Newsmedia, Nakhon Pathom (2026)

25/08/2023

19/04/2017

គន្លឹះរួមភេទ ដើម្បីកុំឲ្យឆ្លងជំងឺរលាកថ្លើមប្រភេទ C

រលាកថ្លើម អាចឆ្លងតាមការរួមភេទបាន។ ៧៥ ទៅ៨៥ភាគរយនៃអ្នកកើតជំងឺរលាកថ្លើមប្រភេទ C នឹងមានផលវិបាកធ្ងន់ធ្ងរដល់សុខភាពថ្លើមដូចជា ជំងឺក្រិនថ្លើម និងមហារីក។

ដូច្នេះបើសិនជាអ្នកមិនចង់ឲ្យថ្លើមទៅជាមានផលវិបាកទាំងនេះទេ ចូរធ្វើយ៉ាងណាមានទម្លាប់រួមភេទប្រកបដោយសុវត្ថិភាពដូចខាងក្រោមនេះ៖

ប្រើស្រោមអនាម័យជានិច្ច
ចូរធ្វើទៅតាមវិធីបង្ការជំងឺរលាកថ្លើមប្រភេទ C ឲ្យដូចគ្នានឹងជំងឺអេដស៍ទៅ។ មានន័យថា អ្នកត្រូវតែប្រើស្រោមអនាម័យក្នុងពេលរួមភេទជានិច្ច។ អ្វីដែលសំខាន់ចូរជ្រើសរើសស្រោមអនាម័យដែលមានគុណភាព ដើម្បីចៀសផុតពីការរហែកពេលប្រើ។

ត្រូវស្គាល់ដៃគូរួមភេទឲ្យច្បាស់
មុនពេលឈានជើងដល់ការរួមភេទជាមួយនរណាម្នាក់ ចូរស្វែងយល់អំពីប្រវត្តផ្លូវភេទរបស់គេសិន។ វាពិតជាគ្មានអ្វីធ្ងន់ធ្ងរទេក្នុងការពិនិត្យសុខភាពមុន។ ទោះបីជាអ្នកជាមនុស្សមានស្នេហាស្មោះមួយនឹងមួយក៏ដោយ ក៏នៅតែប្រឈមនឹងជំងឺរលាកថ្លើមប្រភេទនេះដែរ គ្រាន់តែវាមានចំនួនតិចតួច។

ថើបថ្នមៗ
ថ្វីបើជំងឺរលាកថ្លើមប្រភេទ C ឆ្លងខ្លាំងតាមរយៈការប៉ះពាល់ឈាម និងទឹកសរីរាង្គក្នុងពេលរួមភេទក៏ដោយ តែពេលខ្លះវាក៏អាចឆ្លងតាមរយៈការថើបបានដែរ។ ការថើបខ្លាំងៗពេកអាចបណ្តាលឲ្យដាច់ដោចស្បែករហូតដល់ហូរឈាម ដូច្នេះវានឹងអាចមានឱកាសឆ្លងជំងឺ។

ចៀសវាងការរួមភេទតាមរន្ធគូថ
សាច់ដុំនៅទ្វារមាសមានលក្ខណៈយឺតដែលអាចផ្តល់ភាពងាយស្រួលក្នុងការស៊ូកបញ្ចូលលិង្គ ខណៈពេលដែលសាច់ដុំនៅរន្ធគូថជាប្រភេទសាច់ដុំខ្ជឹបដូច្នេះវាពិតជាមិនងាយអនុញ្ញាតិឲ្យរបស់អ្វីចូលឡើយ។ ក្នុងពេលរួមភេទតាមរន្ធគូថ បុរសត្រូវការប្រើសម្ពាធកាន់តែខ្លាំងក្នុងការស៊ូកបញ្ចូលរន្ធគូថ ដែលវាអាចបណ្តាលឲ្យមានការរហែក និងរបួសបាន៕

Source: rasmeinews

25/03/2017

ព្រាយក្រឡាភ្លើងជាជំងឺបែបអបិយជំនឿឬ?

ជំងឺព្រាយក្រឡាភ្លើង ជាជំងឺកើតឡើងដោយសារកម្រិតជាតិវីតាមីននៅក្នុងទឹកនោមស្ត្រីមានផ្ទៃពោះច្រើនហួស រួមទាំងសម្ពាធឈាមឡើងខ្ពស់ ។ វាកើតឡើងក្រោយស្ត្រីមានផ្ទៃពោះបាន ២០សប្តាហ៍ ដែលធ្លាប់មានសម្ពាធឈាមធម្មតា។ កំណើនឡើងនៃសម្ពាធឈាមតិចបំផុតអាចជាអាការនៃជំងឺព្រាយក្រឡាភ្លើងដែលអាចក្លាយជាបញ្ហាធ្ងន់ចំពោះអ្នក និងទារករបស់អ្នក ។

ពាក្យព្រាយក្រឡាភ្លើងនេះមិនមានលក្ខណៈវិទ្យាសាស្ដ្រទេ ។ ពាក្យនេះអាចធ្វើឱ្យលោកអ្នកមួយចំនួនគិតដល់រឿងអបិយជំនឿ ប៉ុន្ដែដោយសារក្រុមអ្នកវិទ្យាសាស្ត្រខ្មែរយើងមិនទាន់រកពាក្យអ្វីមួយជំនួស ដើម្បីឱ្យប្រជាពលរដ្ឋងាយយល់ក៏នៅតែបន្ដប្រើពាក្យនេះដដែល ។

