PTM Ghulam khan

PTM Ghulam khan Ghulam khan Official News Page
Symbol of peace.

02/13/2026

په شمالي وزیرستان تحصیل میرعلی کې روان پرلت ته د پښتون ژغورنې غورځنګ د مرکزي کمېټې غړي رازق صافي وينا .
په دغه روان پرلت کې وزیرستان د هر مکتب فکر استازو او عام ولس په پراخه کچه ګډون وکړ او خپل اواز یې د امن، انصاف او سوکاله ژوند لپاره پورته کړ.

ګډونوالو ټینګار وکړ چې نور باید د وزیرستان خلک د بدامنۍ او وېرې ژوند ته پرېنښودل شي، بلکې د دې خاورې بچیان د امن او عزت حق لري. دا پاڅون د ولس د یووالي او بیدارۍ څرګندونه وه.

شيواه شمالي وزيرستان دروزنده کلي ننانۍ جګړ/ه کې د ګورنر ماډل سکول دوه زده کوونکي بيت الله او خيزب الله چې خپلو کې د تره ...
02/13/2026

شيواه شمالي وزيرستان دروزنده کلي ننانۍ جګړ/ه کې د ګورنر ماډل سکول دوه زده کوونکي بيت الله او خيزب الله چې خپلو کې د تره زامن دي ټپي شوي دي، يوه بله ماشومه هم ټپي شوې د.

مونګ ورتا زکا ډا/لري جګړه وائيو چې هرځل د جګړ/ې په پائ کې عام اولس وينې باهيژي.
دواړه ټپي شوي ځوانان يې بنو هسپتال ته منتقل کړي.

ریاست د پښتنو ژوند خوندیتوب کې سل په سل نکام شوې دې، دوئي هره ورځ په داسې حالاتو کې په درجنو عام اولس په نخه کوي.

02/11/2026

په میرعلي کې ناست پرلت کې د څو مزدورکارو کسانو هغه خبرې چې هر انسان ته د زړه درد ورپه برخه کوي. هغوی وایي چې موږ هره ورځ د مزدورۍ په تمه له کوره وځو، څو د خپلو ماشومانو لپاره یوه مړۍ ډوډۍ پیدا کړو، خو دلته د لارو بندېدو، کرفیو او ناامنۍ له امله زموږ ژوند له سختو ستونزو سره مخ شوی دی.
یو مزدور په ژړغوني غږ وویل: “که کار ونه کړو، کور کې مو ماشومان وږي پاتې کېږي، او که کار ته ووځو، لارې بندې وي او سپکاوی راسره کېږي. موږ نه سیاست پېژنو او نه جګړه غواړو، موږ یوازې د عزت ژوند غواړو.”
بل مزدور وویل چې: “موږ د ورځې مزدوري کوو، د هماغې ورځې ډوډۍ پرې برابروو. که لارې بندې وي، زموږ چولۍ یخې پاتې کېږي. زموږ ماشومان زموږ سترګو ته ګوري، خو موږ ورته څه نه شو برابرولی.”
د دغو بې وسه مزدورانو خبرې د زړه درد دی او د سیمې د ولس هغه خاموش فریاد دی چې یوازې د امن، عزت او ارام ژوند غوښتنه کوي.

شمالي وزیرستان تحصیل میرعلي کې د اتمانزي قام له خوا پرلت له تېرو څلورو ورځو راهیسې په پرله‌پسې ډول روان دی. بل لور ته، پ...
02/10/2026

شمالي وزیرستان تحصیل میرعلي کې د اتمانزي قام له خوا پرلت له تېرو څلورو ورځو راهیسې په پرله‌پسې ډول روان دی. بل لور ته، پرون په ډرون برید کې چې کوم معصوم ماشوم شهید شوی و، د هغه جسد هم د احتجاج په ځای کې له پرون راهیسې ایښودل شوی، چې دا د روان ظلم او ناانصافۍ ښکاره انځور وړاندې کوي.

