Yellow - Affichage Urbain

23/03/2020

19/11/2018

هاذي كانت اجابة صغيرة على حكاية اللافة الاشهارية الي تحطت في سوسة و فيها استفزاز للساحل سواء كانت مقصودة ولا في قالب غلطة من شركة كبيرة كيما tunisie telecom و الساحل كلو رجال كان يحبو تو يجاوبو بالكبير اما خلينا ما نتيحوش لمستوى موش متاعنا ، الاجابة جات فيسع و المقصود بيها ما يتعداش الكورة و حب الجمعية و حب جهة الساحل و الغيرة على الساحل و السواحلية الكل حتى كان في بعض الوقت نقولو كلام مش في بلاصتو برشا راهو في لحظة غش و غيرة مشروعة على جمعيتنا و خاصة كيف نشوفو حاجة تستفزنا ، اما رانا توانسة و نحبو تونس و نزهيو تونس و عمرنا لا نميزو و لا نحبو نميزو و لا نشجعو على الجهويات ، بلعكس لتوال كبييييييرة و جمهورها تلقاه من بنزرت لبن قردان .. يزيونا مل الحكايات الفارغة و مل الفتنة و خرجونا من حساباتكم السياسية و نحيو البغض و خليوها كورة و خليونا نتعاركو على الكورة كهو !!! الكلنا توانسة و كلنا نزهيو تونس و لتوال تشرفنا و شرفت تونس ..
نحب في لخر نشكر السواحلية الكل لي واقفين وراء جمعيتهم و بالاخص الرجال الي سهرة للصباح و الشركات والي من تليفون صغير في عقاب الليل وافقو بش يدعمو الحملة الاشهارية هاذي بالفلوس و بالخدمة و بكل شيء





(salle des fêtes)



# Adam Dahmani