25/06/2026
AKULL N’VERË 2026 – COLORFUL EDITION ❤️🧡💛💚💙💜🖤
Me krenari prezantojmë AKULL N’VERË 2026 – COLORFUL EDITION, një koncept i ri festiv që do ta transformojë zemrën e kryeqytetit në një hapësirë të mbushur me energji, argëtim, kulturë dhe përvoja unike për të gjitha moshat.
Data: 10 Korrik – 22 Gusht 2026
Festivali do të shtrihet në dy nga hapësirat më ikonike të qytetit, duke krijuar dy zona të veçanta që së bashku do t’i japin Prishtinës një atmosferë unike verore dhe një përvojë të paharrueshme për qytetarët dhe vizitorët.
Sheshi Skënderbeu
Në zemër të festivalit do të vendosen 45 shtëpiza tematike, të dizajnuara sipas konceptit Colorful Edition, duke sjellë një shpërthim ngjyrash, kreativiteti dhe gjallërie në qendër të qytetit.
Në këtë zonë do të vendoset edhe Main Stage, ku gjatë gjithë festivalit do të zhvillohen performanca të DJ-ve, bendeve muzikore, artistëve vendorë dhe ndërkombëtarë, si dhe programe të ndryshme kulturore e argëtuese që do ta mbajnë qytetin aktiv çdo ditë dhe çdo mbrëmje.
Sheshi Zahir Pajaziti
Një zonë me atmosferë më relaksuese dhe familjare, ku do të vendosen 20 shtëpiza, të shoqëruara me muzikë ambientale, gastronomi dhe hapësira për socializim.
Për herë të parë në Prishtinë, në kuadër të festivalit do të vendoset edhe Ferris Wheel, një atraksion i ri që pritet të ndryshojë pamjen e qytetit dhe të bëhet një nga pikat më të vizituara dhe më të fotografuara gjatë verës.
⚽⚾🥎🏀🏐
Përveç programit artistik dhe muzikor, AKULL N’VERË 2026 do të sjellë një kalendar të pasur aktivitetesh sportive dhe rekreative, duke përfshirë bashkëpunime me HIROX, Prishtina Run Club, turne të basketbollit, mini-futbollit dhe shumë aktivitete të tjera për të gjitha grupmoshat.
⸻
APLIKIMET PËR BIZNESET JANË TË HAPURA
Bizneset që dëshirojnë të bëhen pjesë e AKULL N’VERË 2026 – COLORFUL EDITION dhe të prezantojnë produktet, shërbimet apo brendet e tyre para mijëra vizitorëve gjatë festivalit, mund të aplikojnë përmes linkut zyrtar të aplikimit.
:date: Afati i aplikimit është 10 ditë, nga 25 Qershor deri më 05 Korrik 2026.
Të gjitha kushtet e pjesëmarrjes, kriteret, dokumentacioni i nevojshëm dhe informacionet e detajuara janë të publikuara në linkun e aplikimit.
Për të garantuar transparencë dhe mundësi të barabarta për të gjithë pjesëmarrësit, pozicionimi i shtëpizave në të dy sheshet do të përcaktohet përmes shortit publik, pas përfundimit të procesit të aplikimit dhe konfirmimit të pjesëmarrësve.
Ftojmë bizneset, prodhuesit vendorë, operatorët gastronomjikë, artizanët dhe brendet e ndryshme që të bëhen pjesë e një prej ngjarjeve më të mëdha verore në kryeqytet.
Linku për aplikim: https://www.prishtinafestive.com/
Vendet janë të kufizuara dhe përzgjedhja e pjesëmarrësve do të bëhet sipas kritereve të përcaktuara në thirrjen publike.
Dy sheshe. Një festival. Një qytet plot ngjyra.
