Mayna Perfumes

31/08/2026

كان صبعك عسل 🍯
تنجم تلسحو الكل
وعندي ليك الحل
جبنالك عسل حرّ طبيعي 🍯 من قلب الطبيعة 🌿
مذاق أصيل، حلاوة طبيعية، وجودة تحسّها من أول ذوقة ...

جرّب… ذوق… وإذا تحب حلّل 🧪
واحكم وحدك! 😉

عند mayna Honey's ❤️💓
تلقى جميع انواع العسل الحر الصافي و الصحي 🇹🇳💗🍯
عندنا كل الاحجام :
1كغ 65د
رطل 35د
ربع 20د
ومرحبا بالجميع

24/08/2026

صلوا على من بكى شوقا لرؤيتنا ❤️❤️
صلوا على حبيبنا ورسولنا وفخرنا بين الامم 💗💖
صلوا على رسولنا الكريم في مولده البهيج 💓❤️💖
مولد مبارك على جميع الامة الاسلامية

18/08/2026

عالسلامة كليوناتنا العزاز و الغاليين
راهو موش كان بارفانات برك
عنا زادة عسل حر تبارك الرحمان وانتاجنا
عن تجربة الناس اللي شرت من عنا يرحمو على والدينا
الكيلو 65 د
الرطل 35د
وعنا زادة حصريا الربع 20د
وكل قدير وقدرو
واللي يحب يهز يجرب والا يحلل مرحبا بيه
❤️❤️❤️❤️💗💗💗

09/08/2026

عالسلامة كليوناتنا العزاز
ايا اش رايكم نعاودلكم فازة البرومو ؟!
نهبطلكم سلعة و كل شي على 20د
اللي يحب يحط كومنتار ويحطلنا شنوة النوع اللي يحب عليه
مرحبا بالجميع
اللي ما يحطش كومنتار رانا مانقرولوش حسابه 😁😁😁

28/07/2026

يا جماعة الخير مرحبا بيكم 💝💝💓💓
توا بعد الموجة متاع السخانة ما تحلى الدنيا كان ب تپرفينة عالمية من عندي
وقيت متاع تبحيرة و تصييفة و جو ومهرجانات ، يلزم تخلي ريحتك ديما تفحفح و وين تتعدى يقولولك محلاها ريحتك 💘💞💗
هذاكا علاش شركات ومصانع Mayna Perfumes خممت فيكم وعملنالكم تخفيض و ريميز كيف ما قال الفاهم ما تلقوه في حتى بلاصة 💟💟💟
كل شي ب 20د
كل الانواع ب 20د الدبوزة
اي نعم الدبوزة 55 مل ب 20د برك كاهو فقط
عنا الخير والبركة انواع
اما الكمية محدودة
:

مسك الطهارة

Yves rocher summer
Prada paradoxe
Elli saab le parfum
Gucci bloom
Gucci flora
My burrbery gold edition
Narciso Rodriguez poudrée
Kayali marshmallow

مرحبا بالجميع و اللي يحب على حاجة يخلي كومنتار 💝💓💓💝💘💘💞💗💟

13/06/2026

السلام عليكم و رحمة الله و بركاته
بربي ميساج للعموم وللحرفاء والحريفات و منه زادة توضيح
خاطر فما حاجات ولت تقلقني وهاني باش نهبط نوضحها توا
1 - راني ماعادش نخلي على ذمة حتى حد اي بارفان
لا كعبة ولا عشرة
ماعادش يا مينة حطلي على جنب تو نهيرين و نجي نخلصك و نهزها

2 - ثاني نقطة والاهم انو ماعادش كريدي واللي هز مرة و لهوثني في الخلاص راهو قسما بربي لاعاد يذوق قطرة ، كيف يجيب معاه ابو بكر الصديق يضمن فيه

3 - راني ماعادش نجيب بارفان بالذمة لحد الما يخلص شطر حقها بالمسبق
خاطر قداش من مرة نجيب بالذمة بارفان لشكون وبعد يقولي لا والا يبدل رايو ، وفما اخر مرة شكون جبتلو بارفان وما هزش عليا حتى التاليفون وهاذي نستاهل عليها انا ضرب الكف

4 - ماعادش نبيع لحد يخلصني ناقص والا يقولي تبقى 5د تو غدوة نجيبهالك و اربط في ذيلو خيط
اقسم بالله العلي العظيم كيف يبدى دورو ناقص عالمفاهمة اللي متفاهمينها راني نكبها وما نبيعهالكش

5 - خامس حاجة والاهم من الكل انو انا نعرف سلعتي و نعرف خدمتي وما نجيب كان السلعة التوپ ونبيع بالسوم اللي يناسبني ، راهو اذا انت تحب تشريها نفس النوع من عند فلان والا فلتان ف هاذيكة حاجة تخصك و برا ربي معاك ، اما انا راني ما نبيعها كان بالسوم هذاكا
خاطر نعرف صنعتي و عندي ثقة في ايدي شنوة تخدم ونتدلل على سلعتي، ونخليها للي يستحق و يعطيها قيمتها يجي يهزها حتى بلاش ولا تشوفها ...

6 - حاجة راني نخاف ربي في خدمتي وعاملها هواية و غرام اكثر منها تجارة
بجاه ربي ما تكرهونيش فيها خاطر بديت نفد

والسلام عليكم ورحمة الله وبركاته

26/05/2026

شركات و مصانع Mayna Perfumes لصاحبها السيد
Yamen Ben Hann تتمنى لكم عيد اضحى سعيد ومبارك و ينعاد عليكم بالصحة والعافية والستر و الرضا
هذا للناس الباهية ❤️❤️❤️❤️💖💖💔
ومانيش ناسي الناس اللي مازالوا ما خلصونيش راني مانيش مسامحكم ودعيت عليكم في يوم عرفة 🤬🤬🤬🤬

28/04/2026

18/03/2026

عيدكم مبارك بالمسبق
بارفانات العيد وصلت
اخلط خوذ بايك
والدفع بالحاضر
💓💓💝💝💖

20/02/2026

صحة شريبتكم ..
‎ولنا في جيوب الأحبّة بعض المبالغ
‎فذكّرهم بها يا الله
🤪😀😂🙄