DW Qafar Afih Exxa

03/10/2020

Qafar Rakaakayak Barittô biiro Rakaakay Caddol Coved19 Sabbatah Alfimteh Sugte barittô buxaaxi Qagitaak Fakkimtuh maybalaalaqa Tecee.

-------------
Qunxa garabluk 23/2013 (DW Qafar Afih Exxa)

Qafar Rakaakayak Barittô biiro Rakaakay Caddol Coved19 Sabbatah Alfimteh Sugte barittô buxaaxi Qagitaak Fakkimtuh maybalaalaqa Tecee.

Barittô biirok Naharsi Saqalah Yan Gifta Acmad Macammad Boddaaya yeceh Yan maybalaalaqal iyyeemih Agat caddol EFDRik Ciggiila malaakah Yan Gifta Xammaqhe Makonnin Casan kobaahisah yan Makaado baritto Agat caddo kee rakaakayittel 3 gexah Fakoonu waanah yaniinim Kee Tama Cagiida Makaado Akah Xisak Rakaakay caddol kaadu Rakaakayak ciggiila prezaxantiiy lee kee Elmô biirok naharsi saqal Gifta Qellaama Abuubakar kobaahisah yan makaado kulli caddol Rakaakayak ilaa barittô buxa fanah obak ta makaado xisne Xayi Udduurut akkelem Boddaaya Baxxaqse.

Qagitaak barittô buxaaxi kaxxa garabluk 09/02/2013 Xabba haak barri dariifal/ Awdoodil fakkiimelem kee fakoonuh federaalak barittô malaak kee Qaafiyat malaak teyyeeqeh tan barittô buxaaxih Mexxat Kee Abeenih Yanin Bica yangoonuh yaakume Bica abak geytimaanam Yiysixxige.

Gifta Acmad Macammad Boddaaya illacabol Urri (Barteenit) Xaltani Kee inkih Tan Qafar Ummattah Tatruse Farmol iyyeemih sinni xayloh wakti Acayuk Elle Faxximtannal Kattaatak keenil tan dirkik yawqeenim faxximtam Baxxaqse.

Biiro.

Baritto Buxa Cultam inkih Nel Tan Dirki

23/09/2020

Qadar Kee Qadaare.

21/09/2020

انا الله وانا اليه راجعون.

Ambasaxxer Ni Sultaan Canfaxe Qali Mirac 74 Karmat Amanoh Baguk Raq Sinni Rabi Kaa Bee.

Sultaan Canfaxe Qali Mirac Sanat 1942 Awsi Rasih Xintok Aysaqiiti Daqaarak Cinnaleh Awdal yoobeke.

Canfaxe Qali Mirac Qunxa Mariinol Qarab Afih Baritto Away Aysaqiital Macammad Canfaxe Migaq le Barittoh Buxal Kattaate .

1 Hayto Footimaak ilaa 4 Hayto Footima Fan Away Macammad Canfaxeh Migaaqal Tamixxige Barittoh Buxal Kattaatem Kaak Manoh Aydaadi Nummaasa.

Tonnah 5 Hayto Footimaak ilaa 6 Hayto Footima Fan Eretrak Asmaral Kattaate.
Ganna G*yo Sultaan Canfaxe Qali Mirac Qimmiseh Yan Baritto Fooca Fan Haak Addis Ababak Baxaabaxsa le Barittoh Buxaaxil Kattaate Axcih Kaadu Minilik Barittoh Buxaay' Tafari Mokonnin Barittoh Buxaa Kee Kotebe 2 Hayto Caddoh Barittoh Buxal Kattaateh Yanim Sultaan Canfaxe Qali Miracak Manoh aydaadi Diggoosa.

Tonnah 2 Hayto Caddoh Baritto Kattaatuh Sanat 1960 Masri Baaxo Fan Haysitak 12 Hayto Caddoh Barittok illacaboh Aqayyaare Beek lakal Kayroh Jaamiqat Culak Fayyo le Caddoh Barittok Gaba Kaleeh Tonnah Kaadu Sanat 1964 Ameerikah Baaxo Gexak Washingiton Dessel G*ytima Jaamiqat Culak Political Saynis Barittok Gaba Kaleh Yanim Ganna G*yok Manoh Aydaadi Baxxaqsa.

