What are the opening hours?

Monday 09:00 - 17:00 Tuesday 09:00 - 17:00 Wednesday 09:00 - 17:00 Thursday 09:00 - 17:00 Friday 09:00 - 17:00

Waleed Taha, Fırat Cd, Istanbul (2026)

04/03/2025

عارفينني، بحب الهدوء وأختار الوقت اللي الكلام فيه يوصل للقلب. فكل رمضان وأنتم بخير، ونجاحكم مكمل معاكم باقي الشهر الكريم!

رمضان فرصة للهدوء والتخطيط للي جاي! الدنيا تهدى، والأفكار توضح، والفرص تظهر. قولولي إزاي استعديتوا لباقي رمضان وموسم العيد؟

شاركوني خططكم، يمكن نطلع بأفكار تساعدنا كلنا! 😉☕️

06/01/2023

أكيد شوفتوا أو جربتوا مواقع الذكاء الصناعي اليومين اللي فاتوا، وانا مش جاي اعمل أي تقييم تاني عشان النت اتملى..

المهم المواقع التقنية مقلوبة اليومين دول عشان مايكروسوفت عملت استثمار بقيمة بليون دولار عشان تدمج Chat GPT و Dalle-2 ويقدر المستخدم يشتغل عليهم بشكل أسهل من على متصفح Bing وده حيسهل إستخدامه بشكل كبير و يخليه متاح لعدد كبير من الناس..

خدوا التقيل بقى، جوجل اعلنت عن بروجكت شغالة عليه من فترة اسمه PaLM
وده ببساطة بيحتوي على 560 بليون معامل متغير يعني 3 أضعاف ChatGPT
#جوجل #جوجل #مايكروسوفت

13/10/2022

SON OF A BEE

ابن النحلة!! ده براند بيقدم كل منتجاته من شاي الماتشا الأخضر، ومع ان اللي عرفته عن شاي الماتشا إنه مرتبط بالتأمل والإسترخاء إلا إن لون البراند بالنسبة ليا غريب شوية، أخضر فاقع ومشع مع لوجو على شكل نحلة..

حتى التصميمات والرسائل المكتوبة Living a Buzz life
والتلاعب في الإسم (أيوه زي مافهمتوه في الأول) شايفهم رايحين في سكة غريبة شوية علينا..

أنا شايف إنه حاجة مش مريحة خالص.. ديزاين داخلي من الأسمنت يديك احساس بعدم الاستقرار، وكراسي معمولة عشان تقعد عليهم خمس دقايق بالعافية وبعدها تبدأ تشتم اللي صممها، كل ده محسسني إني حاشرب عندهم شاي اتشرب قبل كده، ده إذا افترضنا إنه شاي!

مش عارف إذا كان ده توجه جديد بيعجب الأجيال الجديدة اللى بتحب الصخب والسرعة وخصوصاً الجيل Z اللي بيحب يجرب حاجات مختلفة وغريبة، انما أنا الصراحة لا شايف طاقة ولا راحة ولا استرخاء ولا حتى ممكن استنتج إنه كافيه..

بعيون بتاع براندنج حابب اقول ان عيوني وجعتني، وبقول في نفسي يارب يكون اللي حصل ده هو تدخل من الملاك، وهما اللى اختاروا اللون الأخضر الفاقع ده، لأني مش شايف ان فيه مصمم ممكن يشتغل بالاخضر الفاقع ده ومعاه الأسود بالطريقة دي لأني فعلا حاتعمي 😅

لسان الحال بيقول بص احنا حنجدد مع الحفاظ على الهوية، لكن الهوية قلبت وراحت في حتة تانية..

حابب اسمع رأيكم وخصوصاً الجيل الصغير، عشان يمكن يكون في حاجة جديدة مش واخدين بالنا منها 😡 وادينا بنتعلم واللي بيعيش ياما حايشوف...

ملاحظة:
الصور دي من على خرائط جوجل ومش معمول لها أي تعديل..

30/08/2022

سترة عملت الشراب ٣ فرَد، فردتين لرجليك والثالثة للغسالة..

