28/04/2023
Die oomblik wat jy dood gaan gebeur die volgende op aarde -
Dag 1
Jou naaste huil en voel oor val met verlies en skok.
Ook dag 1
Vir 8,015 miljard ander mense is dit 'n gewone Dinsdag.
Dag 2 tot 5
Jou begrafnis word beplan, mooi dinge word oor jou geskryf en gesê deur die wat jou lief het.
Ook dag 2 tot 5
Die wat jou nie kon hanteer nie praat en skryf ook mooi dinge van jou, maar uit respek vir die dood, gestrooi met 'n knippie skynheiligheid, nie uit respek vir jou nie.
Dag 6 tot 10
Jou begrafnis word gehou deur 'n klein groepie mense en daar is baie trane, die trane en die groepie word minder en kleiner teen die tyd wat die 4de koeksister geëet word.
Ook dag 6 tot 10
Die wat weg gebreek het van die naaste groep af, is in die kar oppad huis toe al reeds besig om te skinder oor jou naaste se doen en late by jou begrafnis.
Dag 30 tot 60
Jou man of vrou en jou kinders het vir die eerste keer weer hard op vir 'n grap gelag, hul onthou jou, maar die seer voel al minder as die maand einde verantwoordlikhede.
Ook dag 30 tot 60
Jou baas het jou pos gevul, die kantoor praat nie regtig meer veel van jou nie behalwe as dit kom by die oor name van jou werks pligte.
Dag 100 tot 200
Jou man of vrou is gereed om aan te beweeg, jou kinders mis jou maar huil nie meer regtig nie. Jou foto's kry waarde maar word nie meer so hartseer na gekyk nie.
Ook dag 100 tot 200
Vir 8,015 miljard mense is dit 'n gewone Dinsdag.
En tog leef 99% van ons om ander se respek en hoë agting te bekom ... Ons maak ons self siels ongelukkig om aan sien te kry of te behou ... Ons stel ons drome uit, breek ons waardes af en gee ons geluk prys vir 'n glimlag op 'n gesig wat dit tien teen een nie eers tot by jou begrafnis se koeksister tafel sal maak nie.
Dit gee mens 'n ander perspektief op die manier wat jy jou lewe leef (of nie leef nie) né?