ព្រាយក្រឡាភ្លើង គឺជាជំងឺមួយដែលឧស្សាហ៍ជួបប្រទះ ជាពិសេសនៅប្រទេសកំពុងអភិវឌ្ឍន៍ ដូចជាប្រទេសកម្ពុជាយើងជាដើម ។ សឹងតែទាំងអស់របស់ជំងឺនេះ គឺជាផលវិបាករបស់ជំងឺលើសឈាម និងជំងឺទឹកនោមប្រៃពេលមានផ្ទៃពោះ ។ មូលហេតុចម្បងដែលបង្កឱ្យកើតជំងឺឡើងឈាម និងទឹកនោមប្រៃនោះ គឺមកពីវិបត្ដិនៃការលូតលាស់របស់សុក ។

ចំពោះអាការនៃជំងឺព្រាយក្រឡាភ្លើងមានដូចជា៖ សម្ពាធឈាមឡើងខ្ពស់, ប្រូតេអុីនច្រើនក្នុងទឹកនោម, ឈឺក្បាលធ្ងន់, មើលមិនឃើញស្រវាំងភ្នែក ឬងាយនឹងចាញ់ពន្លឺ, ឈឺចាប់ក្នុងពោះ ក្បែរឆ្អឹងជំនីរខាងស្តាំ, នោមទាស់, វិលមុខ, ចង់ក្អួត ឬក្អួតចង្អោរ, ឡើងទម្ងន់០,៩គីឡូក្នុង១សប្តាហ៍ ។ មានតែការពិនិត្យផ្ទៃពោះការវាស់កម្រិតជាតិស្ករ ឬជាតិប្រៃក្នុងទឹកនោមនៅពេលពពោះ ព្រមជាមួយនឹងការសម្រាលកូននៅមន្ទីរពេទ្យទេទើបធានាសុវត្ថិភាពសម្រាប់ការការពារជំងឺព្រាយក្រទ្បាភ្លើង និងជំងឺផ្សេងទៀតដែលអាចកើតមាននៅពេលសម្រាលបាន ៕

Source: kohsantepheapdaily

04/01/2017

តើមានអ្វីនឹងកើតឡើងចំពោះរាងកាយនៅគ្រាដែលអ្នកផ្អាកបរិភោគស្ករ?

អ្នកជំនាញខាងអាហារូបត្ថម្ភ អាមេរិក បណ្ឌិត តាម៉ារ៉ា ដាក់គ័រ ហ្វ្រឺម៉េន (Tamara Duker Freuman) បាន ឱ្យដឹងថា គ្រាដែលយើងបោះបង់ចោល ស្ករពីរបបហូបចុករបស់ខ្លួន ភ្លាមៗនោះ យើងនឹងឃើញបន្លាស់ប្តូរ មួយចំនួននៃរាងកាយ ។

អ្នកស្រីបណ្ឌិតបានឱ្យដឹងថា ក្នុងអំឡុងពេលប៉ុន្មានម៉ោង ក្រោយ ពេលអ្នកផ្អាកបរិភោគស្ករ ភេសជ្ជៈមាន ផ្ទុកស្ករ ដូចជាទឹកសូដា ដុំស្ករគ្រាប់... បរិមាណអ័រម៉ូនក្នុងរាងកាយរបស់អ្នក នឹងប្រែប្រួល ។ កម្រិតអាំងសូលីន អ័រម៉ូន សម្រួលជាតិស្ករ និងស្កុកទុក គ្លុយកូស លើសក្នុងឈាម ចាប់ផ្តើមថយ ចុះ ។

អាំងសូលីន ជាអ័រម៉ូនជំនួយ ក្នុងការបង្កើតទម្ងន់រាងកាយ ឬ ស្តុកទុក ខ្លាញ់ ។ ហេតុនេះវាពិតជាពិបាក ណាស់ សម្រាប់អ្នកសម្រកអាំងសូលីនចរាចរ ច្រើនក្នុងឈាម ។ ទោះយ៉ាងណា គ្រាអ្នកផ្អាកស្រូបយក ស្ករគ្រប់ប្រភេទ វានឹង ធ្វើឱ្យរាងកាយរបស់អ្នកងាយ “ដោះ ស្រាយ” បរិមាញខ្លាញ់ក្នុងស្តុកដោយ បំប្លែងវាឱ្យក្លាយជាថាមពល ។

ប៉ុន្មានថ្ងៃ ឬ ប៉ុន្មានសប្តាហ៍ ក្រោយបរិមាណខ្លាញ់ក្នុងរាងកាយ របស់អ្នកក៏ថយចុះ ពិសេសប្រភេទ ខ្លាញ់ហៅថា ទ្រីគ្លីសេរិត (Triglyceride) ក្នុងឈាម ។ ទ្រីគ្លីសេរិត មានឥទ្ធិពល ដ៏សំខាន់ ព្រោះបរិមាណវាក្នុងឈាម ខ្ពស់ ធ្វើឱ្យសរសៃឈាមរឹង ដែលជា មូលហេតុចម្បងនាំឱ្យមានជំងឺបេះដូង ។

ទន្ទឹមនោះ ពេលខ្លះរាងកាយ អ្នកក៏រងទទួលការធ្លាក់ចុះនៃបរិមាណ កូឡេស្តេរ៉ូល ឬ ហៅថា កូឡេស្តេរ៉ូល អាក្រក់ ។