الفكرة اتعرضت قبل كده لكن طبعا بتترمي في الدرج..
والمبدع اللي بينفذ الأفكار المجنونة حيكبر ويفضل سابق منافسيه إن شاء الله.

كده مالكمش حجة.. اشتروا شرابات سترة 🥰

20/08/2022

قرأت من شوية خبر يقهر من الزعل وهو إن كل الكليات اللي فيها تخصص الذكاء الصناعي وكليات الحاسبات والمعلومات لسه متاحة تنسيق مرحلة تانية في مصر، وده معناه ان مفيش عليها إقبال في مصر المحروسة والناس لسه عايشة في القرون الوسطى والاقبال بس على طب وهندسة وشوية السوس اللي ناخر في العظم واسمه كليات القمة..

وحتى لو الخبر مش صحيح بنسبة ١٠٠٪ فالواحد بيشوف العجب في التايم لاين وهو بيقلب بين الصفحات، مابين واحد فرحان وعامل هيصة عشان ابنه دخل طب، وواحد تاني دبح كام عجل لما ابنه دخل هندسة، وواحد تالت رابط ابنه في السرير من يوم النتيجة عشان مدخلش ولا واحدة من دول..

ياجدعان والله تعبنا من الأهالي اللي أقصى طموحهم ان العيال يدخلوا كلية طب عشان يكتبوا قبل إسمهم حرف د/ وبيتخرجوا مش عارفين الألف من كوز الدرة، وفي الآخر بيكتبولنا دواء غلط..

أو يفرحوا لما يدخلوهم هندسة غصب عنهم، ويتخرجوا منها كائنات معقدة تطلع عقدها علينا، ونشوف الواحد منهم في العيد بيبعت رسالة التهنئة صفحة كاملة فيها كلمة مهندس بخط كبييييييير وتحتها إسمه بخط أصغر شوية ومفيش نص مكتوب للتهنئة 😂، أو يفشل في الكلية ويفتح بقال بس المهم يكتب عليه بقال المهندس فلان بنفس حجم الخط برضه..

قولولهم يطلعوا من أم التفكير العقيم اللي بيقول خدوا الشهادة عشان تعلقوها عالحيطة في الصالون وجو البرستيج والقرف البلدي ده، عشان زماننا غير زمانهم غير زمن عيالنا.

ياريت برضه تقولولهم يشغلوا الجمجمة اللي ربنا أكرمهم بيها، عشان بنشوف العيال دي في الآخر بيقدموا على هجرة بشهادة الثانوية العامة ويقدموا على وظيفة مسح صحون في مطاعم أوروبا، أو يبقوا من الصنف القذر اللي بيفرح بوظيفة ل*س جزمة المدير وعايش على فن الإدارة بالأزمات والخوازيق..

قولولهم يفهموا إيه اللي بقى مطلوب في الدنيا اليومين دول ويتعلموه كويس ويعرفوا يسوّقوا نفسهم في سوق العمل كويس، عشان يتخرجوا وهما بيقبضوا بالعملات الأجنبية وهما قاعدين قدام الكمبيوتر وماتحركوش من مكانهم.

الحمد والشكر لله أنا من عامة الشعب، خريج تجارة، وماركتير ناجح وليا الفخر...

ربنا يصلح الأحوال..

04/08/2022

حيرة كل مرة واحنا بنختار اسم مميز للبراند الجديد للعملاء بتوعنا..

03/08/2022

عالقهوة:
اتنين بلدياتنا قرروا يجيبوا مايوهات ويبيعوها عشان يبقوا أغنياء في آخر الموسم. قعدوا يشوفوا الأسعار وكل شوية واحد فيهم يقول للتاني لا ده غالي، احنا عايزين نقول اننا أرخص سعر في مصر، وبعد مداولات طويلة جابوا شوية بضاعة بالعافية، وباعوا اللي باعوه برضه بالعافية، وحلفوا انهم ما يبيعوا مايوهات تاني..

