Nuus & Gebeure - Orania & Omtrek

05/05/2026

Ons is trots op die diep spore wat ons Volkskolers op vele velde trap. Juf Linda Cummings is verkies op Noord-Kaap Jukskei se bestuur as Direkteur Finansies.

01/05/2026

30/04/2026

🙏🏻Plaaslike regeringsverkiesing op 4 November bied ’n nuwe dagbreek van hoop



Mediaverklaring uitgereik deur:

🟢Dr. Corné Mulder

VF Plus-leier

30 April 2026



Die datum vir die komende plaaslike regeringsverkiesing is vandag bekend gemaak. Suid-Afrikaners kan nou hul oë rig op 4 November 2026 om uitkoms te bring uit die moeras van verval waarin die ANC plaaslike regerings reg oor die land gedompel het


4 November is ’n Woensdag, oor bykans ses maande. Benewens om op dié dag te stem, is die belangrikste taak vir alle Suid-Afrikaners nou om seker te maak hulle is geregistreer om te stem.



Stemgeregtigdes moet ook hul besonderhede op datum bring. Dit kan gedoen word by die naaste OVK-kantoor of via die OVK se aanlyn-stelsel.



Ná meer as dertig jaar van ANC-wanbestuur, korrupsie en die totale afwesigheid van dienslewering wat talle dorpe en stede tot op die rand van bankrotskap gedryf het, is dit verstaanbaar dat ’n mate van apatie onder die publiek ontstaan het.



Baie het begin glo dat die ANC nie maklik uit die regering verwyder sou kon word nie en dit was daarom moeilik om optimisties oor enige verkiesing te raak.



Dit het verander. Dit raak toenemend duidelik dat die ANC se steunbasis vinnig krimp. Die apatie kan nou plek maak vir ’n positiewe gesindheid met die realistiese oortuiging dat daar wel ’n toekoms ná die ANC is.



Die VF Plus sal deel wees van hierdie nuwe toekoms — ’n toekoms waarin dienslewering en diensbaarheid weer voorop gestel word in ‘n land waarin elke persoon ’n toekoms vol hoop het.



Dit begin by die plaaslike verkiesings wat bepaal wie jou munisipaliteit bestuur, jou strate skoonmaak, water en elektrisiteit verskaf en jou belastinggeld bestee.



Dit is van kardinale belang om hierdie demokratiese reg uit te oefen. Die VF Plus moedig kiesers aan om noukeurig te kyk by watter party se waardes, beginsels en beleid hulle die beste aanklank vind.



4 November bied die geleentheid vir ’n nuwe begin. Gryp dit aan en stem VF Plus vir ’n beter toekoms.





Navrae: 083 626 1497 / 065 801 7216

29/04/2026

Skop jou naweek sommer Donderdagaand al af. Daar wag 'n LEKKER tyd in die feestent tydens die Dorpsdraf!

Of jy deelneem of nie, daar is:
- Kosstalletjies
- Biertuin.. en 'n vryheidsgees wat nie geblus kan word nie!

⭐ Dorpsdraf ⭐

👟 Wie? Ligloop deelnemers se eerste roete en enige iemand van die publiek mag saamdraf of -stap.
🏆 Waar? Orania Sportterrein
📆 Wanneer? Donderdagaand, 30 April
⌚Hoe laat? Ongeveer 18:00 spring ons weg
✍️ Inskrywings? Vanaf 14:00 op die terrein.
📍Hoe ver? 5km
🗺️ Roete? https://www.strava.com/routes/3480134462603628056
🤑 Kostes? R 40 per volwassene en R 20 per skoolgaande kind
🏤 Lusmaker?
Ons draf dwarsdeur seker sleutelinstellings in Orania. Kan jy raai watter instellings?

28/04/2026

19/04/2026

Die uitdaging oor die geskiedeniskurrikulum is polities, nie opvoedkundig nie, skryf Wynand Boshoff.

13/04/2026