Sultaan Canfaxe Qunxa Mariinok Xabba Haanam Mango aroocal Miraacisak Yemeeteh Baxsaluk Aysaqiiti Daqaarak Naharsi Saqalaay' Aysaqiiti Daqaarak Magaala Xinissoh Saqalaay' Aysaqiiti Daqaarak Buqre Dadalih Biiroh Saqal Akkuk Mango Adda Ayyuntah Ayfaafay Cayuk Yemeete.

Sanat 1961 Xabba Haanam Siyaasa Cagiidat Faxximta Gabah Agle luk Yemeete Canfaxe Qali Mirac Fanti Doolatat Qafar Ummatta Awlaytit Akah Tallennah Abak Yemeetem Kee Atsi Haylesillaase Edde anuk Ethioppiyal Miraacisak Temeete Miroctillih Meqe angaaraw luk Yemeete Qafar Sultaanak Sugte.

Dagoo Uddura Mingistu Hayle Mayram luk angaarawuk Sugeeh Sarra Qafar Cagiidal Sitta G*yaanam xiqe Weenimih Sabbatah angaaraw Taqabi Ken Fanal Boode Wak Sultaan Canfaxe Qali Mirac Dergi Kaamol ayyo Taddigilluh Saqud Qarabiya Fanah Haysite.

Sultaan Canfaxe Qali Mirac 17 Santih Gideh Ethioppiyal Tan Siyaasa Taqabih Sabbatah Afa Baaxol Sugeh Yanim Sultaan Canfaxe Qali Miracak Manoh Aydaadi Yascasse.

laqini Alsak 13/Sanat 1983 Ameerikah Tû Bical londanal Tekke idolinnal Canfaxe Qafar Awlisak Edde Yengeleh Yanim Tambulle.

Tohuk Kalah Ethioppiyak Ummattah Awlaytiitih Malah Buxah Adoytah Sugeeh Qagitaak 1987 Qafar Rakaakayih Berezxanti Akkuk Mango Macal Abak Yemeete.

Ciggiilak Kaadu Sanat 2000/ ilaa 2006 Fan Ethioppiyak Kuwet ambasaxxer Akkuk Qafar Kee inkih Tan Ethioppiyah Ummattah Mango Macal Abak Yemeete.

Tohuk Kalah ALF Missoyna Kataysis lih Xisak Yabuuti Kee Eretrah Caddol inkih Gabah Assagolla Edde Akah Haan innah Abeh Sugem Tamixxige.

Sultaan Canfaxe Qafar Ummattah luk Suge Goorih Sabbatah Mango Miroctih amo Addah Haak Suge Weeh Yanim Kee Qafar Tuxxiiqik isi Tuxxiiq Aysukumuk Suge Weeh Tonnah Qafar Sittin G*y Maqarroowuh Mango Macal Abak Yemeete.

Illacabol Snat 2004 Sultaan Qali Miracak Qarkayto Nagarak Qafar Ummattah Faxxiimah Yan Ayfaaf Cayuk Yemeete Sultaanak Augte.

Sultaan Canfaxe Qali Mirac Mano Bagul lab Xayloh 2 Kee Say Xayloh 5 Kaak Raaqeh Yanim Sultaanak Manoh Aydaadi Diggoosa.

DW Qafar Afih Exxa Kaay Rabe Jannatti Qarus Yalli Kaa Abam Qaginnah Kay Elle Xayi Kee Kataysiisiy Buxa Marah imaan Kee Sabri Yaceem Qaginnaنا الله وانا اليه راجعون.

13/09/2020

Awaash Weeqayti Abeh Yan lee Kibneek Gexxaamah Dacarsittoh Xiinah Ummattal Kaxxa Taqabi Kataasak G*ytima.

------------------

Q.Garablu 03-01-2013(DW Qafar Afih Exxa)

Awaash Weeqayti Abeh Yan lee Kibneek Gexxaamah Dacarsittoh Xiinah Ummattal Kaxxa Taqabi Kataasak G*ytima.

