მაუწყებელი • Mautskebeli

24/05/2026

ანტისამთავრობო აქცია სპეცრაზმთან დაპირისპირებაში გადაიზარდა. ათობით ათასი დემონსტრანტი ქუჩებში რეფორმებსა და პრეზიდენტ ვუჩიჩის გადადგომას ითხოვს. პოლიციამ აქციის დასაშლელად ცრემლსადენი გაზი და ჯავშანტექნიკა გამოიყენა.

შეგახსენებთ, რომ სტუდენტების საპროტესტო მოძრაობა სერბეთში მას შემდეგ გამწვავდა, რაც 2024 წელს ნოვი სადის რკინიგზის სადგურის ჩამონგრევას 16 ადამიანის სიცოცხლე ემსხვერპლა. მას შემდეგ გრძელდება სტუდენტების პროტესტი, რომელთაც ოკუპირებული ჰქონდათ უნივერსიტეტის სხვადასხვა კორპუსი.

24/05/2026

უკრაინის საჰაერო ძალების მონაცემებით, აგრესორმა ქვეყნის მიმართულებით 90 რაკეტა და 600 დრონი გაუშვა. უკრაინულმა მხარემ თავგანწირული მუშაობის შედეგად შეძლო 55 რაკეტისა და 549 დრონის ჩამოგდება ან გადაჭერა. მიუხედავად ამისა, თავდასხმა კიევში 50-ზე მეტ ადგილზე განხორციელდა, სადაც დაზიანდა საცხოვრებელი კორპუსები, სავაჭრო ცენტრები, წყალმომარაგების ობიექტი და ფაქტობრივად განადგურდა კიევის ჩერნობილის მუზეუმი.

საკუთარი დანაშაულების გადასაფარად, რუსეთის თავდაცვის სამინისტრო კვლავ უარყოფს სამოქალაქო ინფრასტრუქტურაზე დარტყმებს და ამტკიცებს, რომ სამიზნე სამხედრო და სადაზვერვო პუნქტები იყო. თუმცა, ნგრევის მასშტაბები და თავდასხმები უკრაინის სხვადასხვა რეგიონში — ჩერკასის, ხარკოვის, კროპივნიცკის, ოდესის, პოლტავას, სუმისა და ჟიტომირის ოლქებში — კიდევ ერთხელ ადასტურებს რუსული აგრესიის სისხლიან და დანაშაულებრივ ხასიათს.

23/05/2026

📍გთავაზობთ ფილოსოფოს დავით გალაშვილის ინტერვიუს ირანელ მკვლევართან შირინ კამანგართან.

ამ სტატიის მიზანია დაანგრიოს ის ხელოვნური კონსტრუქცია - „შინაური ტირანია თუ საგარეო განთავისუფლება“ - რომელსაც ხშირად პერიფერიულ ქვეყნებს, მათ შორის საქართველოსაც, თავს ახვევენ. შირინ კამანგარის ანალიზი გვთავაზობს მესამე გზას, რომელიც ეფუძნება არა ილუზიებს, არამედ კონკრეტული პირობების მკაცრ მატერიალისტურ ანალიზს.

ამ ინტერვიუს მომზადება 2026 წლის იანვარში დაიწყო — იმ დღეებში, როდესაც ირანი კიდევ ერთხელ იქცა გლობალური მედიის ყუ.....

23/05/2026

ილიაუნის სტუდენტებმა დიუშენით დაავადებული ბავშვებისთვის, 3 დღეში, 1 მილიონი ლარი შეაგროვეს.
შეგროვებული თანხა დიუშენით დაავადებული ბავშვების საჭიროებებს მოხმარდება.

მოქალაქეები და სხვადასხვა ჯგუფები უკვე ერთ თვეზე მეტია ბავშვებს და მათ ოჯახებს ფინანსურად ეხმარებიან, რადგან მათთვის აუცილებელი ნივთები შეიძინონ.

რამდენიმე მშობლის თქმით, ჯანდაცვის სამინისტრომ ბავშვებისთვის ეტლისა და სასუნთქი აპარატის, სხვა აუცილებელი ნივთების შეძენაზე უარი თქვა. დიუშენით დაავადებული ბავშვების პენსია თვეში 470 ლარია.

23/05/2026

"ხალხს ყველანაირად ავიწროვებენ. ზამთარში საძოვრის ფულს ცალკე ვიხდით, მთაში — ცალკე, ბანკიც ცალკე გვართმევს ფულს. ბოლოს რა გვრჩება?"

მწყემსები იმ ტრადიციული გზის ჩაკეტვას აპროტესტებენ, რომლითაც წლებია საქონელი გადაჰყავთ. მიუხედავად იმისა, რომ პროტესტის შემდეგ გზა დროებით გახსნეს, პრობლემა მაინც მოუგვარებელია - ამ ადგილას სტუდქალაქის მშენებლობა იგეგმება, რაც მარშრუტს საბოლოოდ ჩაკეტავს. ფერმერების მთავარი მოთხოვნაა, გამოიყოს ალტერნატიული, ოფიციალური გადასარეკი ტრასა.