د پښتون ژغورنې غورځنګ ملګري هره ورځ په پرلت کې فعاله ونډه اخلي. نن هم په دغه پرلت کې د پي ټي اېم د مرکزي کونسل غړی ډاکټر حیات وزیر، د نظم او ضبط کمېټۍ غړی وقار داوړ، د رزمک کوارډینټر ماهر افغان او د غورځنګ نور مسؤل ملګري ګډون لري او د ولس ترڅنګ ولاړ دي.

ملک نصیب خان شهید، د مولانا یونس شهادت، د کواډ کاپټر بریدونه، د ماټر ګولو باران، د انټرنېټ تړل کېدل او د لارو بندښت پر ض...
02/10/2026

ملک نصیب خان شهید، د مولانا یونس شهادت، د کواډ کاپټر بریدونه، د ماټر ګولو باران، د انټرنېټ تړل کېدل او د لارو بندښت پر ضد د جاني خېل قوم نن د پوځي قلعې مخې ته خپل سوله‌ییز احتجاج ثبت کړ.

په دې احتجاج کې ولس د ریاستي ادارو مخې ته تر راتلونکې یکشنبې پورې ضرب الاجل وټاکه، چې ملک نصیب خان ته دې انصاف ورکړل شي، د مولانا یونس قاتلان دې وپېژندل شي او قانوني سزا دې وویني، د ډرون بریدونو مخنیوی دې وشي، انټرنېټ دې بېرته فعال کړل شي او تړلې لارې دې خلاصې کړل شي.

اعتراض کوونکو خبرداری ورکړی چې که غوښتنې یې پوره نه شي، نو د یکشنبې په ورځ به ټوله قوم یو ځل بیا په پراخه کچه میدان ته راووزي او خپل احتجاج ته به دوام ورکړي.

نن غرمه د شمالي وزیرستان تحصیل میرعلی په مبارک شاهی کلي کې د پاکستان پوځ د ډرون برید له امله یو اووه کلن ماشوم هلمند، د ...
02/09/2026

نن غرمه د شمالي وزیرستان تحصیل میرعلی په مبارک شاهی کلي کې د پاکستان پوځ د ډرون برید له امله یو اووه کلن ماشوم هلمند، د سلیم مارجان زوی، په شهادت ورسېد.
د دې بې‌ګناه ماشوم جنازه په میرعلی چوک کې ادا شوه چې پکې د سیمې خلکو په درنه کچه ګډون وکړ.

دا پېښه یو ځل بیا د ولس پر وړاندې روان ظلم او د بې‌ګناه ماشومانو پر ژوند بریدونه څرګندوي. د ماشومانو وینې هېڅکله د جګړې حل نه دی.

موږ د هلمند له کورنۍ سره ژوره خواخوږي څرګندوو او له اړوندو ادارو د دې پېښې د شفافو پلټنو او د داسې بریدونو د سملاسي بندېدو غوښتنه کوو.

نن په څلورمه ورځ د اتمانزي قام له لوري اعلان شوی د بدامنۍ ضد پرلت په ميرعلي کې دوام لري.له لومړۍ ورځې راهيسې د پي ټي اېم...
02/09/2026

نن په څلورمه ورځ د اتمانزي قام له لوري اعلان شوی د بدامنۍ ضد پرلت په ميرعلي کې دوام لري.

له لومړۍ ورځې راهيسې د پي ټي اېم ملګري د ولس تر څنګ کلک ولاړ دي او د امن، انصاف او حق غوښتنې ملاتړ کوي.

مشران وايي چې تر هغې به خپل سوله‌ييز پرلت ته دوام ورکوي، څو پورې چې له ریاست سره رسمي او مطبوعاتي ليکلی ضمانت ونه شي او په سيمه کې د بدامنۍ، ډرون او پوځي عملياتو د پای ته رسولو عملي ګامونه وانخيستل شي.

دا د ولس پر امن او ژوند د حق مبارزه ده، او هر باشعوره انسان ته پکار ده چې پکې خپل غږ او ملاتړ شامل کړي.




ډېره خواشينوونکې او دردناکه خبر 😭😭نن د مبارک شاهۍ په کلي کې د ریاستي ډرون کمرې په بمبارۍ کې يو اووه کلن معصوم ماشوم شهيد...
02/09/2026

ډېره خواشينوونکې او دردناکه خبر 😭😭

نن د مبارک شاهۍ په کلي کې د ریاستي ډرون کمرې په بمبارۍ کې يو اووه کلن معصوم ماشوم شهيد شو.

