13/02/2026
ياريت ماف زول تاني ارسل صوروا😨
هل ترند السبعينات فخ؟!!! و شنو الخطر المترتب عليه 😳
اغلبنا في الفترة دي بنرسل صورنا لي ChatGpt ويرجعنا للزمن القديم .. بس المشكلة ماهنا ..
المشكلة انه الصور دي حتمشي وين بعد دا؟!!!
🔷 أول مشكله بتجي
- لما ترفع صورتك .. حتتخزن في خوادم
- بعدها حيتم استخدامها في تحسين نماذج الذكاء الاصطناعي
- ممكن تعاد معالجتها أو تسريبها
وأخطر حاجة بصمة وجه رقمية دائمة .. ايوه بصمتك
🔶 المشكلة التانية ..
الاستغلال التجاري الغير مباشر لأنك بتوفر وجهك .. نمطك الثقافي .. والحاجه دي بتستثمر في الإعلانات وتدريب الخوارزميات
وطبعاً ماف ضمان بديك إنك تحذف صوره من الذكاء الاصطناعي .. لأنها بتتخزن في ( نسخ احتياطية .. بيانات تدريب .. سجلات مؤقته ) .. بس في حل بسيط
وهو إنك قبل تعمل خطوة زي دي وترسل صورك .. أو لو عايز تقلل من المخاطرة وتحمي بياناتك:
- في خيار داخل ChatGpt نفسه
- أدخل الأعدادات بعدها خيار
- التحكم في عناصر البيانات .. ووقف
- تحسين النموذج للجميع
وكدة بتكون منعت استخدام محادثاتك في التدريب
لو ما فهمت ممكن تكتب لينا في التعليقات وحنرد ليك
ولو استفدت ممكن تشير البوست عشان تفيد غيرك
#التدريب