22/05/2026

დიუშენით დაავადებული ბავშვებისთვის მედიკამენტების დაფინანსების მოთხოვნით, მოქალაქეები ხელმოწერებს აგროვებენ — „მზად ვართ, ჩვენი გადასახადებით მობილიზებული რესურსი მოხმარდეს სწორედ ბავშვების სიცოცხლის გადარჩენას”, — ნათქვამია პეტიციაში.
მოქალაქეებმა ხელმოწერების შეგროვება ირაკლი კობახიძის განცხადების საპასუხოდ დაიწყეს.
19 მაისს კობახიძემ მედიკამენტების დაფინანსებასთან დაკავშირებით ჟურნალისტის კითხვას ასე უპასუხა — „ის თან­ხა, რო­მელ­ზეც არის სა­უ­ბა­რი, იქ­ნე­ბა ეს 50 თუ 60 მი­ლი­ო­ნი, ეს არ არის ის თან­ხა, რო­მელ­საც სა­კუ­თა­რი, პერ­სო­ნა­ლუ­რი ჯი­ბი­დან ვი­ღებთ და გავ­ცემთ. ეს არის ხალ­ხის ფული. ერ­თა­დერ­თი, რა­მაც ჩვენ შე­იძ­ლე­ბა შეგ­ვა­კა­ვოს, ეს არის პა­სუ­ხის­მგებ­ლო­ბა ქარ­თვე­ლი ხალ­ხის მი­მართ.”

სხვადასხვა ჯგუფები და მოქალაქეები დიუშენის კუნთოვანი დისტროფიით დაავადებული ბავშვებისთვის საჭირო ნივთების შესაძენად თანხას აგროვებენ.
დღეს ილიაუნის სტუდენტებმა დიუშენით დაავადებული ბავშვებისთვის 2 დღეში 300 000 ლარი შეაგროვეს.

რამდენიმე მშობლის თქმით, ჯანდაცვის სამინისტრომ ბავშვებისთვის ეტლისა და სასუნთქი აპარატის, სხვა აუცილებელი ნივთების შეძენაზე უარი თქვა. დიუშენით დაავადებული ბავშვების პენსია თვეში 470 ლარია.

22/05/2026

Mətnin azərbaycanca versiyası aşağıdadır - აზერბაიჯანულ ენაზე წასაკითხად იხილეთ მეტი: ⬇️

"ეს ხელისუფლება ხალხს ჩაგრავს და საერთოდ არ გვიჭერს მხარს."

მწყემსები იმ ტრადიციული გზის ჩაკეტვას აპროტესტებენ, რომლითაც წლებია საქონელი გადაჰყავთ. მიუხედავად იმისა, რომ პროტესტის შემდეგ გზა დროებით გახსნეს, პრობლემა მაინც მოუგვარებელია - ამ ადგილას სტუდქალაქის მშენებლობა იგეგმება, რაც მარშრუტს საბოლოოდ ჩაკეტავს. ფერმერების მთავარი მოთხოვნაა, გამოიყოს ალტერნატიული, ოფიციალური გადასარეკი ტრასა.

“Bu hökumət bizə zülm edir, ümumiyyətlə bizə dəstək olmur.”
Çobanlar illərdir mal-qaranı apardıqları ənənəvi yolun bağlanmasına etiraz edirlər. Etirazdan sonra yol müvəqqəti açılsa da, problem hələ də həll olunmayıb — həmin ərazidə tələbə şəhərciyinin tikintisi planlaşdırılır və bu, marşrutun tamamilə bağlanmasına səbəb olacaq. Fermerlərin əsas tələbi isə alternativ, rəsmi yol verilməsidir.

22/05/2026

ბრიტანელი რეჟისორის, კენ ლოუჩის გამოსვლა 19 მაისს, კანის კინოფესტივალზე, „Cinéma de la Plage“-ის სცენაზე, მისი ფილმის — „მიწა და თავისუფლება“ — ჩვენების შემდეგ

21/05/2026

რუსთავში, საავტომობილო ბაზრის მიმდებარედ, მეცხვარეების პროტესტი უკვე მეორე დღეა გრძელდება. მწყემსები იმ ტრადიციული გზის ჩაკეტვას აპროტესტებენ, რომლითაც წლებია საქონელი გადაჰყავთ. ტერიტორია დროთა განმავლობაში კერძო საკუთრებაში გადავიდა, რის გამოც ფერმერებს სეზონური გადარეკვისას სხვის ნაკვეთებზე უწევთ გავლა, მიწის მესაკუთრეების ნაწილი კი მათგან ფულს ითხოვს.

მიუხედავად იმისა, რომ პროტესტის შემდეგ გზა დროებით გახსნეს, პრობლემა მაინც მოუგვარებელია - ამ ადგილას სტუდქალაქის მშენებლობა იგეგმება, რაც მარშრუტს საბოლოოდ ჩაკეტავს. ფერმერები სახელმწიფოსგან რეაგირებას და დახმარებას ითხოვენ. მათი მთავარი მოთხოვნაა, გამოიყოს ალტერნატიული, ოფიციალური გადასარეკი ტრასა.

21/05/2026

ფერმერების პროტესტი რუსთავში

21/05/2026

რუსთავში, საავტომობილო ბაზრის მახლობლად, სადაც საქონლის გადასარეკი ტრადიციული გზა გადის, მეცხვარეების პროტესტი ისევ გრძელდება.

ტერიტორია წლების განმავლობაში გასხვისდა, რის გამოც მწყემსებს ცხვრის სეზონური გადარეკვისას კერძო ნაკვეთების გავლა უწევთ. მიწის მესაკუთრეთა ნაწილი გატარების სანაცვლოდ თანხას ითხოვს, რასაც პროტესტი მოჰყვა.

აქციის მონაწილეები სახელმწიფოს ჩართვას და სპეციალური გადასარეკი ტრასების გამოყოფას ითხოვენ.