27/11/2025
NMSME SUMMIT GIPAHIGAYON SA TAGUM CITY,2000 KA MGA NEGOSYANTE NITAMBONG
Nikabat sa duha ka libo nga mga nano,micro,small and medium enterprise owners o mga negosyante ang nitambong gipahigayong TindaNow Mindanao NMSME Summit nga gipahigayon kagahapon Nobyembre 26 sa Tagum City Hall Atrium,Tagum City.
Gihisgutan sa maong panagtigum ang financial literacy (FinLit) gamit ang online cash transaction partikular na ang paggamit ug Gcash sa mga nagkadaiyang negosyo ug ang bag-ong gilusad nga application nga Gcash Pera Outlet Plus kung diin pwede kining himuong local hub sa mga negosyante. Pwede na sab dinhi ipahigayon ang mga cash online transactions sama sa cash-in & cash-out ug bills payment.
Ang maong aktibidad gikonsiderang pinakaunang NMSME Summit sa tibuok nasud. Gitambungan kini sa mga personalidad sa dakbayan sama nalang nila Tagum City Council of Women Foundation Inc. President, Ms. Alma Lim Uy, Coun. Arthur Ong ,Coun. Wes Caasi, DTI Division Chief Erick Cezar Elipian, ug sa mga opisyales gikan sa GCash sama nila Cleo Celeste Santos, VP ug Head of Public Sector; CJ Alegre, Head of Sustainability; Kevin Yu, Head of B2B Lending sa Fuse Financing Inc.; ug JJ Pacheco, CXM Governance Training Head.
Suportado sab kini sa Lokal nga Panggamhanan sa Tagum, sa pakig-alayon sa Tagum City Business and Incentive Center (TCBIC), Tagum City Council of Women Foundation Inc. (TCCWFI), City Public Employment Services and Capability Development Office (CPESCDO) kauban ang Department of Trade and Industry (DTI), ug Technical Education and Skills Development Authority (TESDA).
Naglaom ang mga organizers sa maong aktibidad nga daghang negosyante ang matabangan sa maong inisyatibo.
