23/02/2025
!
!
ከቤት አልሚወች ቤት የምትገዙ ሰዎች ሁላችሁም ማለት በሚቻል ደረጃ ተጭበርብራችኋል።
✍️ ሰሞኑን የወጡ ጥናቶች እጅግ አሳዛኝ እና አንጡራ ሀብታቸውን አፍስሰው ከቤት አልሚወች ቤት የገዙ የሚገዙ ትልቅ ጉዳት እና ኪሳራ ላይ ወድቀዋል።
ለምሳሌ
አንድ ሰው የመቶ ካሬ ቤት ወይም ሁለት ክፍል ቢገዛ ያሉትን በማመን ስለሆነ ቤቱ የሚያርፍበትን ስፋት አያስተውልም።
ከመቶ ካሬው ውስጥ ቤቱ የሚያርፈው ወር 50 ወይም 60 ካሬ ላይ ነው ይህም ማለት ሰወየው መቶ ካሬ ቤት ሳይሆን የገዛው 60 ካሬ ብቻ ነው ማለት ነው።
በጣም አሳዛኙ ነገር እነኝህ የቤት አልሚወችን ተመልሰው ሄደው ለምን መቶ ካሬ ያላችሁት ቤት እራሱ አልሆነም ተብለው ሲጠየቁ
የመኪና ማቆሚያ እና የጋራ መጠቀሚያ ነው ሌላው ብለው አንዴ ስላስፈረሙ ይገግማሉ።
አሳፋሪው ነገር ቤት አልሚወች ለቤት ገዥወች የሸጡት ቤት መጠንን የመኪና ፓርኪንግ ያሉትም ሆነ የጋራ መጠቀሚያ በቤቱ ሽያጭ ዋጋ እኩል ነው የሚያስቡት።
ለመኪና ማቆሚያ ያሉትን እና የጋራ መጠቀሚያውን በሌላ ዝቅተኛ መጠን እንኳን አያስቡም።
ሰሞኑን አስር ያህል ዲያስፖራወች እና በርከት ያሉ አገር ቤት ነዋሪወች የገዙትን ቤት ያገኙ መስሏቸው ሲረከቡ ጉዱ ሌላ ነው። በተለይ አንዱ የገዛው ባለ ሶስት ክፍል ቤት 220 ካሬ ብለውት ነበር ሆኖም ቤቱ ያረፈው በ160 ካሬ ላይ ብቻ ነው ይህም ማለት ይህ ሰው 60 ካሬ መሬት ያህል ቤቱ በጋራ መጠቀሚያ እና አንድ መኪና ማቆሚያ በሚል ተጭበርብሮዋል።
አንድ መኪና ማቆሚያን በ50 ካሬ መጠን ነው ያጭበረበሩት ሰውየው እጅግ ባሳዛኝ ሁኔታ ለቤቱ አጠቃላይ የከፈለው 19 ሚሊዮን ብር ነው።
ስለዚህ ቤትን ከአልሚወች ስትገዙ የቤቱ ትክክለኛ ካርታ የሚያርፍበትን ሳታውቁ አትግዙ።
የመቶ ካሬ ቤት ተብላችሁ 60 ካሬ ቤት ብቻ መረከብ እጅግ ኪሳራ ነው።
በውጭው አለም ይህ እጅግ በጣም ነውር ስራ ተደርጎ ይቆጠራል የጋራ መጠቀሚያ ወይም ኮሪደሮች ላይ እኩል ለጋራ ተጠቃሚወች በማሰብ በዝቅተኛ ዋጋ ሲታሰብላቸው ባብዛኛው የመኪና ፓርኪን በነፃ ሊባል በሚችል ዋጋ ነው የሚታሰብላቸው።
ኢትዮጵያ ላይ ግን የጋራ መጠቀሚያም መኪና ማቆሚያም በዋናው ዋጋ እኩል አስበው እና ለዛውም አጭበርብረው ነው የሚሸጡት።
ስለዚህ ቤት ገዠወች ቀጣይ ካላችሁ በተለይ ከአልሚወች 200 ካሬ ቤት ብትገዙ ቢያንስ ቤቱ ካርታው በ170 ካሬ ላይ ያረፈ ካልሆነ እና የጋራ መጠቀሚያ እና የመኪና ፓርኪንግ ዋጋው ካልቀነሰ አትግዙ።
እንዴ ይቀልዳሉ እንዴ የመቶ ካሬ ቤት ገዝታችሁ ቤታችሁን ስትረከቡ ቤቱ 60 ካሬ ላይ ብቻ ነው መባል ቀሽምየሆነ ግዥ ነው።
እያስተዋላችሁ የደከማችሁበት ገንዘብ እንዳይበላ ተጠንቀቁ።
ልትገዙ ስትዋዋሉ ዋናው ትኩረታችሁ ቤቱ ያረፈበት የካሬ መጠን ላይ ይሁን እንጅ ሻጮቹ ያሏችሁን አትመኑ።
መረጃውን እያጋራችሁ!
🪴 !