ការប្រែប្រួលសំខាន់មួយទៀត ដែលអ្នកនឹងបានដឹងនោះគឺការ ប្រែប្រួលនៃរសជាតិអាហារ។ ពេល នោះ ចំណីអាហារដែលធ្លាប់ថា ផ្អែមល្មមនឹងធ្វើឱ្យអ្នកមានអារម្មណ៍ផ្អែម ខ្លាំងពិបាកទ្រាំពោលគឺ ចំណូលចិត្ត របស់អ្នកនឹងទៅរកអាហារដែលមានស្ករតិចតួចជាងមុន ។

ព្រមជាមួយការប្តូររសជាតិ អាហារ ជាហេតុនាំឱ្យអ្នកងាយទទួល យកនូវរបបហូបចុកមានស្ករតិច ហើយ ឈានទៅបោះបង់ស្ករបានយ៉ាងងាយ ព្រោះថាជាតិផ្អែមពុំជាចំណូលចិត្តរបស់អ្នកទៀត ៕ ប្រែសម្រួលៈ រតនៈ

Source: rasmeinews

27/12/2016

វិធីទទួលទានខ្ទឹមសដើម្បីព្យាបាលជំងឺលើសឈាម
ខ្ទឹមស ពុំត្រឹមតែជាគ្រឿងទេស មួយមុខប៉ុណ្ណោះទេ តែវានៅមានលក្ខណៈពិសេសព្យាបាល ជំងឺជាច្រើន ទៀត។

មើមខ្ទឹមស្រស់អាចជួយយើង ប្រឆាំងបាក់តេរី និងវីរុស ព្រោះវាជួយ បង្ការ និងព្យាបាលជំងឺផ្តាសាយ និង គ្រុនរងាធម្មតា កម្ចាត់បាក់តេរី ផ្សិត និង អតិសុខុមប្រាណ បង្កការស៊ាំថ្នាំក្នុងសរីរាង្គ។ ក្រៅពីនេះខ្ទឹមសនូវផ្ទុកវីតាមីន C ម៉ាញ៉េស្យូម, កាល់ស្យូម, ប៉ូតាស្យូម, ម៉ង់ហ្គាណែស និង Flavonoids មានប្រយោជន៍បំផុតសម្រាប់សុខភាពមនុស្ស។

ការស្រាវជ្រាវជាច្រើនថ្មីៗនេះ បានអះអាងពីការទទួលទានខ្ទឹមសរាល់ថ្ងៃអាចជួយទប់ស្កាត់ សម្ពាធឈាមខ្ពស់។ ខ្ទឹមស មានផ្ទុកសារជាតិចម្រុះមួយពី ស្ពាន់ធ័រ គឺ allicin, មានឥទ្ធិពលសកម្ម ក្នុងការការពារ, ទប់ស្កាត់ និងប្រឆាំង តបនឹងជំងឺរបស់ប្រព័ន្ធសរសៃឈាម បេះដូងដូចជាក្រិន និងសរសៃឈាម និងលើសឈាម ។ Allicin នៅក្នុងខ្ទឹម ប្រតិកម្មជាមួយកោសិកាឈាមក្រហម បង្កើតជាសារជាតិចម្រុះសម្បូរស្ពាន់-ធ័រ។ សារជាតិចម្រុះទាំងនេះ ធ្វើឱ្យថយចុះសម្ពាធរបស់គែម សរសៃឈាម ជួយ ឱ្យចរាចរណ៍ឈាមលឿនជាង និងធ្វើ ឱ្យសម្ពាធឈាមមិនកើតឡើង និងអាច ថយចុះកម្រិតធម្មតា។ ក្រៅពីនេះ វា ក៏ធ្វើឱ្យកើនការផលិតអុកស៊ីតនីទ្រិក, មានតួនាទីសំខាន់ ក្នុងការដឹកជញ្ជូន អុកស៊ីហ្សែនក្នុងឈាម។ ដោយសារសមាធាតុរបស់ខ្ទឹមសមានផ្ទុកសារជាតិ ប្រឆាំងអុកស៊ីតកម្ម ហេតុនេះវាមាន ប្រសិទ្ធភាពធ្វើឱ្យស្អាតឈាម, បន្ថយ កូឡេស្តេរ៉ូលអាក្រក់, ទប់ស្កាត់ការកកើត ផ្ទ៉ាំងច្បាម ល៉ើគែមសរសៃឈាម, បន្ថយអតិបរមាគ្រោះថ្នាក់កកើតដុំ កំណកឈាម និងជំងឺអំពីប្រព័ន្ធសរសៃ ឈាមបេះដូង ធ្វើឱ្យសម្ពាធឈាមបាន ធម្មតាជានិច្ច។

អ្នកត្រូវចាប់អារម្មណ៍ថា ពេល ហាន់ខ្ទឹម, ដំបំបែក ឬកិនខ្ទឹមនោះ ត្រូវ ទុកប្រមាណ១០នាទី មុនពេលប្រើប្រាស់ ដើម្បីឱ្យស្ពាន់ធ័រនៅក្នុងមើមខ្ទឹមប្រតិកម្មជាមួយអុកស៊ីហ្សែន បង្កើតជាសារជាតិ ចម្រុះ allicin មានប្រសិទ្ធភាពធ្វើឱ្យថយ ចុះសម្ពាធឈាម និងព្យាបាលជំងឺមួយ ចំនួនផ្សេងទៀត។ ខ្ទឹមមួយកំពឹសជា មធ្យមទម្ងន់ ៣មិល្លីក្រាម , អ្នកអាចទទួលទានជាប្រចាំថ្ងៃ និងទទួលទានប្រមាណ ៥ មិល្លីក្រាម allicin ក្នុងមួយថ្ងៃ។ នោះជាបរិមាណមួយគ្រប់គ្រាន់អាចជួយអ្នកទប់ស្កាត់ជំងឺផ្សេងៗ និងស្ថិរភាព សម្ពាធឈាម ៕ប្រែសម្រួល: រតនៈ

Source: rasmeinews

25/12/2016

អ្នកកើតជំងឺតម្រងនោមគួរតមអាហារអ្វីខ្លះ?