في الناحية التانية..
واحدة اسمها هادية غالب، شافت خناقة كل سنة اللي بتحصل بين المصيفين وسببها المايوهات اللي السيدات بيلبسوها، وملخصها ان فيه طبقة رافضة الـ(بوركيني) على اساس انه (يع) ومش (كلاس) وإن البحر مينفعش من غير بكيني!

المهم، هادية عملت براند (بوركيني) باسمها وبتصميمات وألوان مجنونة وبجودة عالية وطلعت عالمالديف اتصورت بيه شوية صور حلوين، ورجعت مصر وسعرته بـ٤٠٠٠ جنيه للقطعة، (أغلى من بعض الماركات العالمية). وأول ما الموسم بدأ، جابت باص كبير وغيرت تصميمه الداخلي الى غرفة قياس ملابس بتصميم مجنون برضه.. وطلعت بيه على أرقى القرى السياحية في الساحل الشمالي..

طبعا المشاهير الفن اتلموا عليها ودخلوا لبسوا المايوه، ومن الباص للشط عشان يتصوروا بيه ويبقوا من أوائل الناس اللي اشتروا بوركيني هادية غالب، ولأول صيف ما نسمعش خناقة كل سنة بين المؤيدين والمعارضين..

نحلل بقى اللي هادية عملته عشان تنجح؟

1- عملت جو من المرح وكل شوية تنشر صورها من المالديف مع مجموعة المشاهير (كده عملت براندنج وهي الأجواء المرحة).
2- استغلت شهرتها وزودت انشطتها على السوشال ميديا عشان تأكد الصورة الذهنية ليها وللبراند بتاعها.
3- حطت ايديها على فجوة في السوق وهي مشكلة تصميمات الـ(بوركيني) القديمة وخاماته السيئة خلت الناس تاخد فكرة عنه إنه "شعبي ومش حضاري ودقة قديمة" .. الخ، وقررت تسدها بإنها قدمت تصميمات شبابية زاهية وموديلات ومظهر مناسب لفئة كانت بتلاقي صعوبة في نزول البحر وبتفوتهم متعة الاستمتاع بالشاطئ والأجواء المرحة بسبب الخيارات القليلة المتوفرة.
4- ابتكرت تريند وغيرت الصورة النمطية للمنتج ده، واستهدفت عاشقات الموضة والمشاهير اللي عندهم جمهور كبير يتأثر بيهم.
5- طبعا مش حاتكلم عن التسعير اللي بـ4000 جنيه عشان تفلتر اللي عندهم قدرة شرائية عالية.
6- راحت لجمهورها المستهدف في مكان تواجده والتوقيت اللي حيحتاج فيه المنتج بتاعها بباص فيه غرف قياس عشان يطلع مزبوط عليهم بالضبط ويلبس المايوه وينزل يتصور بيه على طول وهو فرحان انه اشتراه.

الخلاصة:
عملت استهداف، ومنتج ، وتسعير، ومكان، يعني الـ 4P's زي ما الكتاب بيقول.

طبعا لو عجبكم الموضوع انتوا عارفين حتعملوا إيه.

01/08/2022

شيبسي كل فترة كانوا يا اما يقللوا الحجم يا بيزودوا السعر، لكن اللي عملوه السنة دي عجيب شوية.
زودوا السعر وقللوا الحجم وحطولنا الابتسامة أم ضب واسنان خربانة دي، وكإنهم بيقولولك ماتشتريش شيبسي تاني!

المهم، حد فاهم هما قاصدين إيه من الصورة دي عشان حاولت افهم ومعرفتش؟

01/08/2022

ده ملخص خدمة العملاء في واحد من مطاعم الكوكب اللي جمبينا. وفي الحالة اللي قدامنا دي، شركة التسويق عملت شغلها المعتاد والعميل راح للمطعم، لكن الشيف والجرسون (خدمة العملاء والمبيعات) طفشوه..

بس كده، شوفتوا أهمية الكلام اللي بنقوله عن إن الدايرة لازم تبقى كاملة عشان الشركة تمشي؟

لو انت عجبتكم فكرة المواضيع اللي باتكلم فيها فأنا باشكركم جداً لاهتمامكم، وبأكد إن كل المواضيع مفتوحة للنقاش، فلو حد حابب يضيف أو يعدل أو حتى يعلمني حاجة جديدة يتفضل..

