្នុងឆាកជីវិត
#曹操
#ឆាវឆាវ

21/11/2024

"ធ្វើមេគេ ត្រូវតែហ៊ានលះបង់ មិនអាចធ្វើមេគេហើយ អង្គុយចាំឲ្យគេមកលន់តួ គោរពវន្ទនាបានទេ។"
#ព្រះតេជគុណ គូ សុភាព
ៃថ្មី ៃថ្មី

15/06/2024

💥ថ្នាក់ដឹកនាំអង្គភាពខ្លះ មិនដឹងទុក្ខធុរ:របស់កូនចៅ មធ្យមទេ វាងំនឹងកូនចៅប្រាប់ហើយ នៅបន្តប្រឹងធ្វើមិនដឹង និងចង់ប្រើអំណាចបំបិទមាត់កូនចៅខ្លួនឯងទៀត។
💢គួរចាំថា៖ "ថ្នាក់ក្រោមគេប្រឹងធ្វើការងារបម្រើរាជការ ស៊ីប្រាក់ខែរដ្ឋ គេអត់បានសុំបាយលោកឯងស៊ីទេ។ លោកឯងមិនទុកគេជាកូនចៅ ហេតុផលអីគេត្រូវទុកលោកឯងជាមេគេ។"

14/06/2024

💥ដោយសារស្តាប់យោបល់មន្ត្រីចិត្តចង្អៀតចង្អល់ វាយតម្លៃមនុស្សតែសំបកក្រៅ លីវ ប៉ី ស្ទើរតែបាត់បង់ ផាង ថុង ដែលជាមន្ត្រីមានសមត្ថភាព ស្មោះត្រង់ហ៊ានពលីជីវិត។
#ធ្វើមេអង្គភាព កុំត្រចៀកស្រាល
#刘备 #庞统

08/06/2024

នៅពេលមានគ្រោះថ្នាក់ មនុស្សស្លូតក៏ចេះហាមាត់ខាំគេវិញដែរ
#鲁肃

💥ជូកឺលៀង: "ដើររកម្ចាស់ មិនស្មើបង្កើតម្ចាស់មួយឲ្យខ្លួនឯង"诸葛亮: "与其寻找主公 不如为自己创造一个主公"💥----------------//--------------------...
20/04/2021

💥ជូកឺលៀង: "ដើររកម្ចាស់ មិនស្មើបង្កើតម្ចាស់មួយឲ្យខ្លួនឯង"
诸葛亮: "与其寻找主公 不如为自己创造一个主公"💥
----------------//--------------------//--------------
✍️ កាល:ទេស:ដែលសង្គមការងារមួយពោរពេញដោយភាពបក្សពួកនិយម មនុស្សភាគច្រើនបានកំពុងតែរត់រកម្ចាស់ជាអ្នកធំមានអំណាច ចងសម្ព័ន្ធបក្សពួកដើម្បីស្វែងរកប្រយោជន៍ និងធ្វើជាខ្នងបង្អែកការពារខ្លួន។ ការដើរស្វែងរកម្ចាស់របៀបនេះ ទោះរកបានក៏មិនមែនជាម្ចាស់ដែលសាកសមនឹងយើង រឹតតែមិនមែនជាម្ចាស់ដែលយល់ច្បាស់អំពីយើង អាចឲ្យយើងបម្រើការងារស្របតាមសតិសម្បជញ្ញ:របស់ខ្លួន ឬដើម្បីផលប្រយោជន៍ជាតិជាធំអ្វីណាទេ។ ពួកគេរឹតតែគ្មានមនោសញ្ចេតនាជាកូនចៅនិងចៅហ្វាយនាយល្អពិតប្រាកដ ពួកគេធ្វើការក្នុងលក្ខណ:បម្រើផលប្រយោជន៍ឲ្យគ្នាទៅវិញទៅមកប៉ុណ្ណោះ គឺកូនចៅរកប្រយោជន៍អោយម្ចាស់ ឯម្ចាស់ចាំពាំងការពារ លាក់កំបាំងទោសកំហុសរបស់កូនចៅ ។

