Ineffable Digitale Ontwerp

26/09/2026

Ineffable Digitale Ontwerp™ hou op 'n jaarlikse basis elke Oktobermaand 'n Boeremaand deur erkenning aan boere, landbouers, boereorganisasies en plaaslike besighede te gee. Ons is opgewonde om hierdie projek uit te brei en ons Septembermaande aan boervroue op te dra.

Susan kyk met ’n besondere diepte en deernis na die mense rondom haar. Haar waarneming strek verder as die oppervlakkige en sigbare, en stel haar in staat om die kompleksiteit van mense se pyn, hoop en potensiaal raak te sien. Hierdie vermoë om die mens agter die omstandighede te herken, getuig van wysheid, empatie en ’n opregte belangstelling in die welstand van ander.

Ons het haar genader om ’n getuigskrif oor haar moeder, Ina Opperman, te skryf. 'n Dogter se herinneringe aan haar moeder word gevorm deur jare van gedeelde ervarings, waardes, gesprekke en lewenslesse en bied daarom insig in die invloed wat ’n moeder se lewe op die volgende geslag kan hê.

“’n Vriendelike woord is soos ’n heuningkoek: soet vir die siel en gesond vir die liggaam.” — Spreuke 16:24

Geniet jou Saterdag!
©Ineffable Digitale Ontwerp 2026

25/09/2026

In Lize met ‘n Z se brief was daar ’n goue draadjie wat vir my besonder goed aangesluit het by die betekenis van Erfenisdag. In haar brief verwoord sy waarheen sy op pad is, en daarmee saam die waardes, oortuigings en herinneringe wat haar rigting bepaal.

Haar skrywe het my daaraan herinner dat erfenis nie slegs in die verlede opgesluit lê nie, maar ook in die wyse waarop ons dit verstaan, uitleef en aan die toekoms oordra. Dankie, Lize!

Erfenisdag bied ’n geleentheid om stil te staan by dit wat ons ontvang het, maar ook by dit wat ons self besig is om te vorm. Dit vra van ons om met waardering na ons oorsprong te kyk, sonder om die verantwoordelikheid van die toekoms uit die oog te verloor. Ons erfenis is nie net iets wat ons bewaar nie; dit is ook iets waaraan ons deur ons keuses, optrede en volharding betekenis gee.

Geniet jou Vrydag!
- die Stigter

©Ineffable Digitale Ontwerp 2026

24/09/2026

Lees gerus Dr Eugene Brink se rubriek oor erfenisdag.

‘Erfenis is juis iets wat voortdurend en vir die toekoms geskep word, al het dit per definisie met die verlede en nalating te doen.’ | ✍️ Eugene Brink

🔗 SKAKEL IN DIE KOMMENTAAR

24/09/2026

Ineffable Digitale Ontwerp™ gee onverwagse erkenning aan plaaslike besighede, kunstenaars, buitengewone mense en organisasies deur collages op te dra. Vandag gee ons erkenning deur 'n collage aan Norman Halder op te dra!

Ter viering van erfenisdag, wil ons graag erkenning aan hom gee vir sy onbaatsugtige bydrae tot die Krugergenootskap. Norman spandeer ure agter die boeke om inligting oor Paul Kruger op te soek, dit op te som en met die res van die wêreld te deel.

Neem uit die verlede wat goed en edel is, en bou daarop die toekoms. - Paul Kruger

Die Krugervieringe vind op 10 Oktober plaas. Hou gerus die Krugergenootskap se Facebookblad dop vir die verrigtinge wat gaan plaasvind.

©Ineffable Digitale Ontwerp 2026

24/09/2026

Erfenisdag herinner ons daaraan dat ons plek in die wêreld nie sommer net toevallig is nie. Ons bou voort op die fondasie wat deur ons nageslagte neergelê is, want hulle werk, geloof en taal leef steeds in ons voort.

Dit is steeds ons erns om ons erfenis te bewaar en oor te dra.

Ja, ons erfenis is vir ons mooi!
𝗚𝗘𝗟𝗨𝗞𝗞𝗜𝗚𝗘 𝗘𝗥𝗙𝗘𝗡𝗜𝗦𝗗𝗔𝗚

© Ineffable Digitale Ontwerp 2026

23/09/2026

Ineffable Digitale Ontwerp™ hou op 'n jaarlikse basis elke Oktobermaand 'n Boeremaand deur erkenning aan boere, landbouers, boereorganisasies en plaaslike besighede te gee. Ons is opgewonde om hierdie projek uit te brei en ons Septembermaande aan boervroue op te dra.

Lize se brief dui vir ons verandering aan. Waar sy eers in die suiwelbedryf gewerk het, vind sy nou haar voete in die graanbedryf. Ons wou haar padkaart juis in hierdie ontwerp uitbeeld sodat sy kan sien waar sy was en waarheen sy op pad is. Wat 'n mooi reis is dit nie?

In haar brief verwoord sy dit wat sy in die alledaagse lewe raaksien en bewonder, met spesifieke klem op die volharding van mense wat, te midde van druk en onsekerheid, steeds voortgaan. Haar waarneming vestig die aandag op die betekenis van uithouvermoë en die vermoë om ondanks uitdagende omstandighede aan te hou. Daarmee bied sy ’n perspektief op die menslike kapasiteit om onsekerheid te hanteer en om deur volgehoue inspanning betekenis en waarde in die alledaagse te vind.

"Sy kry wol en vlas in die hande en verwerk dit met genot. Sy is soos die handelskepe, van ver af bring sy haar kos in. Sy bereken die waarde van 'n stuk grond en koop dit. Sy werk baie hard. Haar hande staan vir niks verkeerd nie. Sy het innerlike krag en waardigheid. Sy is nie bekommerd oor die toekoms nie. Sy praat met wysheid, sy gee raad saam met liefde." - Spreuke 31

Baie dankie, Lize, vir jou insiggewende inhoud en die bevordering van boere. Mag hierdie nuwe seisoen 'n onvergeetlike reis wees en mag jy die land aanhou verbaas!

Geniet jou Woensdag!
©Ineffable Digitale Ontwerp 2026

22/09/2026

Lewenslesse varsgepluk uit Ons Taaltuin !
Lees hier:

“Dis ’n mooi lewe dié,” sê ek vir ’n vriendin kort nadat ons oor pyn en verlies gepraat het. Elkeen dra sy eie lot, maar teen die tyd verstaan ons ook dat ‘n mens nie net deur jou lot bepaal word nie.

Volgens Nietzsche is die mens nie ’n voltooide eindproduk nie, maar ’n wese in voortdurende wording. Om lewenslesse in my joernaal neer te pen, beteken nie dat ek dit reeds ten volle verstaan of altyd daarin slaag om dit toe te pas nie. Soms verskyn dieselfde les weer en weer om die draai. Só werk die kringloop van die lewe.

Septembermaand se lewenslesse lyk só:
1. Die lewe hoef nie volledig verstaan te word om volledig geleef te word nie.
2. Om te leef beteken om voortdurend tussen sekerheid en onsekerheid te beweeg.
3. Om ’n mening te hê is nie dieselfde as om onafhanklik te d**k nie.
4. Tradisie verdien soms ondersoek en nie outomatiese gehoorsaamheid nie.
5. Amor fati: wees lief vir jou lot.

Van die Jakarandas blom ongeduldig vroeg en dis vir my mooi om te sien dat die son nie meer so skaam is nie. Die kuns lê daarin om die mooi in alles te soek en uiteindelik deel van die mooi te word.

Oktober is op pad. Dis ’n mooi lewe dié …

©Hilde Kruger, 2026