09/02/2026
Kjo nuk është drejtësi, por hakmarrje dhe ndëshkim për një popull që luftoi për liri!
Fillimisht, kur dëgjova fjalën e kryeprokurores së Zyrës së Prokurorit të Specializuar, Kimberly West, e cila ka kërkuar nga 45 vjet dënim për katër të akuzuarit e rastit më të madh të Dhomave të Specializuara, u stepa!
Këso dënimesh drakonike as në Procesin e Nyrembergut nuk kanë ndodhur!
Popullit shqiptar po i mëvishet një hipotekë e rëndë e fajësisë kolektive, edhe pse nga goja e Kryeprokurores u tha se dënimet janë individuale. Absurdi i një propozimi të tillë qëndron në faktin se të njëjtit nuk vepruan individualisht e as nuk luftuan për të drejta individuale, por për lirinë si vlerë universale të një populli të tërë! Po të tërhiqej një paralele me gjenocidin që është duke ndodhur në Gazë, e duke mos e përjashtuar as atë në Ukrainë, i bie që protagonistët do të duhej të dënoheshin me 20.000 vjet!