دا پېښه په داسې حال کې رامنځته شوه چې په ميرعلي کې د ډرون او چورلکو بريدونو پر ضد نن د پرلت څلورمه ورځ ده. خلک په سړکونو ناست دي او يوازې د خپل بنيادي حق ــ امن ــ غوښتنه کوي، خو بيا هم د ریاست له لوري په زياتيو کې يو سلنه کموالی هم نه دی راغلی.

د سرچينو له مخې، د شهيد ماشوم جنازه د پرلت ځای ته لېږدول کېږي، څو نړۍ په خپلو سترګو وويني چې د دې جګړې اصلي قربانيان څوک دي.

د وزيرستان له ټولو ولسونو او د حق او انصاف پلويانو څخه غوښتنه کوو:
راشئ، خپل غږ پورته کړئ، پرلت کې ګډون وکړئ او د ظلم پر ضد ودريږئ.




په لومړي ځل د خېبر ضلعې په لنډي کوتل اشخېلو کې د پښتون ژغورنې غورځنګ (PTM) د ښځینه څانګې بنسټ کېښودل شو.په تېره یوه اونۍ...
02/06/2026

په لومړي ځل د خېبر ضلعې په لنډي کوتل اشخېلو کې د پښتون ژغورنې غورځنګ (PTM) د ښځینه څانګې بنسټ کېښودل شو.
په تېره یوه اونۍ کې د خېبر پښتونخوا په بېلابېلو سیمو کې د لومړي ځل لپاره د PTM ښځینه څانګې جوړې شوې، چې دا د ښځو د سیاسي او ټولنیز ګډون پر لور مهم ګام بلل کېږي.
پښتون ژغورنې غورځنګ وایي، ژمن دی چې خپلو خویندو ته داسې فضا برابره کړي څو وکولای شي د خپلو قانوني او انساني حقونو لپاره غږ پورته کړي او فعاله مبارزه وکړي.
د غورځنګ له نظره، هېڅ ټولنه تر هغې پرمختګ نه شي کولای، تر څو چې ښځې د وروڼو تر څنګ د خپل وطن او قوم لپاره په ګډه مبارزه ونه کړي.

02/03/2026

نن د پي ټي ايم مخکښ او سپين‌ږيري مبارز ښاغلي حاجي عبدالصمد خان د پنجاب استعمار په زندان کې ۴۰۱ ورځې پوره شوې.

تېر کال هغه د يوې دروغجنې ايف آئي آر په نوم د بنو پوليسو ونيولو، خو خبره يوازې تر نيولو پاتې نه شوه. له هماغې ورځې راهيسې پرې د دروغجنو مقدمو لړۍ روانه ده؛ کله يوه دوسيه، کله بله، کله يو زندان او کله بل، او نن هم په کراچۍ کې بند ساتل شوی دی. دا هر څه د دې لپاره دي چې د حق غږ چوپ کړي، خو تاريخ ښيي چې حق هيڅکله د زندان په دېوالونو کې نه بندېږي.

حاجي عبدالصمد خان يوازې يو سياسي مشر نه دی، بلکې د حوصلې، استقامت او وفادارۍ يوه بېلګه ده. د عمر، ستړيا او بند سختۍ سره سره لا هم په خپل هوډ کلک ولاړ دی. نه يې سر ټيټ کړی، نه يې معامله کړې او نه يې د حق خبره پرېښې ده. ده دا هر څه د خپل مظلوم ملت لپاره تېر کړي، ځکه د ده په رګونو کې د وطن مينه او د قام درد جاري دی.

دغه استقامت د پي ټي ايم ريښتينی روح دی؛ هغه روح چې له جبر سره نه ماتيږي، له ويرې نه شا ته کېږي او له قربانۍ نه نه تښتي. که زندانونه هر څومره اوږده شي، خو د داسې مبارزينو اراده تر دېوالونو لوړه وي.

