16/05/2026
Waxaa si weyn loo hadal hayaa wararka xaqiijinaya in cutubyo ka tirsan ciidamada Puntland ay baneeyeen furimihii Calmiskaad, kadib markii ay la kulmeen xaalado adag oo ay ka mid yihiin sahay la’aan, biyo yaraan, iyo taageero hawlgal oo aan joogto ahayn.
Arrintani waxay si toos ah su’aal uga keenaysaa awoodda iyo masuuliyadda hoggaanka ciidamada Puntland, oo lagu eedeynayo dayac iyo ka gaabis ku yimid daryeelka iyo hagidda ciidamada ku sugan jiidaha h**e. In ciidamadii difaaca dalka iyo shacabka loo igmaday ay furimihii ka baxaan iyaga oo aan helin taageero ku filan waa fashil culus oo aan la iska indho tiri karin.
Hoggaanka ciidanku wuxuu waajib ku ahaa in uu xaqiijiyo sahay joogto ah, isku xirnaan hawlgal, iyo daryeel buuxa oo ciidamada safka h**e ah. Hase yeeshee, xaaladda maanta jirta waxay muujinaysaa in qorsheyntii iyo maarayntii furimaha ay si weyn u liidato.
Waxaa sidoo kale jirta walaac xooggan oo ku saabsan niyad-jabka ciidamada, taas oo haddii aan si degdeg ah wax looga qaban keeni karta burbur ku yimaada isku-duubnida iyo awoodda difaac ee jiidaha h**e