✍️ បើដូច្នេះ យើងគប្បីពង្រឹងសមត្ថភាពខ្លួនឯង ធ្វើការប្រកាន់ខ្ជាប់នូវគោលជំហរមួយរឹងមាំច្បាស់លាស់ មិនវៀចវេររ៉េរាំតាមកំលាំងខ្យល់បក់ ខ្យល់មកពីទិសណាខ្លាំងក៏តាំងបត់ខ្លួនតាមខ្យល់នោះ មើលតែម្ចាស់ណាចាប់ផ្តើមមានឥទ្ធិពលក៏បែរក្បាលទៅអែបអបយកចិត្តម្ចាស់នោះ ហើយធ្វើសោះអង្គើយជាមួយម្ចាស់ដែលកំពុងសាបរលាប ឬបាត់បង់ឥទ្ធិពលបែបនោះទេ។ មនុស្សម្នាក់នៅពេលមានជំហរមួយច្បាស់លាស់ មានសមត្ថភាពអាចធ្វើការងារបាន គង់មានថ្ងៃណាមួយមានម្ចាស់ដែលយល់ច្បាស់ពីយើង មករកយើងឲ្យទៅបម្រើការ ហើយម្ចាស់បែបនេះហើយជាម្ចាស់ដែលសាកសមឲ្យយើងលះបង់កំលាំងកាយ ប្រាជ្ញាស្មារតី រួមទាំងទ្រពធនដើម្បីតាមស្ម័គ្របម្រើម្ចាស់ម្នាក់នេះ ក្នុងបុព្វហេតុតម្កល់ផលប្រយោជន៍ជាតិជាធំ ហើយក៏អាចឲ្យយើងបម្រើការស្របតាមមនសិការរបស់ខ្លួន។ 👉 ម្ចាស់របៀបនេះយើងស្វែងរកនៅទីណាក៏មិនបានដែរ មានតែសមត្ថភាពនិងគោលជំហរដ៏រឹងមាំរបស់យើងទេដែលអាចបង្កើតម្ចាស់របៀបនេះឲ្យរត់មករកយើងបាន។

✍️ ពាក្យស្លោកនៅក្នុងរឿងប្រវត្តិសាស្ត្រចិន "សាមកុក" មានច្រើន ហើយសុទ្ធតែអត្ថន័យទូន្មានល្អៗសំរាប់យកទៅអនុវត្តក្នុងសង្គមមនុស្សនិងសង្គមការងារ។ ប្រសិនបើបានសិក្សាឲ្យបានយល់ច្បាស់និងលំអិតលើពាក្យស្លោកទូន្មានណាមួយឃ្លា ប្រសើរជាងបានអានសៀវភៅចប់មួយក្បាល ។

✍️ឆាវឆាវ(曹操)ប៉ុនប៉ងសម្លាប់ តុងជ័រ(董卓)មិនបានសម្រេច តើជាបរាជ័យ ឬជាជោគជ័យរបស់ ឆាវឆាវ ?💥👉ជាទូទៅអ្នកធ្លាប់តាមដានរឿងប្រវត្តិសា...
15/04/2021

✍️ឆាវឆាវ(曹操)ប៉ុនប៉ងសម្លាប់ តុងជ័រ(董卓)មិនបានសម្រេច តើជាបរាជ័យ ឬជាជោគជ័យរបស់ ឆាវឆាវ ?💥

👉ជាទូទៅអ្នកធ្លាប់តាមដានរឿងប្រវត្តិសាស្ត្រចិន សាមកុក(三国) ភាគច្រើនលើសលុបតែងយល់ថា វាជាបរាជ័យដ៏ធ្ងន់ធ្ងរណាស់របស់ ឆាវឆាវ ដែលប៉ុនប៉ងធ្វើឃាត តុងជ័រ មិនបានសម្រេច។ តែចំពោះ admin បែរជាយល់ថា វាជាជោគជ័យដ៏ធំសម្បើមរបស់ឆាឆាវ ព្រោះឆាវឆាវបានសម្រេចនូវគោលបំណងពិតប្រាកដរបស់ខ្លួន។
👉បំណងពិតប្រាកដរបស់ឆាវឆាវ ដែលលាក់កំបាំងពីក្រោយការប៉ុនប៉ងសម្លាប់ តុងជ័រ នោះគឺមិនមែនចង់ឲ្យតុងជ័រស្លាប់នោះទេ តែគឺការកសាងកិត្តិនាម ភាពល្បីល្បាញរបស់ខ្លួនឯង ទាក់ទាញកម្លាំងដែលស្អប់ខ្ពើមប្រឆាំង តុងជ័រ ទាំងអស់នោះ ឲ្យមកគាំទ្រខ្លួន ដោយយកការសម្លាប់ តុងជ័រ នេះមកធ្វើជាស្ពានចម្លង(តោងកាលីប)ប៉ុណ្ណោះ។
💥ហេតុផលមួយចំនួនដែលអាចនាំដល់ការសន្និដ្ឋានខាងលើបាន÷
✔ ឆាវឆាវ ទៅខ្ចីកាំបិតទិព្វ"តារា ៧"ពីមហាមន្ត្រី វ៉ាងអ៊ីន(王允) ដើម្បីសម្លាប់តុងជ័រ ដោយអាងលេសថា តុងជ័រ មានពាក់អាវក្រោះការពារខ្លួន គ្មានអាវុធណាអាចចាក់ទម្លុះបានទេ ក្រៅពីកាំបិតទិព្វនេះ។ តែធាតុពិតពេលដែល លីពុ(吕布)សម្លាប់ តុងជ័រ អត់មានត្រូវការប្រើកាំបិតទិព្វ"តារា ៧"ស្អីណានោះទេ ម្យ៉ាងទៀតអាវក្រោះក៏មិនអាចជួយបិទបាំងការពារ តុងជ័រ គ្រប់ចំណុចរហូតរកកន្លែងស្លាប់គ្មាននោះដែរ។ ឆាវឆាវ ខ្ចីកាំបិតលោកមហាមន្ត្រី គឺដោយសារគាត់ជាក្បាលម៉ាស៉ីនដឹកនាំក្រុមមន្ត្រីចាស់ៗគាំទ្ររាជវង្ស មានគំនិតប្រឆាំងនឹង តុងជ័រ។ ការខ្ចីកាំបិតពីគាត់គឺដើម្បីបានការគាំទ្រពីគាត់តែប៉ុណ្ណោះ។