هيله ده چې ډېر ژر به د انصاف لمر راوخېږي او حاجي عبدالصمد خان به د خپل ولس په منځ کې ازاد ګرځي. تر هغې ورځې پورې، د هغه مبارزه زموږ وجدان راويښوي او موږ ته دا را زده کوي چې د حق لاره که هر څومره سخته وي، خو همدا تر ټولو باعزته لاره ده.






Amnesty International
United Nations
United Nations Human Rights
UNMAS
UN Geneva

د خوشحالي خبر 🚨🚨د پي ټي اېم مخکښ او زړور مبارز ښاغلي مجيد کاکړ له پنجابي استعمار د زندان څخه خوشې شو.مجيد کاکړ په دروغجن...
02/03/2026

د خوشحالي خبر 🚨🚨
د پي ټي اېم مخکښ او زړور مبارز ښاغلي مجيد کاکړ له پنجابي استعمار د زندان څخه خوشې شو.
مجيد کاکړ په دروغجنو او سياسي مقدمو کې بندي شوی و، خو زندان يې حوصله ماته نه کړه. هغه د خپل قام د حقونو، عزت او ازادۍ لپاره د مبارزې له لارې نه واوښت. د زندان تورو دېوالونو هم د هغه غږ غلی نه کړ، بلکې لا پياوړی يې کړ.

د درد خبره دا ده چې هغه په بند کې و او د خپلې مور د وفات غمجن خبر پرې وشو. دا هغه زخم دی چې هر زوی ته تر ټولو سخت وي، خو مجيد کاکړ دا قرباني هم د خپلې مبارزې په لاره کې وزغمله. دا يوازې شخصي غم نه، بلکې د ظلم يو بل ثبوت دی چې څنګه مبارزين له خپلو کورنيو او خوږو شېبو بېل ساتل کېږي.

نن چې هغه خوشي شوی، دا د مبارزې د تسلسل نښه ده. دا پيغام دی چې زندانونه، دروغجن مقدمې او جبر د حق لاره نشي بندولای. تر څو چې داسې زړور خلک شته، د انصاف او ازادۍ مشال به بل وي.

ټولو هيوادوالو ته دې دا خوشالي مبارک وي.
مجيد کاکړ ته اوږد، باعزته او له برياوو ډک ژوند غواړو، او هيله لرو چې د خپلې خاورې او قام د حق لپاره به لا په پياوړي هوډ سره مبارزه ته دوام ورکړي.


«له پرون نه تر نن پورې چې د دوسلي بریګډیار مخې ته کوم پرلت دوسلی اولس روان وو، هغه د هغې ظالمانه پېښې پر ضد وو چې تېره و...
02/03/2026

«له پرون نه تر نن پورې چې د دوسلي بریګډیار مخې ته کوم پرلت دوسلی اولس روان وو، هغه د هغې ظالمانه پېښې پر ضد وو چې تېره ورځ د ډرون کاپټر له لارې رامنځته شوې وه.

په دغه برید کې دوه ملکي کسان په نښه شوي وو، چې پکې نظر ګل په حق رسېدلی وو او بل کس سخت ټپي شوی وو د همدې ظلم پر ضد او د انصاف د غوښتنې لپاره د دوسلي اولس پرلت پیل کړی وو. نن د اوځی‌خېل قام د ځوانانو مشرانو او د دوسلي بریګډیار ترمنځ مذاکرات بریالي شول.

د یادې پېښې په اړه د دوسلي بریګډیار له ولسه مافی وغوښته او ټینګار یې وکړ چې په راتلونکې کې به د ډرون له لارې پر عام ولس بمونه نه غورځول کېږي موږ د پي ټي اېم ملګري خپل قام ته ډاډ ورکوو چې پر خپل ولس به هر ځای او هر وخت، د هر ظلم پر وړاندې، تر وروستۍ سلګۍ پورې ولاړ یو.

Address

USA
California City, CA
90251

Website

Alerts

Be the first to know and let us send you an email when PTM Ghulam khan posts news and promotions. Your email address will not be used for any other purpose, and you can unsubscribe at any time.

Shortcuts

Share

Category