Muhannad Mustafa - The Identity Gentleman

08/12/2026

تم تعليق مجموعة اتحاد المصممين السوريين الأساسية من قبل إدارة فيسبوك.

رابط الانضمام للمجموعة الجديد في التعليقات

08/09/2026

عندما يتحول عملك من (متعب) إلى (متعة) فأنت في المكان الصحيح - مهند مهايني

07/27/2026

مساء الخير:

سؤال للمصممين والمهتمين بالهويات البصرية وبناء العلامات. بمختلف المستويات.

شو نوع الكورسات او الجلسات التدريبية أو ورشات العمل اللي بتبحسو أنه ممكن تفيدكم؟ اللي اذا انوجدت ممكن تدفعوا لتحضروها؟ وأديه بتتوقعوا متوسط سعرها لازم يكون؟

ملاحظة: الصورة غلاظة فقط

07/23/2026

احذروا التقليد، ديربي ديربي ديربي

https://www.instagram.com/reel/DbGm3-nR4j-/?igsh=MXY3cjNjOGFmaWZ6bw==

07/15/2026

استخدام الكشيدة غير الزامي، ولا يصلح في كل الحالات. الكشيدة مو دائماً مفيدة - مهند مهايني

المصمم المحترف يضبط ميزان التصميم بشكل بصري.

رأينا مؤخراً انتشار تصاميم كثيرة لحملات توعية مجتمعية، وفيها تغيير واضح في الاتجاه وفي الجودة، واستخدام جيد للأفكار.

حبيت يلط الضوء على نقطة:
- استخدام الكشيدة غير إلزامي
- ميزان النصوص في التصميم يعتمد على الغريد (الشبكة) وبالتناغم مع باقي عناصر التصميم
- استخدام مزايا الفونت يجب أن تكون خاضعة للاحتياج أولا ولضوابط التوازن البصري ثانياً
- ثق بعينك أكثر من عقلك لتحصل على التوازن البصري
- استخدام الكشيدة غبر صحيح او غير وارد مع كل الأحرف، بعض الأحرف لا تقبل الكشيدة (عند معظم الخطاطين وحسب قواعد الخط) و نحن كمصممين نراعي الموضوع نلتزم بالميزان البصري

الكشيدة مو دائماً مفيدة - مهند مهايني

استخدمها بذكاء وباحترافية، واذا عندكم اي استفسار او توضيح لا تترددوا بالسؤال.

احكولنا: انتبهتو لموضوع الاستخدام الجائز للكشيدة؟

واتذكروا:

07/13/2026

🎉 Facebook recognized me as a top rising creator this week!

يبدو انه شي منيح!

07/10/2026

مرة أخرى، تحدي اتحاد المصممين السوريين

⚽️ ⚽️⚽️⚽️⚽️⚽️⚽️⚽️⚽️⚽️

الموضوع:

بس هالمرة بدنا نشجع جماعة الموشن والفيديو يشاركو بالتحدي 👍🏼👍🏼

مع إني مو من مشجعي ولا متابعي كرة القدم، بس متحمس شوف مشاركاتكم 😁

بدي حاول أعطي كم نصيحة، أكيد المصممين الرياضيين بيعرفوهم:

- استخدم ألوان حماسية متل الأحمر والأصفر والأخضر لكن طبعا ما تخاف من تجربة ألوان ودرجات لونية جديدة.
- فكروا بتأثيرات الألوان اللي بتعطي انطباع بالرياضة والحركة متل تأثير النيون.
- فكروا بقرص الألوان واختارو ألوان متقابلة على القرص ليصير عندكم تباين.
- ابتعدو عن الخطوط التقليدية، استخدمو خطوط ثقيلة وعريضة وخطوطها حادة مثلا.
- الخطوط المائلة بتعطي انطباع الحركة او السرعة.
- واضافة خطوط حركية متلاشية مثلا لانطباع الحركة
- حاولوا اتضيفوا عمق للتصميم. مثلا اذا مستخدمين صور لاعبين، عن طريق تغبيش الخلفية، او صناعة تداخل بين النصوص واللاعبين مثلا، او استخدام عناصر من الخلفية امام صور اللاعبين.
- ما حذكركم بالكشيدة 😂
- استخدموا تأثيرات الظل والنور لإبراز ملامح اللاعبين وعضلاتهم
- اذا في صور لاعب عميضرب الكرة او عم يركض، استخدموا جزيئات الغبار او العشب المتطاير لتعطو انطباع واقعي
- جربوا الدمج بين الرسومات والصور الواقعية
- لا تزحموا التصميم، تذكروا ان المساحات الفاضية هي جزء من التصميم. مو شرط تكون بيضا طبعاً.