✔ក្នុងពិធីខួបកំណើតរបស់មហាមន្ត្រី វ៉ាងអ៊ីន(王允) ដោយគ្មានការអញ្ជើញផងនោះ ឆាវឆាវ បានទៅចូលរួមដោយចិត្តឯង និងបានប្រកាសក្តែងៗនៅមុខសព្វនាម៉ឺនមន្ត្រីទាំងអស់ដែលមាននិន្នាការប្រឆាំង តុងជ័រ ថាខ្លួននឹងចូលទៅកាត់ក្បាលសម្លាប់ តុងជ័រ ឲ្យបាន។ ត្រង់នេះបង្ហាញច្បាស់ថាបើ ឆាវឆាវ ចង់សម្លាប់ តុងជ័រ ឲ្យស្លាប់មែននោះ មិនអាចនឹងទៅប្រកាសគ្រោងការសម្ងាត់របស់ខ្លួនមុខសព្វអស់នាម៉ឺនមន្ត្រីឲ្យបែកការអស់បែបនេះទេ។ តែអ្វីដែលគេចង់បាននោះគឺ ការបង្ហាញឲ្យពួកនាម៉ឺនមន្ត្រីទាំងនោះដឹងថាខ្លួនគេ ឆាវឆាវ ក៏ជាអ្នកស្អប់ខ្ពើមប្រឆាំងនឹង តុងជ័រ ដែរ។ មិនតែប៉ុណ្ណោះគេជាមនុស្សតែម្នាក់គត់ដែលហ៊ានធ្វើនូវអ្វីដែលពួកមន្ត្រីទាំងអស់នោះ "ចង់ធ្វើ តែមិនហ៊ានធ្វើ"។ ប្រកាសបានត្រឹមប៉ុណ្ណឹង ឆាវឆាវ សម្រេចគោលបំណងខ្លូនឯងបានពាក់កណ្តាលទៅហើយ ព្រោះឆាវឆាវដែលធ្លាប់តែជាមនុស្សវ៉ៃអែបស៉ីអប បានប្រែក្លាយជាក្តីសង្ឃឹមតែមួយគត់ របស់ក្រុមនាម៉ឺនមន្ត្រីដែលចង់សម្លាប់តុងជ័រ ។

