10/04/2026
सुदूरपश्चिम प्रदेश संघर्ष समितिको अध्यक्षमा डोटीका शिक्षक प्रेम बिक चयन
तेज डुम्रेल
२०८३ असोज १७ गते, डडेल्धुरा ।
सुदूरपश्चिम प्रदेशका वार्षिक एकमुष्ट अनुदानमा कार्यरत शिक्षकहरूको संघर्ष समितिको अध्यक्षमा डोटीका शिक्षक प्रेम बिक सर्वसम्मत चयन हुनुभएको छ।
शनिबार डडेल्धुराको बागबजारमा आयोजित शिक्षकहरूको भेलाले बिकको नेतृत्वमा १३ सदस्यीय सुदूरपश्चिम प्रदेश वार्षिक एकमुष्ट अनुदान शिक्षक संघर्ष समिति गठन गरेको हो।
नवनिर्वाचित समितिको उपाध्यक्षमा डडेल्धुराका बलबहादुर धामी, सचिवमा दार्चुलाका धर्मसिंह महता, सहसचिवमा कैलालीका रणबहादुर बरेमगर र कोषाध्यक्षमा कैलालीकी दिव्य खड्का चयन हुनुभएको छ।
त्यस्तै सदस्यहरूमा अछामका केशव भण्डारी, बाजुराका वीरबहादुर साउद, बझाङका प्रेमबहादुर धामी, डोटीका गगनबहादुर बलायर, बैतडीका हरिप्रसाद जोशी, कैलालीकी दीपा बजगाईं, कैलालीका यज्ञबहादुर थापा र दार्चुलाका गगनसिंह ठकुन्ना चयन हुनुभएको जनाइएको छ।
भेलाले सुदूरपश्चिम प्रदेशका विभिन्न जिल्लामा वार्षिक एकमुष्ट अनुदानमा कार्यरत शिक्षकहरूको हकहित तथा विभिन्न माग सम्बोधनका लागि संघर्ष समिति गठन गरेको सहभागी शिक्षकहरूले बताएका छन्।
कार्यक्रमलाई सम्बोधन गर्दै नवनिर्वाचित अध्यक्ष प्रेम बिकले शिक्षकहरूका जायज माग पूरा गराउन एकताबद्ध भएर अघि बढ्ने प्रतिबद्धता व्यक्त गर्नु भयो