⚽️ ⚽️⚽️⚽️⚽️⚽️⚽️⚽️⚽️⚽️

اذا عندكم استشارات او استفسارات او حابين تناقشوا أفكار لا تترددوا بالسؤال 😉

أكيد ضروري تستخدموا الهاشتاغ وقت تنشروا مشاركاتكم ويلي بيحب يعملي منشن على أي مشاركة بتحبوا اعلق لكم عليها 👍🏼

وهي حزمة ملفات مساعدة جمعها لكم مشكوراً زميلنا Ragheb Boubes

https://drive.google.com/drive/u/1/folders/1QovkpOTl8mKQMoHjH8kijonkyiIAgzE6

وبالنهاية، لا تخافوا من تجربة أشياء جديدة، ولا تنسوا أن النقد حيكون للتصميم مو الكم شخصيا 🌷
"أنت لست التصميم - مهند مهايني"

و

رابط إعلان التحدي على صفحة الاتحاد

https://www.facebook.com/share/p/1JUpX7RN72/?mibextid=wwXIfr

07/09/2026

https://www.instagram.com/stories/mahayni/3937474120371707802?utm_source=ig_story_item_share&igsh=MWdnYXQ2eGQ1bTFyeg==

2,632 Followers, 1,335 Following, 0 Posts

07/05/2026

تحدي أكلات وألوان
نصيحة اللي جوعان ياكل شي قبل ما يتابع 😂

بعطيكم ٣ ألوان وأنتم تحزروا الأكلة!

اكتبوا لي في التعليقات كم أكلة حزرتوها صح

ما تنسوا تعملوا لايك ومشاركة، وسووا منشن لصديقكم المصمم اللي دايماً جوعان 😁 واتذكروا أنه في مصمم ما شارك المنشور طلعله كشيدة في المنام.



حزرتوا الأكلات كلها؟

07/02/2026

تذكير جديد. اللي ماشاركو بالتحدي...

شفنا اقبال كبير على المشاركة، وشفنا مشاركات بتبيض الوجه، ومحاولات واعدة.

اذا لسا ما شاركت، هاي تشجيع مني ان ما تستنى، قوي قلبك، ولشجعكم أكتر جمعت بعض الأفكار اللي ممكن تبنو عليها او ممكن تستلهموا منها، وبعض النصائح لتصميماتكم:

أفكار (لا تستخدموها متل ما هي، ابنوا عليها او استلهموا منها):
- الرصاصة لا تعرف الاحتفال
- الرصاص لا يعرف الا القتل
- رصاصك لا ينتمي للمناسبات المدنية
- اذا مش قد السلاح لا تحمله
- هيبتك بوعيك مو بسلاحك
- بدك هيبة، كون واعي

نصائح:
- لا تقتصر بالتفكير على الأعراس، اطلاق النار عم يصير بالعزا وبالنجاح وبالعودة من الحج وغيره
- فكر من زوايا اخرى (مثلا وجهة نظر السلاح، او نظرة الرصاصة)
- خليك على البساطة، هاد لا يعني ان البساطة هي الحل الوحيد لكنها الأسلم
- استخدام الكشيدة مو إلزامي
- انتبه من الحشو (عناصر زايدة، نصوص زايدة، عبارات اضافية...)
- استخدم أي هوية، مو فقط هوية الدولة، جرب شي سادة او هوية خاصة فيك، او حتى تخيل لو شركة معينة بدها تنشر وعي بهالخصوص كيف ممكن يطلع؟
- استخدام الكشيدة مو إلزامي
- لا تخلي شي يمنعك من مشاركة الأفكار او مناقشتها على تصاميم الزملاء او حتى السؤال والاستفسار
- لا تخلي النقد يحسسك بالنقص او بالانزعاج
- استخدام الكشيدة مو إلزامي
- اعمل بحث وتغذية بصرية كتير
- جربوا خطوط تانية غير قمرة
- في داعي نذكر الكشيدة؟

واخيرا، اذا حسيتوا انه عندكم سؤال أو شعرتو انه بإمكاني قدم أي مساعدة او استشارة او نقد، اكيد لا تتردوا

ولا تنسوا: استخدام الكشيدة مو إلزامي!

وطبعاً...

هذه الحملة برعاية:

اتحاد المصممين السوريين و

-