✔ពេលត្រូវបាន ឆិនកុង(陈宫) ចាប់ឃុំខ្លួន ឆាវឆាវ បានប្រាប់ទៅ ឆិនកុង ថាខ្លួនគេពិតជាស្តាយក្រោយណាស់ដែលធ្វើអំពើល្ងង់ខ្លៅ លួចចូលទៅធ្វើឃាត តុងជ័រ បែបនេះ ហើយថាខ្លួនគេគួរតែដើរបំផុសបំផុល អូសទាញគ្រប់កម្លាំង គ្រប់ក្រុមដែលមិនពេញចិត្តនឹងតុងជ័រ អោយរួបរួមគ្នាជាធ្លុងមួយធ្វើសង្គ្រាមប្រឆាំងនឹង តុងជ័រ ជាចំហរ នោះទើបជាទង្វើត្រឹមត្រូវដែលគេគួរធ្វើ។ តាមពិតទៅ ឆាវឆាវ គិតឃើញគំនិតនេះតាំងតែដំបូង គឺតាំងពីមុនជួប ឆិនកុង និងតាំងពីមុនគម្រោងលួចសម្លាប់ តុងជ័រ ម៉្លេះ តែដោយហេតុ ឆាវឆាវ គ្រានោះគ្មានកម្លាំងទ័ព គ្មានប្រជាប្រិយភាព និងត្រូវបានគេចាត់ទុកថាជាមន្ត្រីវ៉ៃអែបស៉ីអបរបស់ តុងជ័រ ទៀតនោះ ឆាវឆាវគ្មានសង្ឃឹមអ្វីនឹងទៅអូសទាញកម្លាំងឲ្យមកគាំទ្រខ្លួន និងគ្មានសមត្ថភាពអីនឹងឈរស្មើមុខស្មើមាត់ជាមួយនឹងស្តេចត្រាញ់ផ្សេងៗទៀតនោះទេ គឺមានតែវិធីសាស្ត្រកសាងកិត្តិនាម ឲ្យមានភាពល្បីល្បាញ ក្លាយជាក្តីសង្ឃឹមរបស់មហាជន ទើបអាចទាញយកប្រជាប្រិយភាព ប្រជែងនឹងស្តេចត្រាញ់ដទៃទៀត ស្រូបយកការគាំទ្រពីមហាជន បង្កើតជាកម្លាំងទ័ពរបស់ខ្លួនឯងបាន ដោយការប្រកាសក្តែងៗថាខ្លួននឹងទៅសម្លាប់ តុងជ័រ ស្តាររាជវង្សឲ្យបានឡើងវិញ។

💥សង្គមខ្មែរបច្ចុប្បន្ន មានអ្នកប្រើវិធីសាស្ត្រ "ឆាវឆាវធ្វើឃាត តុងជ័រ "នេះច្រើនណាស់ ដើម្បីតោងកាលីបអ្នកកំពុងល្បីឈ្មោះឲ្យបានល្បីទាន់ហន់តាមគេដែរ។ អ្នកទាំងអស់នោះមានតាំងពីអ្នកនយោបាយ ក្រុមតារាៗ និងអ្នកជំនួញមួយចំនួនជាដើម។ ក្រុមមនុស្សប្រភេទនេះឲ្យតែឃើញបុគ្គលណា ឬរឿងណាកំពុងតែល្បីខ្លាំង គេក៏លើកមកធ្វើជារឹះគន់ ធ្វើជាប្រឆាំង មិនថារឿងនោះវាតូចតាចប៉ុណ្ណា អត់ប្រយោជន៍ប៉ុណ្ណាសម្រាប់សង្គមជាតិនោះទេ អោយតែរឿងនោះល្បីគេនឹងបានតោងកាលីបល្បីភ្លាមៗដែរ។ រីឯបុគ្គលដែលមិនល្បី ឬបញ្ហាដែលមិនល្បី ទោះវាសំខាន់ប៉ុណ្ណាសម្រាប់សង្គមក៏គេមិនខ្វល់ មិនយកមាត់ទៅរឹះគន់ឲ្យខាតពេលវេលាគេដែរ។ បុគ្គលទាំងនោះភាគច្រើនគឺសម្រុករឹះគន់គេយកល្បីខ្លួនឯងសិន ខុសត្រូវចាំ "សុំទោស" តាមក្រោយជាការស្រេច ។💥

✍️ឥរិយាបថមន្ត្រីមួយចំនួន ឆ្លើយតបទៅនឹងការអំពាវនាវ អូសទាញកម្លាំង ពីសំណាក់មេដឹកនាំ នៅក្នុងរឿងប្រវត្តិសាស្ត្រចិន សាមកុក (三国)...
14/04/2021

✍️ឥរិយាបថមន្ត្រីមួយចំនួន ឆ្លើយតបទៅនឹងការអំពាវនាវ អូសទាញកម្លាំង ពីសំណាក់មេដឹកនាំ នៅក្នុងរឿងប្រវត្តិសាស្ត្រចិន សាមកុក (三国)：

💥១. លីវ បុី (刘备) ហ៊ានយកជីវិតទៅប្តូរ ដោយឈរមុខព្រួញឲ្យ ហ័ង ចុង(黄忠)បាញ់ ដើម្បីបញ្ចុះបញ្ចូលមេទ័ព ហ័ង ចុង(黄忠) ឲ្យមកស្ម័គ្របម្រើខ្លួន មិនមែនព្រោះតែ លីវ បុី (刘备) គ្មានមេទ័ពខ្លាំងពូកែដូច ហ័ង ចុង (黄忠)នោះទេ តែព្រោះតែ លីវ បុី (刘备) ចង់ផ្តល់ឱកាសឲ្យអ្នកមានសមត្ថភាព បានបន្តបម្រើជាតិ ជាជាងស្លាប់ដោយគ្មានប្រយោជន៍ ។ ត្រូវចាំថា ហ័ង ចុង(黄忠) ប្រយុទ្ធចាញ់ គួន អុី (关羽) ហើយបើមេទ័ពរបស់លីវ បុី (刘备) ម្នាក់នេះមិនបានទុកជីវិតឲ្យទេ ម៉្លេះហ័ង ចុង(黄忠)គ្មានសូម្បីឱកាសជួបមុខ លីវ បុី (刘备) ម្តងផង។ ហ័ង ចុង(黄忠)ស្ម័គ្រស្លាប់បម្រើលីវ បុី (刘备) ថែមតាំងសោកស្តាយដែលបានជួបម្ចាស់ល្អដូចលីវ បុី (刘备) យឺតពេល ខណៈខ្លួនវ័យចំណាស់ខ្លាំងទៅហើយ។