ដោយ ៖រតនៈ ថ្ងៃទី 24 ធ្នូ 2016 ម៉ោង 02:09:PM
ប្រសិនអ្នកកើតក្រួសតម្រង នោម,ខ្សោយតម្រងនោម ឬមានបញ្ហា អំពីតម្រងនោមចូរចៀសឱ្យឆ្ងាយពី អាហារទាំងឡាយខាងក្រោមនេះ ។

១. សាច់ក្រហម
អាហារមានបរិមាណប្រូតេអ៊ីន ពីសត្វដូចជាសាច់ក្រហមងាយធ្វើឱ្យ តម្រងនោមត្រូវរបួស ។ ជាក់ស្តែង បង្ហាញថា ប្រសិនបរិភោគប្រូតេអ៊ីន ច្រើនពេកនឹងបង្កជាបញ្ហាលើតម្រង នោម ឬអាចធ្វើឱ្យជំងឺតម្រងនោមប្រែជា ធ្ងន់ធ្ងរ ។ ការស្រាវជ្រាវមួយត្រូវបាន ប្រកាសនៅឆ្នាំ២០១៦ បានឱ្យដឹងថា បរិមាណសាច់ក្រហមជាមូលហេតុធ្វើឱ្យ កើនហានិភ័យខ្សោយតម្រងនោម ។

២. ភេសជ្ជៈមានអាល់កុល
ចំពោះការទទួលទានស្រា ប្រសិនតិចតួចនោះ ក៏ពុំមានបញ្ហាអ្វីគួរ ឱ្យបារម្ភ ។ ប៉ុន្តែប្រសិនទទួលទាន ច្រើន ពេកនឹងធ្វើឱ្យជំងឺតម្រងនោមធ្ងន់ធ្ងរជាង ។ តាមអ្នកជំនាញការ កម្រិតអាល់កុលក្នុងសរីរាង្គខ្ពស់ ជះឥទ្ធិពលខ្លាំង ដល់មុខងារតម្រងនោម និងធ្វើឱ្យថយ ចុះលទ្ធភាពច្រោះជាតិអាល់កុលចេញ ពីឈាម ។ បន្ថែមលើនោះ ស្រាធ្វើឱ្យ សរីរាង្គត្រូវបាត់បង់ទឹកដែលមាន ឥទ្ធិពលដល់មុខងាររបស់កោសិកាផ្នែក ផ្សេងៗក្នុងសរីរាង្គក្នុងនោះមានតម្រងនោម ។

៣. អំបិល
សរីរាង្គត្រូវការអំបិលបន្តិច ដើម្បីតុល្យភាពបរិមាណទឹកឱ្យសមស្រប ។ ប៉ុន្តែប្រសិនសរីរាង្គលើស សូដ្យូមនឹងបង្កអន្តរាយឱ្យតម្រងនោម ។ បរិមាណអំបិលខ្ពស់នៅបង្កើនបរិមាណ
ប្រូតេអ៊ីនត្រូវបញ្ចោញក្នុងទឹកនោមដូច្នេះ ងាយកើតជំងឺខ្សោយតម្រងនោម ។

៤. កាហ្វេអ៊ីន
ការទទួលទានកាហ្វេអ៊ីនក្នុង រយៈពេលវែងធ្វើឱ្យជំងឺខ្សោយតម្រង នោមកាន់តែធ្ងន់ធ្ងរ ហើយក៏បង្កើន ហានិភ័យកើតជំងឺទឹកនោមផ្អែម ។ វាជា សារជាតិរំញោចហេតុនេះកាហ្វេអ៊ីនអាចធ្វើឱ្យដំណើរការ ចរាចរឈាម ប្រព្រឹត្តទៅលឿន, កើនសម្ពាធឈាម និងធ្វើឱ្យទ្រុឌទ្រោមមុខងាររបស់តម្រង នោម ។

៥. ផលិតផលផ្ទុកជាតិផ្អែម សិប្បនិម្មិត
ការស្រាវជ្រាវជាច្រើនបង្ហាញ ថា ភេសជ្ជៈផ្ទុកជាតិផ្អែមសិប្បនិម្មិតងាយធ្វើឱ្យថមថយមុខងារ តម្រងនោម។ ស្ត្រីដែលប្រើស្ករសិប្បនិម្មិតច្រើនជាង ២ ដង ក្នុង១ថ្ងៃ នឹងកើនហានិភ័យខ្សោយ តម្រងនោមឡើងទ្វេដង ។

