Bilel Ferjani Design

18/06/2025

وين لازم Logo يكون موجود في موقع واب ؟

Logo هو الهوية الشخصيّة لأي مشروع أو شركة، لذا لازموا يكون ديما ظاهر.

نلاحضوا أنّو في أغلبية الحالات،  Logo يبدى موجود الفوق على اليسار متاع موقع واب. زعمة علاش الركن هاكا مخيّر على أركان أخرى كيما الوسط ولاّ اليمين ؟

التجارب على استعمال مواقع الواب ظهرت أنّوا :

⬅️ أغلبيّة المستخدمين يغزروا للجهة اليسار مباشرة بعد ما يحلّوا موقع واب.

⬅️ الركن الفوق على اليسار هو الموقع المناسب باش Logo يظهر للجميع.

⬅️ الركن هاكا يسهّل Click باش ترجع لل Home page. 

رغم الحالات الإستثنائيّة، المستخدمين ولاّو ينتظروا بالطبيعة أنّوا Logo يكون الفوق على اليسار.

ونتي، شنوا رأيك في الموضوع ؟ 💬 قولي في التعليقات.

و تابع *** للمزيد من النصائح في UX.

 






#المستخدم
#تونس
#فريلانسر

#تطبيقة

09/06/2025

أكيد كل ما تبدى في العمل على مشروع معيّن تخطّط و تتعدّى على مراحل حتّى الوصول الى الهدف.

💡 في مجال UX Design، نتعامل مع ما نسمّيه UX Process وهو مخطّط يبدئ من مراحل البحث عن حاجيات المستخدمين إلى التصميم و التجارب معهم.

❓السؤال هنا هو : لازم نكملوا مرحلة باش نتعدّاو للي بعدها ؟

ايجا نشوفوا معا بعضنا معنى UX Process و نجاوبوا على السؤال.

💬 شنوا رأيك حول الموضوع ؟ شاركنا رأيك في التعليقات.

#المستخدم #تونس #تطبيقة #مشروع #منتوج

03/06/2025

عندي تو أكثر من شهر نخدم على إيجاد حل لمشكلة كبيرة في تونس : كثر استهلاك الخبز في المنازل التونسية الّي النتيجة متاعها تبذير ضخم من الخبز.

المشروع الشخصي هذا بدا من ملاحضاتي في استهلاك الخبز في المنزل، تسائلت علاش ناكلوا برشا خبز و الباقي نلوحوه في أغلب الحالات ؟ حطيت المشكل هذا قدامي و عملت تخطيط : من البحث حول هذا الموضوع حتّى اقتراح حل صالح للاستعمال، سهل الاستخدام، و مستدام.

التخطيط هذا يحمل الخطوات التالية :

✅ بحث كمي و نوعي حول عادات المستهلكين التونسيين في الاستهلاك اليومي للخبز

✅ اكتشاف أهم مشاكل استعمال و تبذير الخبز

✅ طرح حلول الّي تتوافق مع هذه المشاكل

✅ تصميم تطبيقة صالحة للاستعمال، سهلة الاستخدام، و مستدامة

✅ تنظيم حصص تجارب للتطبيقة مع بعض المستخدمين لأخذ ٱرائهم و تحسين تجربة المستخدم

نستدعاكم باش تشوفوا و تقراو Case study على link هذا و تخليوا ٱرائكم في التعليقات 👇

https://www.behance.net/gallery/227206939/BREADIN-UXUI-Case-Study

شكرا لاهتمامكم.

#المستخدم #تونس #تطبيقة

UI/UX, Figma

16/04/2025

فيبالك الّي الصور الموجودة على المواقع مختلفة على بعضها ؟

الصور المستعملة على مواقع الواب تحمل صيغ خاصة و كل صيغة عندها ميزتها. لهنا أحسن حاجة أنك تستعمل صيغ الصور حسب الهدف متاعك، و ما تنساش الأداء.

صيغ الصور المستعملة على مواقع الواب متاعك يلزمها تكون :

📊مدروسة باش تخدم هدف واضح.
📸حجمها مناسب و بجودة عالية على خاطر الإختيار الغالط ينجم يثقل الموقع، يبطأ التصفح، و يعطي تجربة مستخدم ضعيفة .😓
👁️ بسيطة الفهم باش المسخدم يستوعب الرسالة من أوّل نظرة.
🧑🤝🧑مناسبة لموقع الواب متاعك و تعبّر على مشكلة المستخدم الّي تحب تحلها بالمنتوج أو الخدمة متاعك.

ايجا نشوفوا 5 صيغ صور تقدر تستعملهم حسب هدفك.

👇 شنوّا أكثر صيغة صور تعجبك ؟ و علاش ؟
شاركنا رأيك في التعليقات.✍️



#المستخدم
#تونس
#فريلانسر

#تطبيقة

10/04/2025

عندك منصّة e-commerce 📦 و تحب تجلب أكثر مستخدمين باش يتحولوا لحرفاء مخلصين ؟

مالا ايجا نحكيلك على ميزة نلقاوها في برشا منصّات عالميّة متاع تجارة الكترونية كيما Amazon و Alibaba ولّي تتمثّل بأيقونة Cart 🛒.

ميزة Add to cart 🛒 عندها عدّة فوائد للمنصّة متاعك و زاد تحسّن تجربة المستخدم.

شنوا رأيك في الموضوع ؟ شارك معنا في التعليقات💬.






#المستخدم
#تونس
#فريلانسر

#تطبيقة

26/03/2025

مش لازم نسمعوا المستخدمين باش نصممّوا منتوج ينجح !

غالط❌
الحقيقة، كل شيء يبدأ بالمستخدم !

المستخدمين متاعك هوما مركز المنتوج متاعك ، و الاستماع ليهم هو المفتاح باش تفهم احتياجاتهم الحقيقية و تصمم لهم حلول تناسبهم.

الاستماع الفعّال عندو برشا ميزات :
👂 يخليك تفهم المشاكل الخفية للمستخدمين
💡 يساعدك على اقتراح حلول تتماشى مع واقعهم اليومي
🤝 يزيد من ثقة المستخدمين في المنتج متاعك
🎯 يضمن لك تصميم يلبي حاجاتهم الحقيقية

مالا قبل ما تبدا التصميم، حط قدامك هدف واضح : افهم المستخدم قبل ما تصمم ليه !
ّال




#تونس

24/03/2025

فيبالك الّي ChatGPT مجرّد روبوت يجاوب على الأسئلة ؟

الحقيقة ChatGPT هو أكثر من هكّا ! 😏

📌 نجم يكون brainstorming partner يساعدك تطلق أفكار جديدة.

📌 نجم يكون assistant يخدم معاك في كتابة النصوص، تحليل البيانات و حتى في تحسين تجربة المستخدم.

📌 نجم يكون search assistant يعاونك في البحث على معلومات معينة حول موضوع معين.

حبيت نستغلّو بطريقة عملية، لهذا تبعت كورس "Practical Introduction to ChatGPT" مع AI Academy، كورس مجاني يقدّمو الخبير Gianluca Mauro، اللّي عندو أكثر من 10 سنين تجربة في AI.

🧠 تعلّمت كيفاه نتقن فن الـ Prompting باش نتحصّل على نتائج ثابتة و ذات جودة عالية.

مازال ما جرّبتش ChatGPT في خدمتك ؟ صدّقني راهو ينجم يكون أداة ثورية تخليك ديما متقدّم بخطوة ! 🔥