💥២. គួន អុី(关羽) ទោះត្រូវបានប្រវត្តិសាស្ត្រចារទុកថាជាមេទ័ពដែលមានភក្តីភាព និងស្មោះត្រង់បំផុតចំពោះ លីវ បុី (刘备) តែក៏ធ្លាប់ចុះចូលបម្រើឆាវ ឆាវ (曹操)ក្នុងគ្រាដែលត្រូវកងទ័ពឆាវ ឆាវឡោមព័ទ្ធនៅលើភ្នំដែរ។ ប្រវត្តិសាស្ត្រមិនបានស្តីជេរ គួន អុី(关羽)ត្រង់ចំណុចនេះទេ ថែមទាំងគោរពបូជា គួន អុី(关羽)ដូចព្រះ ព្រោះគេឲ្យតម្លៃលើជម្រើសរក្សាជីវិត បម្រើជាតិ ជាជាងស្លាប់ដោយអត់ប្រយោជន៍។

💥៣. ការរឹងត្អឹង មាត់ទន្ទេញជាប់ថាមិនព្រមចុះចូលតែគ្រាដំបូង គ្រាន់ជាការលើកតម្លៃខ្លួនឯងឲ្យខ្ពស់តែប៉ុណ្ណោះ។ ឆាវ ឆាវ (曹操)ធ្លាប់ឲ្យគេទៅហៅ សុឹ ម៉ាអុី (司马懿)ឲ្យចូលបម្រើការងារក្នុងវាំងចំនួន ២ ដង តែសុឹ ម៉ាអុី (司马懿)គេចខ្លួនមិនព្រមចូល។ សុឹ ម៉ាអុី (司马懿)រងចាំដល់ឆាវ ឆាវ (曹操) ចាញ់សង្គ្រាមលីវ បុី (刘备) និង ស៊ុន ឈាន(孙权)រួច ទើប ខ្លួនបង្ហាញមុខចូលបម្រើឆាវ ឆាវ (曹操) ព្រោះសង្ឃឹមបានបុណ្យសក្តិខ្ពស់។ ឆាវ ឆាវ(曹操) ជាមនុស្សឆ្លាតវៃ មើលដឹងពីមហិច្ចតាដ៏ធំរបស់សុឹ ម៉ាអុី (司马懿) ទើបផ្តាំផ្ញើឲ្យកូនចៅខ្លួនប្រុងប្រយ័ត្ននឹងសុឹ ម៉ាអុី(司马懿)ជាប់ជានិច្ច។
មន្ត្រីដូចជាសុឹ ម៉ាអុី (司马懿) ត្បិតតែចុងបំផុតឈ្នះសង្គ្រាមជូ កឺលៀង(诸葛亮) រហូតឡើងកាន់កាប់អំណាចខ្លួនឯង តែមិនត្រូវបានប្រវត្តិសាស្ត្រវាយតម្លៃខ្ពស់ទេ ។