៦. ផលិតផលពីទឹកដោះ
បណ្តាផលិតផលពីទឹកដោះក៏ ធ្វើឱ្យកើនការបញ្ចោញកាល់ស្យូមក្នុងទឹក នោមនាំដល់ហានិភ័យកើតក្រួសតម្រង នោមកាន់តែខ្ពស់ ផងដែរ ។

៧. ជក់បារី

យើងដឹងថា ការជក់បារីមាន ឥទ្ធិពលអាក្រក់ដល់សួត,ប្រព័ន្ធសរសៃ ឈាមបេះដូង ។ ពុំត្រឹមតែប៉ុណ្ណឹងទេ បារីនៅមានឥទ្ធិពលដល់តម្រងនោម ។ មូលហេតុ គឺដោយសារក្នុងផ្សែងបារី មានផ្ទុកជាតិពុលច្រើន ។ ការស្រាវ ជ្រាវមួយថ្មីៗនេះបង្ហាញថា ការជក់បារីធ្វើឱ្យមុខងារ តម្រងនោមថមថយយ៉ាងលឿន ៕ ប្រែសម្រួលៈ រតនៈ

Source: rasmeinews

21/12/2016

ស្វាយក៏អាចទប់ស្កាត់ការរីកចម្រើននៃកោសិកាមហារីកមួយចំនួនដែរ

ដោយ ៖រតនៈ ថ្ងៃទី 21 ធ្នូ 2016 ម៉ោង 07:24:AM
ការស្រាវជ្រាវមួយថ្មីនេះបង្ហាញថាការបរិភោគស្វាយអាចទប់ស្កាត់បាននូវការរីកចម្រើនរបស់កោសិកាមហា រីកសុដន់ និងមហារីកពោះវៀន ។

ពួកអ្នកស្រាវជ្រាវនៅវិទ្យាស្ថានស្រាវជ្រាវជីវិតកសិកម្មតិចសាសនៅអាមេរិកបានរកឃើញថា ថ្វីដ្បិតផ្ទុក បរិមាណសារជាតិប្រឆាំងអុកស៊ីតកម្មទាបប្រៀបនឹងផ្លែឈើផ្សេងៗមួយចំនួន តែលទ្ធភាពសកម្មភាពប្រឆាំង មហារីកសុដន់របស់ស្វាយមានប្រសិទ្ធភាពបំផុត ។

បណ្ឌិតសូសានណេ តាល់កូត (Susanne Talcott) នាយកវិទ្យាស្ថានខាងលើបានឲ្យដឹងថា សារជាតិ ប៉ូលីហ្វេណុល (Polyphenol) ត្រូវបានរកឃើញក្នុងស្វាយមានលក្ខណៈពិសេសប្រឆាំងមហារីកដ៏អស្ចារ្យ ។

សារជាតិនេះរួមចំណែកធ្វើឲ្យថយចុះភាពតានតឹងអុកស៊ីតកម្មភ្នាក់ងារនាំដល់ការចាប់ផ្ដើមរបស់ជំងឺរ៉ាំរៃដូច ជាមហារីក ។ ទន្ទឹមនោះប៉ូលីហ្វេណុលនៅត្រូវបានបញ្ជាក់ថា មានប្រសិទ្ធភាពប្រឆាំងរលាកយ៉ាងល្អ ។

មហារីកសុដន់ជាមូលហេតុមួយក្នុងចំណោមមូលហេតុបង្កការស្លាប់ជួរមុខចំពោះស្ត្រី ហើយរបបទទួលទាន ត្រូវបានបញ្ជាក់ថា មានតួនាទីបង្ការ ឬការពារប្រឆាំងទប់ទល់មហារីកមួយចំនួន ។

លោកបណ្ឌិតបានប៉ាន់ស្មានថាមានប្រមាណ៣០ភាគរយនៃជំងឺមហារីកអាចត្រូវបានទប់ស្កាត់ ដោយរបៀប របបរស់នៅ និងទទួលទានត្រឹមត្រូវ ។

ពួកអ្នកស្រាវជ្រាវបានត្រួតពិនិត្យសារជាតិប៉ូលីហ្វេណុលត្រូវបានចម្រាញ់ពីស្វាយនៅលើមហារីកពោះវៀន សុដន់ សួត ឈាមស និងក្រពេញប្រូស្តាត ។

ក្នុងពេលសារជាតិនេះមានឥទ្ធិពលតូចលើជំងឺមហារីកសួត ឈាមស និងក្រពេញប្រូស្តាត តែវាបែរជាមានប្រសិទ្ធភាពខ្ពស់បំផុតលើមហារីកសុដន់ និងពោះវៀន ។

ក្រៅពីនេះស្វាយក៏ផ្ទុកសារជាតិប៉ិចទិន (Pectin) ដែលជាសារជាតិមួយមានក្នុងរបបហូបតមជួយទប់ស្កាត់ ការកកើតប្រូតេអ៊ីន ហើយជាសារជាតិដើរតួនាទីក្នុងដំណាក់កាលរីកចម្រើនមហារីក ៕ ប្រែសម្រួល: រតនៈ

Source: rasmeinews

20/12/2016

ពោតជា ''អាហារមាស'' ប្រឆាំងមហារីក

ដោយ ៖រតនៈ ថ្ងៃទី 20 ធ្នូ 2016 ម៉ោង 07:26:AM
ការស្រាវជ្រាវមួយរបស់សមាគមជីវជាតិអាល្លឺម៉ង់បានបង្ហាញថាក្នុងចំណោមអាហារសំខាន់ៗទាំងអស់ពោត មានតម្លៃជីវជាតិ និងប្រសិទ្ធភាពសកម្មខ្ពស់បំផុត ពិសេស គឺប្រភពវីតាមីននៅក្នុងពោតស្មើ ៥ ទៅ ១០ ដងនៃ អង្ករ និងស្រូវសាឡី។