واللي عنده أي استفسار عن أي حاجة تخص التسويق يتفضل يسأل في التعليقات..

وطبعاً لو عجبكم الموضوع انتوا عارفين حتعملوا إيه 😊

تقبلوا تحياتي
وليد طه

30/07/2022

الراجل اللي في الصور ده رسام اسمه Jim Stoten وليه متابعين كتير على انستاجرام، واحد من متابعينه كان بيكلمه وقال له فينك ياعم جيم؟ وفين شغلك مش بترفعه عالصفحة عشان نشوفه ليه؟ صاحبنا اتصدم وأكد له ان النشر على الصفحة ما اتوقفش خالص وإنه بينشر بشكل منتظم ومستمر. وسلم عليه وراح يدعبس على أصل الموضوع.

وهو بيدعبس سمع ان معدلات وصول الفيديوهات للمتابعين اعلى من الصور وقرر يجرب ده بنفسه، جاب الكرسي وقعد عليه وصور مقطع فيديو مش بيعمل فيه أي حاجة حرفيا غير انه بيهرش في دماغه، ولقى الوصول بتاعه أعلى بكتير من الصور ووصلت للمتابعين اللى كانوا فاكرينه اختفى..

المهم دلوقتي ان فيه مجموعة من المشاهير والمبدعين اللى شغلهم معتمد على الصور بشكل كبير (مصورين - رسامين - مصممين) قرروا يكتبوا إعتراضاتهم إن المنصة بقت كلها فيديوهات بس وبتقتل معدلات الوصول لأي صورة، وإنهم تضرروا جدا من اللي حاصل، وجزء منهم قرر يلغي حسابه ويشوف منصة جديدة، ومن إمبارح فى حملة على مواقع التواصل تحت هاشتاج ومركزين في الحملة دي على انستاجرام اللي بيقولوا انه بيحاول يبقى شبه تيكتوك بأي شكل..

السادة اصحاب الشركات اللي لسه نايمين، نسمع الكلام بقى ونحاول نخلي اهتمامنا بمنصات التواصل الاجتماعي زي الاهتمام بسكة السفر، مركز على انك تاخد جمهور عملائك في مشوار لحد موقع الويب بتاعكم، عشان لما خوارزميات موقع أو منصة معينة تتغير أو موقع معين يتقفل يكون عميلك عارف مكانك فين..

هنا لينك مقال كتبته بعنوان:
استثمر في الدكان بتاعك
https://www.facebook.com/WaleedTahaMC/posts/pfbid02LCb1ZqpezMypLftrVc9FL1qZV7mag3jz9NaEnYAuGCWirW3KUqtpKqkTsYMp3PWl

وده لينك صفحة الرسام جيم:
https://www.instagram.com/jimtheillustrator/

وهنا لينك البوست اللي بيهرش فيه:
https://www.instagram.com/p/CgeZM8wIQsk/

لو كملت قراءة لحد هنا فأنا باشكرك جداً لاهتمامك باللي باكتبه، وبأكد في كل بوست إن كلامي مفتوح للنقاش، فلو حد حابب يضيف أو يعدل أو حتى يعلمني حاجة جديدة يتفضل..

واللي عنده أي استفسار بخصوص الموضوع ده أو أي حاجة تخص التسويق يتفضل يسأل في التعليقات..
ولو عجبكم الموضوع انتوا عارفين حتعملوا إيه 😊

تقبلوا تحياتي

Waleed Taha

04/03/2025

06/01/2023

13/10/2022

30/08/2022

20/08/2022

04/08/2022

03/08/2022

01/08/2022

01/08/2022

30/07/2022

Address

Opening Hours

Telephone

Website

Alerts

Contact The Business

Shortcuts

Share

Category

Monday	09:00 - 17:00
Tuesday	09:00 - 17:00
Wednesday	09:00 - 17:00
Thursday	09:00 - 17:00
Friday	09:00 - 17:00