💥៤. មានមន្ត្រីមួយប្រភេទទៀតស៊ូត្រូវគេកាត់ក្បាលក៏មិនព្រមចុះចូលបម្រើឆាវ ឆាវ (曹操)ដែរ នោះគឺ ឆិន កុង(陈宫) ។ ទង្វើរបស់ឆិន កុង(陈宫)បែបនេះ តើគួរសរសើរលើកតម្កើងថាជាវីរបុរស មានឧត្តមគតិខ្ពស់ដែរទេ? ចំពោះខ្ញុំផ្ទាល់ថាមិនមែនទេ បើឆិន កុង(陈宫)ជាមនុស្សមានឧត្តមគតិខ្ពស់មែននោះ មិនមែនដឹកមុខលី ពុ(吕布) ឲ្យក្បត់លីវ បុី (刘备) និងឆ្លៀតឱកាសលីវ បុី (刘备)កំពុងជាប់ដៃច្បាំងជាមួយយាន ស៊ុ (袁术)នោះ លើកទ័ពវាយដណ្តើមកាន់កាប់ក្រុងសុី ចូវ(徐州)របស់លីវ បុី (刘备) ដែលជាសម្ព័ន្ធមិត្រនិងដែលធ្លាប់ជួយសង្គ្រោះខ្លួននោះទេ ។ ម៉្យាងវិញទៀតទោះបីឆាវ ឆាវ (曹操) មិនត្រូវបានគេវាយតម្លៃជាទូទៅថាជាវីរបុរសស្នេហាជាតិ តែក៏មានសមត្ថភាពជាង ល្អជាង លី ពុ(吕布) ដែលឆិន កុង(陈宫)ស្ម័គ្រតាមបម្រើដែរ ។ ឆិន កុង(陈宫) ស្ម័គ្រស្លាប់ មិនបម្រើឆាវ ឆាវ (曹操)នេះ កើតចេញតែពីចិត្តមានៈ មិនស្គាល់កាលៈទេសៈខ្លួនឯងតែប៉ុណ្ណោះ មិនមែនជាឧត្តមគតិវីរ:បុរសអ្វីណានោះទេ។

-----✍️មេដឹកនាំប្រព្រឹត្តកំហុសមាន ៤ ប្រភេទ✍️-----做错 改错 且认错 - 孙权做错 改错 但不认错 - 曹操做错 认错 但临时改错 - 吕布做错 不改错 也不认错 - 袁绍----------...
09/04/2021

-----✍️មេដឹកនាំប្រព្រឹត្តកំហុសមាន ៤ ប្រភេទ✍️-----
做错 改错 且认错 - 孙权
做错 改错 但不认错 - 曹操
做错 认错 但临时改错 - 吕布
做错 不改错 也不认错 - 袁绍
-------------//--------//---------------
💥១. ធ្វើខុស-កែកំហុស-ទទួលស្គាល់កំហុស៖ មេដឹកនាំប្រភេទនេះទុកថាជាមេដឹកនាំល្អលំដាប់ខ្ពស់ជាងគេ ព្រោះជាមនុស្សមានគុណធម៌ មានភាពក្លាហានហ៊ានទទួលស្គាល់កំហុសខ្លួនមុខកូនចៅ មិនខ្លាចបាក់មុខ សំខាន់បំផុតគឺហ៊ានកែកំហុសមករកត្រូវ កែស្ថានការពីបរាជ័យ មកជោគជ័យវិញ។ ស៊ុន ឈាន(孙权) ពេលបញ្ជាទ័ពអោយទៅធ្វើសង្គ្រាមនឹង លីវ ប៉ី (刘备) ត្រូវបាន លុ ស៉ីន (陆逊)រារាំងនិងរឹះគន់ខ្លាំងមុខមហាជន។ ស៊ុន ឈាន(孙权) ពេលមិនទាន់ច្បាស់ថាយុទ្ធសាស្ត្ររបស់ខ្លួនខុសឫត្រូវ ក៏ឲ្យគេចាប់ លុ ស៉ីន (陆逊)ដាក់គុក ១៣ ថ្ងៃរងចាំមើលលទ្ធផលសមរភូមិជួរមុខសិន។ ក្រោយទទួលដំណឹងបរាជ័យទើប ស៊ុន ឈាន(孙权) ដោះលែង លុ ស៉ីន (陆逊)ចេញពីគុកឲ្យចូលជួបខ្លួន និងថែមទាំងបានទទួលស្គាល់កំហុសខ្លួនដែលមិនស្តាប់តាមសំដីរបស់ លុ ស៉ីន (陆逊)។ ចាប់ពីពេលនោះ ស៊ុន ឈាន(孙权) តែងតាំង លុ ស៉ីន (陆逊) ជាមេទ័ពធំត្រួតលើទ័ពទាំងមូលរបស់នគរអ៊ូ ទោះមានការប្រឆាំងពីក្រុមមន្ត្រីភាគច្រើនក៏ដោយ។ ជាមួយយុទ្ធសាស្ត្រការពាររបស់ លុ ស៉ីន (陆逊) កងទ័ពនិងមន្ត្រីនគរអ៊ូ បានស្នើ ស៊ុន ឈាន(孙权) បន្តបន្ទាប់ឲ្យដកដំណែង លុ ស៉ីន (陆逊) តែ ស៊ុន ឈាន(孙权) មិនធ្វើតាម និងនៅតែជឿជាក់លើការដឹកនាំរបស់ លុ ស៉ីន (陆逊) រហូតដល់ លុ ស៉ីន (陆逊) យកជ័យជំនះលើទ័ពឈ្លានពានរបស់ លីវ ប៉ី (刘备)។