អាស្រ័យហេតុនេះ វាគឺជាប្រភេទអាហារដែលគេជឿថា គឺអាចមានប្រសិទ្ធភាពនៅក្នុងការទប់ស្កាត់ជំងឺបេះដូង និងមហារីក ។ ពោតសម្បូរជាតិសរសៃ, និងសែលុយឡូស, កាស់ស្យូម, Selen, វីតាមីនE និងអាស៊ីតខ្លាញ់ ដែលសារធាតុទាំងនេះវាពុំត្រឹមតែអាចរំញោចទឹករំអិលពោះវៀន, ទប់ស្កាត់ការទល់លាមកប៉ុណ្ណោះទេ តែវានៅ ជំរុញដំណើរការបំប្លែងកូឡេស្តេរ៉ូល, និងរុញល្បឿននៃការកម្ចាត់ជាតិពុលក្នុងពោះវៀន ។ ក្រៅពីនេះ អាស៊ីត ខ្លាញ់មិនឆ្អែតក្នុងពោតល្អសម្រាប់ឈាម, ទប់ស្កាត់ក្រឹននិងរឹងសរសៃ ។ តាមលទ្ធផលនៃការស្រាវជ្រាវទៅលើ ក្រុមស្ត្រីអាហ្វ្រិកដែលធ្វើការក្នុងកសិដ្ឋាន និងប្រើប្រាស់ពោតជាអាហារសំខាន់មានហានិភ័យមហារីកពោះ វៀនយ៉ាងទាប ។ រឿងនោះ បង្ហាញថាពោតមានប្រសិទ្ធភាពប្រឆាំងមហារីក ។ ក្រៅពីនេះ ពោតមានផ្ទុក បរិមាណការូតែន (Carotene) ខ្ពស់ស្មើ ៥ដងប្រៀបនឹងសណ្ដែកសៀងជាសារជាតិមួយជួយរារាំងមហារីក ៕ ប្រែសម្រួល: រតនៈ

www.rasmeinews.com

16/12/2016

ផឹកកាហ្វេបីពែងក្នុងមួយថ្ងៃអាចបន្ថែមអាយុអ្នកបានប៉ុន្មានឆ្នាំទៀត?

ក្រុមអ្នកវិទ្យាសាស្ត្របានរកឃើញថា ការផឹកកាហ្វេអាចបន្ថែមអាយុរបស់អ្នកបានប៉ុន្មានឆ្នាំទៀត ។ នេះបើយោងតាមអត្ថបទមួយ ចុះផ្សាយតាមគេហទំព័រ ម៉េល អនឡាញ (Mail Online) កាលពីថ្ងៃទី ២០ ខែកុម្ភៈ ឆ្នាំ ២០១៣ ។

ការសិក្សាលើមនុស្សចាស់ជិតកន្លះលាននាក់បានបង្ហាញថា ហានិភ័យនៃការស្លាប់ បានធ្លាក់ចុះច្រើនតាមបរិមាណកាហ្វេដែលអ្នកផឹក ។ កន្លងមកគេធ្លាប់គិតថា ជាតិកាហ្វេអ៊ីនច្រើនពេក ធ្វើឲ្យអ្នកមានសុខភាពមិនល្អ ប៉ុន្តែការសិក្សាស្រាវជ្រាវនេះបានរកឃើញថា បើលោកអ្នកផឹកកាហ្វេកាន់ តែច្រើនមានន័យថា ហានិភ័យនៃការស្លាប់ដោយសារជំងឺគាំងបេះដូង ជំងឺផ្លូវដង្ហើម ជំងឺដាច់សរសៃ ឈាមក្នុងខួរក្បាល ការរងរបួស គ្រោះថ្នាក់ផ្សេងៗ ជំងឺទឹកនោមផ្អែម និងសូម្បីតែដំបៅក្លាយ ក៏ធ្លាក់ចុះទៅតាមនោះដែរ ។

វេជ្ជបណ្ឌិត នៀល ហ្វ្រ៊ីមែន (Neal Freedman) មកពីវិទ្យាស្ថានជាត់ជំងឺមហារីក (National Cancer Institute) ក្នុងសហរដ្ឋអាមេរិក កន្លែងធ្វើការសិក្សាស្រាវជ្រាវនេះ បាននិយាយថាការផឹក កាហ្វេពីរ ឬបីពែង ក្នុងមួយថ្ងៃបានកាត់បន្ថយហានិភ័យ នៃការស្លាប់មុនអាយុបានពី១០ទៅ ១៥ភាគរយ ។

ប៉ុន្តែលោកបានបន្ថែមថា ការផឹកកាហ្វេលើសពីពីរ ឬបីពែង ទទួលបានអត្ថប្រយោជន៍តិចតួត ។ អ្នកចូលរួមទទួលការធ្វើតេស្តក្នុងការសិក្សានេះដែលមានអាយុពី៥០ឆ្នាំទៅ៧១ឆ្នាំ ត្រូវបានតាមដានរយៈ ពេល១២ឆ្នាំ ហើយបានបង្ហាញពីទិន្នាការមួយច្បាស់លាស់ ៕ ប្រែសម្រួលដោយ: ខុម