Qafar Rakaakayak Awsi Rasu Kee Gabbi Rasul Awaash Weeqayti Abeh Yan Qanxixit Mangoh Tan Dacarsittoh Xiinah Ummatta Edde Dufutak G*ytimta.

Baxsaluk Gabbi Rasih Xintok Qammih Baxi Daqaaral Weeqayti Abeh Yan Korimit 30 Km Xexxar Takke Dariifa Fan Culak Mangoh Tan Ummatta Guub Edde Cabteh Tonnah Mango Uwwayti Edde Finqiteh Yanim Ethioppiyak lee Kee Mosnooy Energy Malaakah Yan Engeneer Shimellis Beqhelle Alqo Tama Dariifat Gufne Abe Wak Qaddose.

Tama Gino Qawwalaylat 180 Alfi Takke Ummattal Taqabi Kataaseh Tonnah 133 Alfi Takke Ummatta Guub Maleh Edde Raqteh Tanim Yescessen.

Qafar Rakaakayak Afambooy Aysaqiitay'Qammih Baxi Daqaaray' Gawwaane Kee Canrukaay Kalah Tan Daqoorit Edde anuk Buqre Baxooxa Edde Finqitteeh Tonnah Ummatta Tedereemik Gaba Qassih Raqteh G*ytimta.

12/09/2020

Rakaakayak Qaafiyat Biiroh Saqal Enjineer Macammad Tayyib Fantî Rasuk Kalluwan Hospitaalat Taama Gufne Abe.

-------------
W-02-01-2013(DW Qafar Afih Exxa)

Rakaakayak Qaafiyat Biiroh Saqal Enjineer Macammad Tayyib Fantî Rasuk Kalluwan Hospitaalat Taama Gufne Abe.

Fantî Rasuk Rasi Miraacinu Kee Hospitaal pordî luk tama hospitaal elle yan Gurra Yableenim kee hospitaalah yakkem faxximta hanaawi wagsiisak Baar Le Walal Abeh Suge.

Tonnah Kaadu tama hospitaalat awayih Uddur Asqassaabe Tekkeh G*ytimtam kee ummattah mexxat le Ayfaf yaceenimih caddol maqar luk taamitaanam faxximtam Wagsiisak Qaafiyat Biiroh Saqal Enjineer Macammad Tayyib Tama Hospitaalih Miraacinu Kee Pordih Afkan Yeceem Tamixxige.

-Rakaakayak Qaafiyat Dacayrih Biiro

09/09/2020

Qadar Kee Qadaare

09/09/2020

Qafar Rakaakayak Gabbi Rasul Weeqi Qawwalaylat Duffumté Ummattah Tu Cubbus Barittô Yaceenim Kee Covid-19 Fokkaaqo Abaanamih Taama Akkuk G*ytimta Rakaakayak Qaafiyat Dacayrih Biiro Qaddosse.

------------
B 04-13-2012(DW Qafar Afih Exxa)

Qafar Rakaakayak Gabbi Rasul Weeqi Qawwalaylat Duffumté Ummattah Tu Cubbus Barittô Yaceenim Kee Covid-19 Fokkaaqo Abaanamih Taama Akkuk G*ytimta Rakaakayak Qaafiyat Dacayrih Biiro Qaddosse.

Rakaakayak Qaafiyat Biiro Gabbi Rasû Fan Erga Ruubak Canrukî Daqaaray, Galaqlî Daqar Kee Awash Fante Qaleh Daqaaral inki Aracal Gaabowteh G*ytimta 9545 Amô Takke Buxah Abbobtih Qaafiyat Biritto Acayuk Weeqa Kee Wasaakat Sabab Abak Tamaatem Dudda Lakimittek isinni Elle Dacrisan Gurra Wagsiisak Barittô Keenih Amcayuk G*ytimta.

Tonnah Kaadu Awaash Fantî Qaley, Galaqluuy, Canrukaay, Gawwaani Kee Qammi Baxi Daqaaral Covid-19 Fokkaaqo Buxaak Buxa Gexak Abaaanam Kee Covid 19 isinni Edde Dacrisaanam Duudumta Mansoofah Qokol Biiro Keenih Abak G*ytimtam Tamixxige.

