17/08/2026
تنجم تكون عندك برشا معلومات ومعارف… أما تلقى صعوبة باش توصلهم للآخرين.
صعوبة انك:
تلقى الكلمات المناسبة.
ترتّب أفكارك.
تشدّ انتباه الناس اللي قدّامك.
تتحكّم في الستراس متاعك.
وتجرّأ باش تاخو بلاصتك وتحكي بثقة.
الـ prise de parole en public موش معناها تولّي شخص آخر.
بالعكس، معناها تتعلّم كيفاش تبيّن شكون إنتَ، وشنوّة عندك باش تقدّم، بطريقة واضحة وواثقة.
على مدى سنين، رافقت طلبة، مهنيين، مسؤولين وأشخاص يحبّوا يطوّروا رواحهم، باش يحسّنوا طريقة تواصلهم ويزيدوا ثقتهم في رواحهم وقت اللي يحكيو قدّام الناس.
في اول حصة تكوين اكثر حاجة نوضحها للحاضرين نقلهم:
"موش باش نعلّمك «تمثّل دور» قدّام الجمهور ، أما باش نعاونك تبني طريقة كلام واضحة، طبيعية ومؤثّرة."
خاطر المهارة اللي تبقى كان في مخّك… ما تبدّل شيء.
القوة الحقيقية تبدأ وقت اللي تعرف كيفاش توصل اللي تعرفو للآخرين.
كان عجبك كلامي قلي شنوّة أكثر حاجة تعرقلّك وقت اللي تحب تحكي قدّام الناس؟