Source: rasmeinews

14/12/2016

ថ្នាំប្រឆាំងមេរោគអេដស៍(ហ៊ីវ)ត្រូវបានរកឃើញ

ដោយ ៖កញ្ញាដាលីស ថ្ងៃទី 18 ឧសភា 2016 ម៉ោង 08:46:AM
Facebook7.3KTwitterPrintMore
អ្នកជំនាញសុខភាពផ្លូវភេទឈានមុខគេមួយរូបបាននិយាយថា ថ្នាំថ្មីទាំងស្រុងមួយ ដែលអាចទប់ស្កាត់ហ៊ីវបាន ត្រូវតែអាចរកបាននៅសេវាសុខភិបាលជាតិរបស់អង់គ្លេស (NHS)។

ប្រសិនបើប្រើប្រាស់តាមរបៀបត្រឹមត្រូវ ថ្នាំព្យាបាល PrEP (សម្រាប់មនុស្សមិនទាន់កើតអេដស៍ឬហ៊ីវ) អាចមានប្រសិទ្ធភាពក្នុងការបញ្ឈប់ការចម្លងមេរោគហ៊ីសឹងតែគ្រប់ករណីទាំងអស់។

កាលពីខែមីនា សេវាសុខភិបាលជាតិរបស់អង់គ្លេសបានសម្រេចថា ការព្យាបាលនេះគឺជាសេវាបង្ការមួយ ហើយហេតុដូច្នេះហើយមិនមែនជាទំនួលខុសត្រូវរបស់សេវាសុខាភិបាលក្នុងការចេញមូលនិធិផលិតឡើយ។

ប៉ុន្តែកាលពីខែមុន អាជ្ញាធរសុខាភិបាលបានសន្យាវាយតម្លៃថ្នាំនេះឡើងវិញ បន្ទាប់ពីសមាគមអេដស៍ថ្នាក់ជាតិបានចាប់ផ្តើមតស៊ូផ្លូវច្បាប់។

ឥឡូវនេះ វេជ្ជបណ្ឌិត ម៉ៃឃើល ប្រ៊ែនឌី (Michael Brady) នាយកផ្នែកវេជ្ជសាស្ត្រនៃសមាគម Terrence Higgins Trust បានលើកឡើងថា ថ្នាំព្យាបាលនេះត្រូវតែអាចរកបានចំពោះមនុស្សដែលធ្វើតេស្តហ៊ីវអវិជ្ជមាន ដែលប្រឈមហានិភ័យក្នុងការកើតហ៊ីវ។

លោកបាននិយាយថា "គ្មានអ្វីសង្ស័យទេ ថ្នាំ PrEP គឺជាការបន្ថែមដ៏សំខាន់ចំពោះយុទ្ធសាស្ត្ររបស់យើងក្នុងការបូកបញ្ចូលគ្នានៃវិធីទប់ស្កាត់ហ៊ីវ ហើយចាំបាច់ត្រូវតែមានពីឥឡូវនេះ"។

ការស្រាវជ្រាវនាពេលកន្លងទៅបានបង្ហាញថា ថ្នាំ PrEP អាចទប់ស្កាត់ការឆ្លងថ្មីៗបានចំនួន ៧.៤០០ ករណីនៅចន្លោះពេលឥឡូវ និងឆ្នាំ២០២០ នៅពេលប្រើផ្គួបផ្សំជាមួយនឹងការធ្វើតេស្តហ៊ីវនិងព្យាបាលហ៊ីវ។

រហូតមកទល់ឥឡូវនេះ ទិន្នន័យល្អបំផុតគឺកើតចេញពីអាមេរិក និងប្រទេសកំពុងអភិវឌ្ឍ។

ប៉ុន្តែលោកប្រ៊ែនឌីបាននិយាយថា បន្ទាប់ពីការសិក្សាដ៏សំខាន់មួយ ដែលរកឃើញថា ថ្នាំ PrEP បានបន្ថយឱកាសកើតហ៊ីវបាន ៨៦ ភាគរយ ឥឡូវនេះក៏មានភស្តុតាងដ៏រឹងមាំបញ្ជាក់អំពីប្រសិទ្ធភាព និងការចំណាយទាបនៃថ្នាំ PrEP ក្នុងចក្រភពអង់គ្លេសដែរ៕

Source: rasmeinews

10/12/2016

តើទម្លាប់អ្វីខ្លះដែលធ្វើឱ្យអ្នកខូចតម្រងនោម?
ដោយ ៖ សហការី

ថ្ងៃពុធ ទី៩ ខែវិច្ឆិកា ឆ្នាំ២០១៦ ម៉ោង ០៩:០២ (09-11-2016 09:02)

តាមការសិក្សាមួយបានរកឃើញថា នៅពេលអ្នកមានទម្លាប់អាក្រក់កាន់តែច្រើន នោះតម្រងនោមរបស់អ្នកនឹងកាន់តែរងការខូចខាត។ ក្រុមអ្នកស្រាវជ្រាវបានរកឃើញថា ៖