Rakaakayak Qaafiyat Dacayrih Biiro

08/09/2020

Qafar Af Dadaluh Kûlli Num isil Tan Dirkik Yawqem Faxximta .

Baaxo Caddo Dubuh Hinnay Qafar Af Baadal Dadalte Afitteh Addat Marroowuh inkih Macallay.

(illacabot Yan Qadar Qadar Abeen Qali Cuseen Gayranoh Qadara.

08/09/2020

05/09/2020

ُإنالله وإنا إليه راجعو

Rooka Xaagu

Ganna G*yo Camad Caydara 79 Karmat amanoh Baguk Raq Sinni Rabi Kaa Bee .

Giclo Abeena Camad Caydara Baluuqa A'manoh Baguk Rabah Daqaarime.

Ganna G*yo Camad Caydara Baluuqa Abbak Caydara Baluuqay inak Qeysa Qalik E.l.l Sanat 1933 Kiblatti Rasih Xintok Xalool Daqaarak Simbiilali awdal Yoobeke.

Ganna G*yo Camad Caydarak Manoh Aydaadi Elle Yascassennal TPLF Dergi Kaamol Ayyoh Xinto Taggaluh Qafar Baaxo Culte Wak Qeerole Giclot Angicilluk Yemeeteh Yan Giclo Abeena Kinnih Tanim Kaak Manoh Aydaadi Diggoosa.

Baxsaluk Dergi Kaamol Ayyoh Xinto Qafar Ummattal Baahak Sugteh Tan Gibdaabinih Naqabuh Ganna G*yo Ciwaacat luk Mango Udduurah Angiicilluk Yemeeteh Yan Firqawtu Kinnih Tanim Tamixxige.

Giclo Abeena Camad Caydara E.l.l Sanat 1968 inkih Tan Ethioppiyah Ummattah Amol Sugte Dergi Kaamol Ayyoh Xinto Taddagalluh Qeero le Giclot Yengeleh Yanim Kay Aydaadi Yascasse.

Camad Caydara Sanat 1968 ilaa Sanat 1974 Fan inkih Tan Ethioppiyah Ummattah Amol Sugte Dergi Kaamol Ayyoh Xinto Taddagalluh Angicilluk Yemeeteh Yan Giclo Abeena Kinni.

Dergi Kaamol Ayyoh Xinto Tiddigillek lakal Sanat 1984 Qafar Ummattah Dimok Raasih Missoynak Saqal Akkuk Miraacisak Yemeeteh Tonnah Elle Suga Doolat Xissimma intam Fanah Missoyna Saqal Akkuk Mango Udduura Miraacisak Sugeh Yanim Qaddosen.

Ganna G*yo E.l.l Sanat 1980 Fan Baaxo Caddol Akkuk Sugte Gicloh Addat Kaxxa Doori Digirak Yemeete Firqawtuk Sugtem Kaak Manoh Aydaadi Yascasse.

Ganna G*yo Qafar Rakaakayak Baxaabaxsa le Aroocal Taamitak Yemeeteh Away Kaadu Qafar Rakaakayak Rasi Fayu Abeenah Sugeh Yanim Kee Ganna G*yok Oddooniya Bagul lab Xaylo 3 Kee Say Xayloh 2 inki Gubna Kaak Raqteh Tanim Camad Caydarak Manoh Aydaadi Diggoosa.

إنالله وإنا إليه راجعون

اللهم اغفر له وارحمه وعافه واعف عنه وأكرم نزله ووسع مدخله واغسله بالماء والثلج والبرد ونقه من الذنوب والخطايا كما ينقى الثوب الأبيض من الدنس

30/06/2020

Hachula Hunxeesa amonoh Baguk Rabah Daqaarime.

-------------------------
Waysu 23/2012(DW Qafar Afih Exxa )

Hachula Hunxeesa amonoh Baguk Rabah Daqaarime.

Hachula Hunxeesa Oromiyak Kaxxa Gad Abeh Sugeh Yanim Kee Biri Bar amixxige Sinni Mari Kaat Hee Rusasat Rabeh Yanim Qaddowte.