💥២.ធ្វើខុស-កែកំហុស-តែមិនទទួលស្គាល់ថាខុស៖ មេដឹកនាំប្រភេទនេះចាត់ចំណាត់ថ្នាក់ថាលេខ ២។ មេដឹកនាំប្រភេទនេះក៏រាប់ថាជាមេដឹកនាំជោគជ័យមួយរូបដែរ ព្រោះចេះកែពីខុសមកត្រូវ រកវិធីសាស្ត្រយកឈ្នះបញ្ហាបានទាន់ពេល គ្រាន់តែមុខក្រាស់ គ្មានភាពក្លាហានហ៊ានទទួលស្គាល់កំហុសមុខកូនចៅប៉ុណ្ណោះ។ ឆាវ ឆាវ (曹操) ចាញ់បោក លីវ ប៉ី (刘备) ដោយព្រមអោយទ័ព ៥ ម៉ឺននាក់ទៅ លីវ ប៉ី (刘备) ដឹកនាំដើម្បីតាមចាប់ យាន ស៊ុ(袁术) កុំឲ្យទៅចុះចូល យាន សាវ (袁绍)។ ឆាវ ឆាវ (曹操) ដឹងថាខ្លួនចាញ់បោក លីវ ប៉ី (刘备) ក៏បញ្ជាមេទ័ពផ្សេងទៀតដេញតាមហៅ លីវ ប៉ី (刘备) ឲ្យនាំទ័ព ៥ ម៉ឺននាក់នោះមកឲ្យខ្លួនវិញ តែត្រូវ លីវ ប៉ី (刘备) បដិសេធមិនធ្វើតាម។ ឆាវ ឆាវ (曹操) ទោះដឹងថាខ្លួនបានសម្រេចចិត្តខុស តែនៅមុខមន្ត្រីខ្លួនមិនត្រឹមតែមិនទទួលស្គាល់ថាខ្លួនខុស ថែមទាំងនិយាយកែស្ថានការថាការប្រើ លីវ ប៉ី (刘备) នេះគឺជារឿងត្រឹមត្រូវ។

💥៣.ធ្វើខុស-ទទួលស្គាល់ថាខុស-តែកែកំហុសមួយពេលខ្លី៖ មេដឹកនាំប្រភេទនេះភាគច្រើនឃើញក្តារមឈូសទើបស្រក់ទឹកភ្នែក។ ពេលមិនទាន់មានបញ្ហាមិនខ្ចីស្តាប់យោបល់ថ្នាក់ក្រោម ដឹកនាំដោយការសម្រេចចិត្តតែខ្លួនឯង ពេលបញ្ហាធ្ងន់ធ្ងរមកដល់ទើបរត់រកថ្នាក់ក្រោម បន្ទាបខ្លួនអោនលំទោន ទទួលស្គាល់កំហុសមុខកូនចៅ តែនៅពេលដែលបញ្ហាដោះស្រាយរួច ក៏ចាប់ផ្តើមតម្លើងឫក ស្តាប់លែងចូលយោបល់ណែនាំរបស់ថ្នាក់ក្រោមដូចពាក្យថា “ដំបៅជា ក៏ភ្លេចការឈឺចាប់: 好了伤 忘了疼”។ លី ពុ (吕布) ជាមេដឹកនាំប្រភេទទី ៣ នេះ ដែលតែងតែអោនលំទោនសំទោស កុង ថាយ (公台) ពេលខ្លួនប្រព្រឹត្តកំហុស និងពេលអាសន្នមកដល់ តែពេលបញ្ហាត្រូវបានដោះស្រាយរួចក៏ផ្តើមលែងស្តាប់យោបល់របស់ កុង ថាយ (公台) ដឹកនាំដោយអន្តនោម័តិតែម្នាក់ឯង។ មេដឹកនាំប្រភេទនេះជោគជ័យតែមួយពេលៗ មិនយូរមិនឆាប់ក៏គង់បរាជ័យ វិនាសសាបសូន្យបាត់។