1-ជក់បារី ៖ ការជក់បារីផ្តល់ផលប៉ះពាល់អវិជ្ជមានដល់សម្ពាធឈាមរបស់អ្នក ។ វាថែមទាំងបង្កើនហានិភ័យនៃជំងឺសរសៃឈាមបេះដូងដោយការជក់បារីបង្កើនចង្វាក់បេះដូង ធ្វើឲ្យសរសៃឈាមនៅក្នុងតម្រងនោមរួមតូច ខូចខាតមែកធាងសរសៃឈាម និងបណ្តាលឱ្យក្រិនសរសៃឈាមក្នុងតម្រងនោម ។ ការជក់បារីអាចបណ្តាលឲ្យអ្នកដែលមានជំងឺទឹកនោមផ្អែមស្លាប់បាន ដោយសារតែវាបង្កើនឱកាសនៃការមានបញ្ហាតម្រងនោម ។ អ្នកជក់បារីនឹងមានហានិភ័យបាត់បង់មុខងារនៃតម្រងនោមលឿនជាងអ្នកដែលមិនជក់បារី ។ ប្រសិនបើអ្នកឈប់ជក់បារី អ្នកនឹងកាត់បន្ថយហានិភ័យនៃការមានបញ្ហាតម្រងនោមបានយ៉ាងមានប្រសិទ្ធភាព ។

2-នោមមិនបានញឹកញាប់ ៖ ការនោមមិនបានញឹកញាប់អាចនឹងមានផលអាក្រក់ដល់តម្រងនោមរបស់អ្នក ។ ធម្មជាតិតម្រូវឲ្យអ្នកនោមឲ្យបានទៀងទាត់ និងទាន់ពេលវេលា តែប្រសិនបើអ្នកមិនធ្វើតាម រាងកាយនិងតម្រងនោមរបស់អ្នកនឹងរក្សាទុកជាតិពុលទាំងអស់ ហើយធ្វើឲ្យអ្នកមានជំងឺក្រួសក្នុងតម្រងនោម និងខូចតម្រងនោម ។

3-បរិភោគជាតិផ្អែមញឹកញាប់ពេក ៖ ការទទួលទានជាតិស្ករច្រើនពេក បង្អែម ស្ករ អាហារខ្ចប់ និងសូដាអាចនឹងមានផលអាក្រក់ដល់តម្រងនោមរបស់អ្នក ។ ការសិក្សាមួយបានបញ្ជាក់ថា ការបរិភោគជាតិស្ករ fructose ច្រើនពេកអាចធ្វើឲ្យកើនឡើងអាស៊ីតអ៊ុយរិច ហើយនឹងនាំឱ្យមានជំងឺទាក់ទងនឹងបេះដូង និងតម្រងនោម ។ អ្នកដែលមានជំងឺទឹកនោមផ្អែម មានហានិភ័យខ្ពស់ក្នុងការវិវឌ្ឍទៅរកបញ្ហាតម្រងនោមរួចទៅហើយ ។ ជាតិស្ករច្រើនពេកនៅក្នុងរបបអាហាររបស់អ្នកអាចធ្វើឲ្យស្ថានភាពនេះកាន់តែអាក្រក់។

4-មិនធ្វើការពិនិត្យសម្ពាធឈាម ៖ វាជាការសំខាន់ក្នុងការតាមដានសម្ពាធឈាមរបស់អ្នក ដោយសារជំងឺលើសឈាមជាមូលហេតុចម្បងនៃការខូចតម្រងនោម ។ ចូររក្សាកម្រិតសម្ពាធឈាមរបស់អ្នក ដែលបានកំណត់ដោយអ្នកផ្តល់សេវាថែទាំសុខភាព ឬគ្រូពេទ្យរបស់អ្នក ឬត្រួតពិនិត្យវាឲ្យបានទៀងទាត់ប្រសិនបើអ្នកមានបញ្ហាសម្ពាធឈាមខ្ពស់ ។

5-ការលេបថ្នាំ ៖ ការគោរពតាមវេជ្ជបញ្ជាដែលគ្រូពេទ្យរបស់អ្នកចេញឲ្យមានសារៈសំខាន់ណាស់ ។ ថ្នាំមួយចំនួនអាចបណ្តាលឱ្យខូចតម្រងនោមបាន ប្រសិនបើអ្នកពិសាមិនបានត្រឹមត្រូវ ឬមិនបានធ្វើការត្រួតពិនិត្យឲ្យបានដិតដល់ ។ ប្រសិនបើគ្រូពេទ្យរបស់អ្នកបានប្រាប់អ្នកឲ្យប្រើថ្នាំក្នុងពេលវេលាជាក់លាក់មួយ សូមប្រើវាតែក្នុងរយៈពេលកំណត់នោះតែប៉ុណ្ណោះ ។ ថ្នាំបំបាត់ការឈឺចាប់ដែលគ្មានវេជ្ជបញ្ជាដូចជា ថ្នាំអាស្ពីរីន ibuprofen និងថ្នាំប៉ារ៉ាសេតាម៉ុល សុទ្ធតែផ្តល់ផលអាក្រក់ដល់តម្រងនោមរបស់អ្នក ប្រសិនបើអ្នកពិសាវាញឹកញាប់ ឬជារៀងរាល់ថ្ងៃ ៕

Source: kohsantepheapdaily

Newsmedia

25/08/2023

19/04/2017

25/03/2017

04/01/2017

27/12/2016

25/12/2016

21/12/2016

20/12/2016

16/12/2016

14/12/2016

10/12/2016

ที่อยู่

เบอร์โทรศัพท์

เว็บไซต์

แจ้งเตือน

ติดต่อ ธุรกิจของเรา

ทางลัด

แชร์

ประเภท