15/05/2026
Dizajni fitues i fanellave të Përfaqësueses së Kosovës në minifutboll, që do të përdoren gjatë Kampionatit Evropian nga 20–24 maj, i cili do të mbahet në Tiranë. Një fanellë e mbushur me identitet, që shpresojmë të mbulohet edhe nga sukseset e djemve tanë!
Në procesin e dizajnimit të kësaj fanele, kemi synuar të ndërthurim identitetin modern me rrënjët më të lashta të trashëgimisë sonë dardane. Elementi kryesor i kompozimit është Rozeta Dardane me gjashtë petale, një simbol autokton i gjetur në monumente dhe artefakte arkeologjike në Kosovë, i cili përfaqëson jetën, dritën dhe përjetësinë. E vendosur në zemër të hartës së Kosovës, ajo simbolizon vazhdimësinë e identitetit tonë ndër shekuj dhe lidhjen e pandashme mes historisë së lashtë dhe realitetit të sotëm.
Rreth saj kemi integruar motivin e Labirintit Dardan, të frymëzuar nga gjetja unike arkeologjike e njohur si “Labirinti i Smirës”, që simbolizon rrugëtimin, mençurinë dhe mbrojtjen shpirtërore. Ndërsa rrezet që shpërndahen nga qendra drejt skajeve i japin dizajnit energji dhe jetë, duke përfaqësuar dritën, forcën dhe krenarinë e një populli me histori të lashtë. Çdo element është menduar me kujdes që kjo fanellë të mos jetë vetëm një veshje sportive, por një paraqitje vizuale e identitetit dhe trashëgimisë sonë kulturore.
Klienti: Socca Kosova
Shërbimi: Aksesor & Ilustrime (Fanelë);
[email protected]
+383 49 56 23 37
www.kameleoni.al
