02/02/2026
Njoftim i rëndësishëm për qytetarët e Vitisë: Hapet linja direkte e autobusëve Viti–Prishtinë
Komuna e Vitisë njofton qytetarët se, pas konfirmimit nga Ministria e Transportit për lëshimin në qarkullim, është hapur linja e re dhe direkte e autobusëve Viti–Prishtinë.
Kompania Plisi Commerce, që nga 1 shkurti, ka filluar operimin e rregullt të kësaj linje të re transporti në itinerarin:
VITI – KLLOKOT – POZHORAN – BIBAJ (AUTOSTRADË) – PRISHTINË,
dhe anasjelltas.
Kjo është një linjë e rregullt ditore, e cila funksionon çdo ditë, duke përfshirë edhe të dielën.
Orari i nisjeve:
• Nisjet nga Vitia: 09:00 dhe 15:10
• Nisjet nga Prishtina: 13:30 dhe 17:00
Sipas njoftimit, kjo linjë e re është krijuar për t’u ardhur në ndihmë studentëve, punëtorëve dhe të gjithë udhëtarëve, të cilët udhëtojnë çdo ditë drejt Prishtinës dhe vendbanimeve përreth.
Komuna e Vitisë fton qytetarët që ta shfrytëzojnë këtë shërbim të ri, i cili pritet të lehtësojë ndjeshëm qarkullimin dhe mobilitetin e përditshëm.
>> Gjithçka Nga Vitia