💥៤.ធ្វើខុស-មិនទទួលថាខុស-ក៏មិនព្រមកែកំហុស៖ មេដឹកនាំប្រភេទនេះជាមនុស្សចោម្សៀតផុតលេខ និងជាមនុស្សគ្រោះថ្នាក់បំផុតដែលនឹងដឹកនាំអ្នកក្រោមឱវាទអោយខុស ហើយបន្តខុសរហូតទាល់តែស្ថាប័នខ្លួន កូនចៅខ្លួនវិនាសហិនហោច។ ដើម្បីបិទបាំងកំហុសរបស់ខ្លួន អ្នកដឹកនាំប្រភេទនេះតែងតែប្រព្រឹត្តកំហុសថ្មីផ្សេងទៀត យកមកលាក់បាំងកំហុសចាស់ ដែលធ្វើឲ្យខុសកាន់តែខុស រហូតទាល់តែធ្លាក់ពីតំណែង ឫត្រូវស្លាប់បាត់បង់ជីវិតទើបដឹងខ្លួន។ មេដឹកនាំប្រភេទនេះភាគច្រើនសំបូរហែរហមទៅដោយមន្ត្រីអែបអប ពុករលួយ ថោកទាប ព្រោះមានតែមន្ត្រីតែតែស្ករស្ករបែបនេះទេទើបអាចនៅជាមួយមេដឹកនាំអគតិបែបនេះបាន។ ពេលដែល យាន សាវ (袁绍)លើកទ័ពឈ្លានពាន ឆាវ ឆាវ (曹操) មន្ត្រីស្មោះត្រង់ម្នាក់ឈ្មោះ ធាន ហ្វឹង(田丰) បានផ្សងគ្រោះថ្នាក់ និយាយការពិត រារាំងម្ចាស់របស់ខ្លួន ប៉ុន្តែ យាន សាវ (袁绍) មិនព្រមស្តាប់តាម ថែមទាំងដាក់ទោស ធាន ហ្វឹង(田丰) ម្តងហើយម្តងទៀត រហូតឲ្យគេចាប់ ធាន ហ្វឹង(田丰) ដាក់គុក។ ក្រោយពេលធ្វើសឹកចាញ់ទ័ពរបស់ ឆាវ ឆាវ (曹操)យ៉ាងធ្ងន់ធ្ងរ ទើប យាន សាវ (袁绍) ដឹងថាសម្តីដាស់តឿនរបស់ ធាន ហ្វឹង(田丰) ត្រឹមត្រូវ ប៉ុន្តែ យាន សាវ (袁绍) មិនព្រមទទួលស្គាល់កំហុសខ្លួន ថែមទាំងបង្កើតកំហុសថ្មីបន្ថែមទៀតដោយអោយគេកាត់ទោសប្រហារជីវិត ធាន ហ្វឹង(田丰) ដែលជាប់ឃុំនៅក្នុងគុក ព្រោះខ្លាច ធាន ហ្វឹង(田丰) សើចចំអកពេលឃើញបរាជ័យរបស់ខ្លួន។ ការវិនាសរបស់ យាន សាវ (袁绍) ក៏ដោយសារស្តាប់តាមសម្តីញុះញង់អុចអាចរបស់មន្ត្រីពុករលួយថោកទាប ស៉ី យ៉ូវ (许攸) ដែលក្រោយមកបានក្បត់នឹងម្ចាស់របស់ខ្លួន រត់ទៅចុះចូលជាមួយ ឆាវ ឆាវ (曹操) ប្រាប់រាល់ការសម្ងាត់កងទ័ពរបស់ យាន សាវ (袁绍) ទើប ឆាវ ឆាវ (曹操) អាចវាយបំបែករាជធានីរបស់ យាន សាវ (袁绍) បាន។

✍️ ចំពោះករណីដូចគ្នា មេដឹកនាំចោម្សៀតប្រភេទទី ៤ ដូចជា យាន សាវ (袁绍) បានដឹកនាំស្រុកទេសដែនដីខ្លួនកាន់កាប់ ដែលកំពុងតែសុខសាន្ត រីកចម្រើនអោយធ្លាក់ក្នុងភ្លើងសង្គ្រាម ឈ្លានពានគេ រហូតវិនាសសាបសូន្យខ្លួនឯង។ រីឯមេដឹកនាំប្រភេទទី ១ ដូចជា ស៊ុន ឈាន(孙权) បានធ្វើឲ្យនគរខ្លួនជោគជ័យ ឈ្នះសង្គ្រាមឈ្លានពានរបស់ លីវ ប៉ី (刘备)។ 💥

ที่อยู่

214
Muang Surin
32000

เวลาทำการ

จันทร์ 09:00 - 17:00
อังคาร 09:00 - 17:00
พุธ 09:00 - 17:00
พฤหัสบดี 09:00 - 17:00
ศุกร์ 09:00 - 17:00
เสาร์ 09:00 - 17:00
อาทิตย์ 09:00 - 17:00

เว็บไซต์

แจ้งเตือน

รับทราบข่าวสารและโปรโมชั่นของ សាមកុក－三国ผ่านทางอีเมล์ของคุณ เราจะเก็บข้อมูลของคุณเป็นความลับ คุณสามารถกดยกเลิกการติดตามได้ตลอดเวลา

ทางลัด

แชร์

ประเภท